Ղարաբաղի շարժումը ճակատագրական սխալ է եղել մեզ համար: Այս մասին Կոռնիձորում քարոզարշավի ժամանակ ասել է Նիկոլ Փաշինյանը:
«Մենք շատ դժվար ճանապարհով ենք գնացել և դժվար արձանագրումներ ենք արել, դրանից ամենադժվարը եղել է այն, որ մեր պետությունը իր ստեղծման առաջին օրից՝ 1991 թվականից, գտնվել է թակարդում: Մենք այսօր մեր պետությունը թակարդից հանել ենք և դրել ենք բոլորովին այլ՝ զարգացման տրամաբանության վրա: Մեզ խաբել են, թե մենք Ղարաբաղի համար ենք վատ ապրում, դա սուտ է եղել, իրենք իմացել են, որ սրա հետևանքը ծանր է լինելու: Հայաստանի հաշվին Ղարաբաղում թոշակներն ու աշխատավարձերը բարձր են եղել, իսկ այն մարդիկ, ովքեր սա մոռանում են՝ ուտող-ուրացող են, երախտամոռ են»,- նշել է նա:
Oragir.News-ը շրջել է մայրաքաղաքի փողոցներում և անցորդներին հարց ուղղել․ «Համաձա՞յն եք Նիկոլ Փաշինյանի հետ, որ Ղարաբաղյան շարժումը ճակատագրական սխալ է եղել մեզ համար»։
Հարցվածների մի մասը նշեց, որ համաձայն չէ այդ մտքի հետ, որոշներն էլ դրական պատասխան տվեցին։
«Ես ոչ մեկի հետ համաձայն չեմ»,- պատասխանեց քաղաքացիներից մեկը։
Մեկ այլ անցորդ էլ ասաց, որ ոչ մի հարցում համաձայն չէ Նիկոլ Փաշինյանի հետ։ «Փաշինյանի հետ ընդհանրապես համաձայն չեմ ոչ մի հարցում»,- նշեց նա։
Քաղաքացիներից մեկի կարծիքով էլ՝ Արցախ ընդհանրապես չպետք է լիներ։ «Այո, այո, Ղարաբաղ վաբշե չպիտի լիներ, պիտի իրանք ապրեին Ադրբեջանի կազմում, էդքան զոհ չէինք ունենա»,- ասաց նա։
«Ոչ, սխալը ինքն ա»,- պատասխանեց մեկ այլ հարցված։
Մանրամասները՝ տեսանյութում․