«Ես հրավերի դեպքում և հարմար առիթով կայցելեմ հարևան երկիր (նկատի ունի Ադրբեջանը — խմբ․) և բոլոր հարևան երկրների ներկայացուցիչներին կհրավիրեմ Հայաստան»։ Այս մասին հունիսի 1-ին Հանրային հեռուստատեսությամբ նախընտրական բանավեճի ժամանակ հայտարարել է «ՔՊ» կուսակցությունից պատգամավորի թեկնածու, ՀՀ խորհրդարանի խոսնակ Ալեն Սիմոնյանը։
«Կարող եմ գաղտնիք բացել. վերջերս Ադրբեջանում ֆորում անցկացվեց, և իմ ադրբեջանցի պաշտոնակիցը հրավիրեց ինձ այցելել Ադրբեջան։ Բայց, ցավոք, նախընտրական քարոզարշավի պատճառով ես հրաժարվեցի ֆորումի աշխատանքներին մասնակցելուց»,- նշել է Սիմոնյանը։
Նա հավելել է, որ քաղաքական գործիչները պետք է պատասխանատվություն ստանձնեն խաղաղության համար։