Չինաստանի նախագահ Սի Ծինփինը ժամանել է Հյուսիսային Կորեա՝ 2019 թվականից ի վեր իր առաջին պաշտոնական այցով։ Սի Ծինփինի և Հյուսիսային Կորեայի առաջնորդ Կիմ Չեն Ընի հանդիպման ընթացքում քննարկման առարկա կարող են դառնալ Կորեական թերակղզու ապամիջուկայնացման, ԱՄՆ-ի հետ հարաբերությունների և երկու Կորեաների միջև առկա լարվածության հարցերը։
Չինաստանի արտգործնախարար Վան Ին ապրիլին այցելել էր Փհենյան, որտեղ Կիմ Չեն Ընը հայտնել էր Պեկինի հետ կապերի և համագործակցության խորացման պատրաստակամության մասին։
Այցը տեղի է ունենում այն ժամանակ, երբ Պեկինը փորձում է ամրապնդել իր ազդեցությունը ռազմավարական կարևորություն ունեցող, սակայն անկանխատեսելի գործընկեր Հյուսիսային Կորեայի նկատմամբ, որը վերջին շրջանում ավելի սերտ հարաբերություններ է զարգացնում Ռուսաստանի հետ։
Սի Ծինփինի այցը հաջորդում է Պեկինում ԱՄՆ նախագահ Դոնալդ Թրամփի և Ռուսաստանի նախագահ Վլադիմիր Պուտինի հետ ունեցած առանձին հանդիպումներին։