Բրիտանական BBC հեռարձակող կորպորացիան հաջորդ շաբաթ նախատեսում է հարյուրավոր աշխատակիցների կրճատել լրատվական բաժնից՝ ծախսերի օպտիմալացման ծրագրի շրջանակում։ Այս մասին հայտնում է Financial Times թերթը՝ հղում անելով իր աղբյուրներին։
«Հաջորդ շաբաթ BBC-ն մտադիր է հարյուրավոր աշխատատեղեր կրճատել իր հիմնական լրատվական ստորաբաժանումում, ինչը կդառնա հաստիքների կտրուկ կրճատման համապարփակ ծրագրի առաջին փուլը», — գրում է պարբերականը։
Կորպորացիայի նոր ղեկավարությունը, որի առջև խնդիր է դրված խնայել պետական ֆինանսավորման հարյուրավոր միլիոն ֆունտ ստերլինգներ, մտադիր է ընդհանուր առմամբ աշխատանքից ազատել 2 հազար աշխատակցի։ Ընկերության բյուջեն կկրճատվի մեկ տասնորդով։
Աշխատակիցների հեռացումից բացի, այն նախատեսում է միջոցներ խնայել նաև գործուղումների, արտաքին խորհրդատուների ներգրավման, համաժողովների և մրցանակաբաշխությունների հաշվին։
Ավելի վաղ «BBC»-ի նոր գլխավոր տնօրեն Մեթ Բրիթինը հայտարարել էր ֆինանսավորման սղության պատճառով սպասվող կրճատումների մասին։ Դեռ փետրվարին Financial Times-ը հայտնել էր, որ կորպորացիան մտադիր է երեք տարվա ընթացքում իր բյուջեն կրճատել հարյուրավոր միլիոն ֆունտով։