ԱՄՆ նախագահ Դոնալդ Թրամփը հայտարարել է, որ Իրանն ունի 60 օր ժամանակ համաձայնագիր կնքելու համար, այլապես Վաշինգտոնը կձեռնարկի քայլեր, որոնք լուրջ հետևանքներ կունենան Թեհրանի համար։
Նրա խոսքով՝ իրավիճակի սրման դեպքում կարող են խափանումներ առաջանալ Հորմուզի նեղուցով նավթի մատակարարումների մեջ, քանի որ, ինչպես նա նշել է, նավագնացությանը սպառնացող վտանգները տարածաշրջանն անվտանգ չեն դարձնի խոշոր նավթատար փոխադրողների համար։
Թրամփը հայտարարել է նաև, որ ԱՄՆ-ն օժտված է «աշխարհի ամենաուժեղ բանակով» և հիշատակել է Իրանի նկատմամբ վերջերս ձեռնարկված գործողությունները՝ պնդելով, որ ամերիկյան ուժերը զգալի վնաս են հասցրել նրա ռազմական ենթակառուցվածքներին։
Այս ելույթը նա ունեցել է Կատարի նվիրած Air Force One նոր ինքնաթիռի ներկայացմանը նվիրված արարողության ժամանակ՝ շեշտելով նաև, որ ակնկալում է նավթի գների նվազում։