Մայիսի 4-ի ցերեկը, 5-7-ը ժամանակ առ ժամանակ, 8-ի և 9-ի ցերեկային ժամերին հանրապետության առանձին շրջաններում սպասվում են կարճատև անձրև և ամպրոպ, տեղ-տեղ հնարավոր է կարկուտ: Մայիսի 8-ի և 9-ի գիշերը սպասվում է առանց տեղումների եղանակ։
Քամին՝ հարավարևմտյան`2-5 մ/վ, ամպրոպի ժամանակ սպասվում է նաև քամու ուժգնացում՝ 16-20 մ/վ արագությամբ։ Օդի ջերմաստիճանը մայիսի 5-6-ը աստիճանաբար կնվազի 4-6 աստիճանով, մայիսի 7-9-ը աստիճանաբար նույնքան կբարձրանա։
Երևանում մայիսի 4-ին կեսօրից հետո, 5-7-ը սպասվում են կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում՝ 16-19 մ/վ արագությամբ։ Մայիսի 8-9-ը սպասվում է առանց տեղումների եղանակ։