Հայաստանի վարչապետ Նիկոլ Փաշինյանը Ռուսաստանի հետ հարաբերությունները խզելու ուղի է որդեգրել, և պետք է ուղղակի ընդունել դա։ Այս մասին, պատասխանելով РИА Новости գործակալության հարցին, հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը։
Ավելի վաղ Մեդվեդևը նշել էր, որ Փաշինյանը կարող է «ցավոտ վայրէջք կատարել» ԵԱՏՄ-ի և Եվրամիության «աթոռների միջև»՝ մի կողմից փորձելով Երևանը «քաշել» դեպի ԵՄ, իսկ մյուս կողմից՝ ձգտելով պահպանել Եվրասիական տնտեսական միությանն անդամակցությունից ստացվող օգուտները։
«Ինչ-որ Նիկոլ Փաշինյան Ռուսաստանի հետ հարաբերությունները խզելու ուղի է որդեգրել, դա պետք է ուղղակիորեն ընդունել։ Նրան ձեռնտու է թվում քաղաքական տարբեր հոսանքների արանքով սպրդելով՝ Արևմուտքում իր համար փուչ հեղինակություն ձեռք բերել՝ վտանգի տակ դնելով մեր երկրի հետ կապերը»,- ասել է Մեդվեդևը։