Հայաստանի խորհրդարանը մայիսի 11-ի արտահերթ նիստում երկրորդ և վերջնական ընթերցմամբ ընդունել է դիվանագիտական գրասենյակներ ստեղծելու վերաբերյալ օրենսդրական փոփոխությունները։
Փոփոխությունները ներկայացրել է հանրապետության արտաքին գործերի նախարար Արարատ Միրզոյանը։
Վերանայվելու են նաև դեսպանների և մշտական ներկայացուցիչների պաշտոնավարման ժամկետները։ Մասնավորապես, դեսպանները կկարողանան իրենց ծառայությունները շարունակել հավատարմագրման երկրում (մինչև 5 տարի ժամկետով)։
Բացի այդ, կվերանայվի դիվանագիտական ծառայություն իրականացնող անձանց վարձատրության չափը։