Մոսկվան ակնկալում է, որ Երևանը կպարզաբանի այն փաստը, որ Հայաստան-ԵՄ գագաթնաժողովը հարթակ է տվել Ուկրաինայի նախագահ Վլադիմիր Զելենսկիին հակառուսական հայտարարություններ անելու համար։ «Վեդոմոստի»-ի փոխանցմամբ՝ այս մասին նշել է Ռուսաստանի նախագահի մամուլի քարտուղար Դմիտրի Պեսկովը՝ լրագրող Պավել Զարուբինի հետ զրույցում։
Պեսկովն ընդգծել է, որ գագաթնաժողովը հյուրընկալելը Հայաստանի ինքնիշխան իրավունքն է․ «Երկիրը հետևում է բազմավեկտոր արտաքին քաղաքականության, ինչը նորմալ է։ Ռուսաստանը ողջունում է Հայաստանի ջանքերը՝ բոլոր ոլորտներում լավ հարաբերություններ զարգացնելու համար, սակայն Զելենսկիին հակառուսական հայտարարություններ անելու թույլտվությունը չի համապատասխանում Մոսկվա-Երևան հարաբերությունների ոգուն»։
ՌԴ նախագահի մամուլի քարտուղարը նաև ընդգծել է, որ Ռուսաստանի համար կարևոր է, որ Հայաստանը հակառուսական դիրքորոշում չընդունի։