ԱՄՆ նախագահ Դոնալդ Թրամփը հայտարարել է, որ Սպիտակ տան մամուլի քարտուղար Քերոլայն Լևիթը օգոստոսի վերջին կլքի իր պաշտոնը, որպեսզի ավելի շատ ժամանակ անցկացնի երեխաների և ընտանիքի հետ։
Միևնույն ժամանակ Լևիթի կմնա Թրամփի հիմնական արտաքին խորհրդականներից մեկը և կշարունակի նշանակալի դեր խաղալ Հանրապետական կուսակցությունում։
«Մեր հրաշալի Սպիտակ տան մամուլի քարտուղարը և իմ ամենավստահելի օգնականներից մեկը՝ Քերոլայն Լևիթը, ամսվա վերջին կլքի իր պաշտոնը, որպեսզի ավելի շատ ժամանակ անցկացնի իր հրաշալի փոքրիկ երեխաների և ընտանիքի հետ։ Ես լիովին հասկանում և հարգում եմ այս որոշումը»,- գրել է Թրամփը Truth Social սոցիալական ցանցում։
ԱՄՆ նախագահը նշել է, որ Սպիտակ տնից հեռանալուց հետո Լևիթը կդառնա իր առաջատար արտաքին խորհրդականներից մեկը և ազդեցիկ ձայն կլինի Հանրապետական կուսակցությունում։
«Քերոլայնն այժմ կլինի իմ գլխավոր արտաքին խորհրդականներից մեկը և ազդեցիկ ձայն Հանրապետական կուսակցությունում, մինչ մենք աշխատում ենք պատմությանը մարտահրավեր նետելու և միջանկյալ ընտրություններում համոզիչ հաղթանակ տանելու ուղղությամբ»,- հայտարարել է Թրամփը։
Նա բարձր է գնահատել Լևիթի աշխատանքը Սպիտակ տանը՝ ընդգծելով, որ նա զբաղեցնում էր այդ պաշտոնը 2025 թվականից և ակտիվորեն աջակցում էր նրա քաղաքական կուրսին։
«Քերոլայնը Սպիտակ տանը իսկական առաջնորդ էր և ֆենոմենալ կերպով կատարում էր իր աշխատանքը՝ 2018 թվականից պայքարելով արդարության, ազատության և իրավունքների համար, ներառյալ մեր պատմական վերընտրման արշավը 2024 թվականին»,- նշել է ԱՄՆ նախագահը։
Թրամփը միաժամանակ Լևիթին անվանել է «Սպիտակ տան պատմության լավագույն մամուլի քարտուղարներից մեկը» և շնորհակալություն հայտնել նրա աշխատանքի համար։