Իրանի բանակը հայտարարել է, որ
անօդաչուներով
հարվածներ է
հասցրել Բահրեյնին՝ ի պատասխան ԱՄՆ հարձակումների։
Զինվորականները հարվածների թիրախների թվում նշել են Շեյխ Իսա ավիաբազայի օբյեկտները, որտեղ տեղակայված են ամերիկյան զորքերը։
Բահրեյնում նաև գտնվում է ԱՄՆ ռազմածովային ուժերի 5-րդ օպերատիվ նավատորմի շտաբը, որի պատասխանատվության գոտու մեջ մտնում են Պարսից ծոցը և Արաբական ծովը։
Իրանի Իսլամական հեղափոխության պահապանների կորպուսը ավելի վաղ
հայտարարել էր, որ համակարգված հրթիռային և դրոնային հարվածներ է հասցրել ԱՄՆ 85 ռազմական օբյեկտների։
ԻՀՊԿ–ի տվյալներով՝ թիրախների թվում էին ԱՄՆ Հինգերորդ նավատորմը, Քուվեյթի Ալի ալ–Սալեմ ավիաբազան և Սալման նավահանգիստը։
Նախօրեին ԱՄՆ կենտրոնական հրամանատարությունը հայտարարել էր Իրանի դեմ «հզոր հարվածների շարքի» մեկնարկի մասին։ CENTCOM-ը հայտարարել էր, որ հարձակումները եղել են ի պատասխան Իրանի կողմից Հորմուզի նեղուցում երեք առևտրային նավերի վրա հարվածների։