Պորտուգալիայի դատական ոստիկանությունը ձերբակալել է 28-ամյա մի տղամարդու, որը կասկածվում է Վիլա-Նովա-դի-Պոյարիշ համայնքի Արրիֆանա շրջանում երեք անտառային հրդեհ միտումնավոր հրկիզելու մեջ, հայտնել են գերատեսչությունից։
Հրդեհները տեղի են ունեցել հուլիսի 4-ից օգոստոսի 1-ը։
Քննության տվյալներով, կասկածյալը, որը բնակվում է այդ շրջանում, օգտագործել է կրակայրիչ և հրդեհել չոր բուսականությունը։ Հրդեհների հետևանքով ոչնչացվել են էվկալիպտի անտառի հատվածներ և թփուտներ՝ ընդարձակ անտառային գոտում։
Հրդեհները տեղի են ունեցել այնպիսի շրջանում, որտեղ կրակի արագ տարածման ռիսկը բարձր է եղել, ինչի հետևանքով վտանգ է ստեղծվել անտառային տարածքների, գյուղատնտեսական հողատարածքների և մոտակայքում գտնվող բնակելի տների համար։
Քննությամբ հավաքված ապացույցները վկայում են տղամարդու գործողությունների կանխամտածված բնույթի մասին, և ենթադրվում է, որ նա գիտակցել է իր արարքների անօրինականությունը և կրակի տարածման վտանգը։
Առաջին դատական հարցաքննությունից հետո կասկածյալի նկատմամբ որպես խափանման միջոց ընտրվել է տնային կալանքը։