Ադրբեջանի նախկին արտգործնախարար Էլմար Մամեդյարովը քննարկելով Ռոբերտ Քոչարյանի շանսերը՝ Հայաստանում կայանալիք խորհրդարանական ընտրություններում, նշել է, որ դրանք այնքան էլ մեծ չեն, հաղորդում է Vesti.az-ը։ Մամեդյարովի խոսքով՝ հնարավոր է, որ Քոչարյանը որոշ տոկոս հավաքի և անցնի խորհրդարան, սակայն դառնալ վարչապետ, նույնիսկ հնարավոր կոալիցիայի դեպքում, քիչ իրատեսական է։
«Նայեք իրավիճակին։ Քոչարյանը հրաժարվել է հանրահավաքներ հավաքելու գաղափարից, քանի որ գիտի՝ չի կարող մարդկանց մոբիլիզացնել։ Հայաստանի բնակչությունը հոգնել է այդ Քոչարյաններից, Կարապետյաններից, Սարգսյաններից և այլն։ Մարդիկ չեն հավատում նրանց: Նրանք չեն հավատում մեծ փողերին: Այնպես որ, այս դեպքում, կարծում եմ, Փաշինյանն ավելի մեծ շանսեր ունի»,- նշել է Մամեդյարովը։