OnlyFans հարթակը երկարատև բանակցություններից հետո համաձայնեցրել է բաժնեմասի մոտ 16%-ի վաճառքը ամերիկյան Architect Capital ընկերությանը։
Գործարքի շրջանակում բիզնեսը գնահատվել է շուրջ 3.15 միլիարդ դոլար։
Հաղորդվում է, որ գործարքից հետո Architect Capital-ը կաջակցի OnlyFans-ին՝ կոնտենտ ստեղծողների համար ֆինանսական ծառայությունների զարգացման ուղղությամբ։
Խոսքը կարող է վերաբերվել վճարային գործիքների, ֆինանսավորման և եկամուտների կառավարման նոր հնարավորությունների ներդրմանը։
Վերլուծաբանների կարծիքով՝ այս քայլը ցույց է տալիս, որ OnlyFans-ը փորձում է աստիճանաբար վերածվել ոչ միայն կոնտենտային հարթակի, այլև ստեղծարար տնտեսության համար ֆինանսական ենթակառուցվածք առաջարկող ծառայության։