Կրեմլի մամուլի քարտուղարը հայտարարել է, որ Վլադիմիր Պուտինը պատասխանել է Ղազախստանի նախագահ Կասիմ-Ժոմարտ Տոկաևի առաջարկին՝ նրան մանրամասն պատմելով հատուկ ռազմական գործողության ընթացքի մասին։
Ինչպես հայտնում է BBC-ն, Պեսկովն ընդգծել է, որ Կիևի դիրքորոշումը հաշվի առնելով՝ սառեցումը որպես այդպիսին անհնար է։ Կրեմլի խոսնակի փոխանցմամբ՝ իրենց համար կա մեկ հիմնական պայման, որ պետք է հասնեն իրենց բոլոր նպատակներին։
Ավելի վաղ Ղազախստանի նախագահ Կասիմ-Ժոմարտ Տոկաևը Օմսկում Վլադիմիր Պուտինի հետ հանդիպման ժամանակ առաջարկել էր սառեցնել ուկրաինական հակամարտությունը, վերադառնալ Ստամբուլի կարգավորման բանաձևին և շարժվել դեպի խաղաղություն։
Տոկաևը, մասնավորապես, նշել էր. «Հնարավոր է՝ ժամանակն է սառեցնել այս հակամարտությունը։ Բնականաբար, մեծ տերությունների, այդ թվում՝ Ռուսաստանի երաշխիքներով, մենք կարող ենք շարունակել շարժվել դեպի երկար սպասված խաղաղություն»։