Financial Times-ը, հղում անելով արբանյակային տվյալներին և էներգետիկ փորձագետներին, հայտնում է, որ ԱՄՆ-ի կողմից իրականացվող ծովային շրջափակման պատճառով Իրանը կարող է ստիպված լինել զգալիորեն կրճատել նավթի արդյունահանումը մոտ երկու շաբաթ անց:
Քանի որ արտահանումը գրեթե կաթվածահար է, երկրի նավթային պահեստարանները, որոնք արդեն լցված են 51%-ով, 16 օր անց կգերազանցեն պատմական առավելագույնը՝ 92 միլիոն բարելը:
Ներկայում Իրանն արդյունահանում է օրական 3,6 միլիոն բարել նավթ, որի կեսն ուղղվում է ներքին շուկա, իսկ մոտ 1,8 միլիոնը՝ արտահանման: Շրջափակումը շրջանցելու նպատակով Թեհրանը փորձում է օգտագործել գերհզոր տանկերները որպես լողացող պահեստարաններ, սակայն մասնագետները նշում են, որ դա միայն ժամանակավոր լուծում է:
Եթե ԱՄՆ կենտրոնական հրամանատարության կողմից ապրիլի 13-ին Հորմուզի նեղուցում մեկնարկած արգելափակումը շարունակվի նույն խստությամբ, Իրանը կկանգնի արդյունահանման տեխնիկական դադարեցման անխուսափելի հեռանկարի առջև: