Ահնիձորում կանաչը շատ է, օդը՝ մաքուր, իսկ մարդիկ՝ քիչ։ Բայց այստեղ ապրում է Արմիկ Մեջլումյանը՝ մանկավարժ, մայր, տատիկ ու մեղվապահ։ 13 տարեկանում Երևան գնացած Արմիկը տարիներ անց վերադարձել է ամուսնու ծննդավայր՝ Ահնիձոր։ Այստեղ նա ապրում է իր տան, այգու, թոռների ու մեղուների հետ։ Մեղուներից վախեցող Արմիկը մի օր որոշեց հաղթահարել վախը։ Այսօր նա ասում է՝ մեղուների աշխարհը բոլորովին ուրիշ աշխարհ է։