Միկա Ղափլանյանն ու Մարիամ Ադամյանը, ովքեր օրեր առաջ իրենց դստեր հետ միասին մեկնել էին սպասված ծովային հանգստի, վերադարձել են Հայաստան:
Սակայն ջերմ հրապարակումներին փոխարինելու է եկել դերասանուհու տագնապալի գրառումը. վերադարձից հետո Մարիամի մոտ առողջական լուրջ խնդիրներ են ի հայտ եկել, ինչն անհանգստացրել է նրա հազարավոր հետևորդներին:
Հանգստի ընթացքում զույգը պարբերաբար կիսվում էր գեղեցիկ ու արևոտ լուսանկարներով՝ ցույց տալով, թե ինչպես են դստեր հետ վայելում ծովափնյա առօրյան: Սակայն վերադարձից անմիջապես հետո ամեն ինչ փոխվել է: Մարիամն ինստագրամյան իր էջում բացահայտել է, որ բախվել է անհասկանալի առողջական խնդրի, որի հետ նախկինում երբևէ չէր առերեսվել:
Դերասանուհին անկեղծացել է, որ վիճակը բավականին բարդ է, և ինքը չի կարողանում հասկանալ, թե հատկապես ինչ վիրուսով կամ վարակով է վարակվել ճամփորդության ընթացքում.
«Չեմ հասկանում, թե ինչ վարակ է, իմ մոտ երբեք նման դրսևորում չի եղել»,- նշել է Մարիամ Ադամյանը:
Հիվանդության պատճառով թուլությունն ու վատ ինքնազգացողությունն այնքան են հոգնեցրել դերասանուհուն, որ նա չի թաքցրել իր հուսահատությունը.
«Ինձ թվում է՝ չեմ լավանալու»,- գրել է նա՝ արտահայտելով իր ներկայիս ծանր հոգեվիճակը:
Երկրպագուներն ու գործընկերները շտապել են աջակցող մեկնաբանություններ գրել դերասանուհուն՝ մաղթելով շուտափույթ ապաքինում և հույս հայտնելով, որ նա շուտով կհաղթահարի այս տհաճ վարակն ու կվերադառնա իր բնականոն կյանքին:
Թամարա Քալանթարյան