ՀՀ ՍԴ-ն ընտրությունների արդյունքների վերաբերյալ 7 կուսակցությունների հայցի նիստում անցել է հարցուպատասխանի փուլին։ ՍԴ նախագահ Արման Դիլանյանը նկատել է, որ սա ամենաթեժ փուլն է, և կողմերին կոչ է արել մնալ պրոֆեսիոնալիզմի և էթիկայի շրջանակներում։
Հիշեցնենք, որ պատասխանող կողմը ԿԸՀ-ն է, համապատասխանողներն են դատախազությունը, ՆԳՆ-ն, Հակակոռուպցիոն կոմիտեն։
Երրորդ կողմ է հանդես գալիս «Քաղաքացիական պայմանագիր» կուսակցությունը։ Նրա ներկայացուցիչների մեջ է արդարադատության նախարար Սրբուհի Գալյանը, որը հանդես է գալիս որպես կուսակցության վարչության անդամ։
Դատարանը մտադիր է աշխատել կիրակի օրը, նիստը նախատեսվում է սկսել ժամը 14:00-ին։