Յոգա մարզիչ եւ յոթ երեխաների մայր Հիլարիա Բոլդւոինը՝ հոլիվուդյան աշխարհահռչակ դերասան Ալեք Բոլդուինի կինը, խոստովանել է, որ ունի նյարդա-հոգեկան առողջության հետ կապված խնդիրներ։ Նրա մոտ առկա է ուշադրության պակասի եւ հիպերակտիվության համախտանիշ, ինչպես նաեւ դիսլեքսիա՝ գրավոր խոսքի հետ կապված դժվարություն։ շ
Կինը պատմել է, որ այդ խնդիրները նույնիսկ որոշակի ծիծաղելի դրության մեջ են դրել իրեն։ Մասնավորապես, նրա հետեւորդներից մեկը բացասական մեկնաբանություն է գրել՝ անվանելով «դատարկամիտ» «vacuous» անգլերենով, իսկ ինքը, դիսլեքսիայի պատճառով սկզբում կարծել է, թե իրեն «կենսուրախ» է անվանել այդ հետեւորդը, որը անգլերենով լինում է «vivacious»։ Հիլարիան կատակել է, որ բառարանի անհրաժեշտություն է զգում, հասկանալու համար, թե երբ են իրեն վիրավորում։