Ադրբեջանի Հաջիգաբուլի շրջանում միջքաղաքային ավտոբուսի ճանապարհատրանսպորտային պատահարի հետևանքով ավելի քան 30 ուղևոր վնասվածքներ է ստացել։
Տեղական APA գործակալության տվյալներով, վթարը տեղի է ունեցել Բաքու- Ղազախ մայրուղու՝ Մուղան գյուղով անցնող հատվածում։ Զաքաթալա – Բաքու երթուղով ընթացող միջքաղաքային ավտոբուսը դեռևս անհայտ պատճառներով դուրս է եկել ճանապարհից և կողաշրջվել։
Տուժածներին տեղափոխել են Շիրվան և Հաջիգաբուլ քաղաքների հիվանդանոցներ։
Վթարի հանգամանքներն ու տուժածների ճշգրիտ թիվը ճշտվում են։