Իտալիայի վարչապետ Ջորջիա Մելոնին երեքշաբթի հայտարարել է, որ Ամերիկայի Միացյալ Նահանգների հետ հարաբերությունները պետք է կարգավորվեն անցյալ շաբաթ իր և նախագահ Դոնալդ Թրամփի միջև տեղի ունեցած հրապարակային վեճից հետո, հաղորդում է Reuters գործակալությունը։
«Ես մտադիր չեմ շարունակել բորբոքել այդ վեճը»,- Հռոմում անցկացված միջոցառման ժամանակ տված հարցազրույցում ասել է Մելոնին։
Մելոնին ուրբաթ իր նախկին մտերիմ դաշնակից Թրամփին մեղադրել էր իր մասին պատմություն հորինելու մեջ, երբ ԱՄՆ նախագահը իտալական հեռուստաալիքին հայտնել էր, թե նա «աղաչում էր» իրեն՝ Ֆրանսիայում անցկացված Մեծ յոթնյակի (G7) վերջին գագաթնաժողովում միասին լուսանկարվելու համար։