Ճապոնական YOHO Brewing ընկերությունը ներկայացրել է ինովացիոն գարեջրի բաժակ, որը բաժանված է երկու մասի՝ մեկը գարեջրի, իսկ մյուսը՝ ջրի համար, ինչը թույլ է տալիս կանխել ալկոհոլից առաջացած գլխացավերը։
Ինչպես հայտնում է Daily Mail-ը նախագծի հիմնական գաղափարն այն է, որ միայն գարեջուր խմելիս բաժակի հավասարակշռությունը խաթարվում է, իսկ այն կայուն պահելու համար ստիպված եք պարբերաբար ջուր խմել. սա անընդհատ հիշեցնում է ջրազրկման վտանգի մասին, քանի որ ալկոհոլն օրգանիզմից հեռացնում է հեղուկը՝ առաջացնելով ուժեղ գլխացավեր, թուլություն և ծարավ։
Մոտ 100 դոլար արժողությամբ այս բացառիկ բաժակն օգնում է պահպանել օրգանիզմի հիդրատացիան, իսկ օգտագործման գլխավոր նախապայմանը, ինչպես նշում են հեղինակները, բաժակի երկու հատվածներում էլ գարեջուր չլցնելն է։