Իրանի իշխանություններն անպատասխան չեն թողնի Կասպից ծովում իրանական առևտրային նավի նկատմամբ Ուկրաինայի զինված ուժերի հարվածը։
Այս մասին հայտարարել է Իրանի Մեջլիսի (խորհրդարանի) փոխխոսնակ Ալի Նիքզադը։
«Մեր երկրի և մեր տարածքի դեմ ագրեսիա իրականացնելու համար օգտագործվող ցանկացած կետ, անկասկած, կդառնա մեր զինված ուժերի օրինական թիրախը, իսկ Ուկրաինայի կառավարության անհեռատես գործողությունները անպատասխան չեն մնա», – նրա խոսքերը մեջբերում է Fars գործակալությունը։
Շաբաթ օրը Իրանի արտգործնախարարությունը հայտարարեց, որ Ուկրաինան հարված է հասցրել Կասպից ծովում գտնվող իրանական առևտրային նավին, ինչի հետևանքով զոհվել է անձնակազմի մեկ անդամ։