Author: Julbaz

ԱԺ պաշտպանության  և անվտանգության հարցերի մշտական հանձնաժողովը ապրիլի 30-ին առաջին ընթերցմամբ քննարկել է ««Ոստիկանության մասին» օրենքում փոփոխություն կատարելու մասին» օրենքի նախագիծը:

ՀՀ ՆԳ նախարարի տեղակալ Արմեն Մկրտչյանը հայտնել է, որ նախագծի նպատակն է բարձրացնել ոստիկանությունում ծառայության գրավչությունը և ապահովել ոստիկանության ծառայողների սոցիալական լրացուցիչ երաշխիքներ:

Նախաձեռնությամբ առաջարկվում է սահմանել, որ ոստիկանության ծառայողները կարող են բնակարան կամ բնակելի տուն ձեռք բերելու կամ բնակելի տուն կառուցելու նպատակով օգտվել մատչելի և արտոնյալ պայմաններով երկարաժամկետ հիփոթեքային վարկավորման պետական նպատակային ծրագրերից:

Միաժամանակ, ՀՀ կառավարությունը կլիազորվի՝ սահմանելու համապատասխան պետական նպատակային ծրագրերից օգտվելու կարգը և պայմանները:

Հանձնաժողովը դրական եզրակացություն է տվել նախագծին:

Այն նախատեսվում է քննարկել հատուկ ընթացակարգով՝ ԱԺ առաջիկա հերթական նիստերի ընթացքում:

ԱԺ պաշտպանության  և անվտանգության հարցերի մշտական հանձնաժողովը ապրիլի 30-ին առաջին ընթերցմամբ քննարկել է ««Ոստիկանության մասին» օրենքում փոփոխություն կատարելու մասին» օրենքի նախագիծը:

ՀՀ ՆԳ նախարարի տեղակալ Արմեն Մկրտչյանը հայտնել է, որ նախագծի նպատակն է բարձրացնել ոստիկանությունում ծառայության գրավչությունը և ապահովել ոստիկանության ծառայողների սոցիալական լրացուցիչ երաշխիքներ:

Նախաձեռնությամբ առաջարկվում է սահմանել, որ ոստիկանության ծառայողները կարող են բնակարան կամ բնակելի տուն ձեռք բերելու կամ բնակելի տուն կառուցելու նպատակով օգտվել մատչելի և արտոնյալ պայմաններով երկարաժամկետ հիփոթեքային վարկավորման պետական նպատակային ծրագրերից:

Միաժամանակ, ՀՀ կառավարությունը կլիազորվի՝ սահմանելու համապատասխան պետական նպատակային ծրագրերից օգտվելու կարգը և պայմանները:

Հանձնաժողովը դրական եզրակացություն է տվել նախագծին:

Այն նախատեսվում է քննարկել հատուկ ընթացակարգով՝ ԱԺ առաջիկա հերթական նիստերի ընթացքում:

ԵՄ դիվանագիտության ղեկավար Կայա Կալասը հայտարարել է, որ ռուս-ուկրաինական հակամարտության դադարեցման շուրջ բանակցությունները փակուղի են մտել: Նրա խոսքով՝ Հորմուզի նեղուցում ստեղծված իրավիճակից նույնպես արագ ելք չկա, իսկ Ռուսաստանն օգտվում է դրանից, քանի որ ավելի շատ եկամուտներ է ստանում նավթի բարձր գնի շնորհիվ: Կալասը շեշտել է՝ հարկավոր է հասցեագրել Իրանի միջուկային և հրթիռային ծրագրերը և տարածաշրջանային ահաբեկչական խմբավորումներին Թեհրանի աջակցությունը:

Գերմանիայի կանցլերն իր հերթին Իրանին հորդորել է նստել բանակցությունների սեղանի շուրջ՝ ասելով, որ հարկավոր է ավելի ուժեղացնել Թեհրանի նկատմամբ ճնշումը: Ֆրիդրիխ Մերցի խոսքով՝ Հորմուզի նեղուցի փակումն ահռելի տնտեսական վնաս է պատճառում բոլորին:

Ավելի վաղ ԱՄՆ նախագահը հայտնել էր, որ մերժել է Իրանի առաջարկը՝ վերաբացել Հորմուզի նեղուցն ամերիկյան շրջափակման դադարեցման դիմաց: Թրամփի խոսքով՝ դա նպատակ ունի հետաձգելու Իրանի միջուկային ծրագրի շուրջ քննարկումները: «Շրջափակումն ավելի արդյունավետ է, քան ռմբակոծությունները»,- նշել է նա:

ԿԳՄՍ նախարարության և ՀՀ-ում ԵՄ պատվիրակության համագործակցությամբ Ֆրանսիայի զարգացման գործակալությունը (AFD) շուրջ մեկ տարվա ուսումնասիրությունների արդյունքում մշակել է «Արտաշատ մայրաքաղաք» հնավայրի վերականգնման և զբոսաշրջային հանգույցի վերածման հայեցակարգը: Այդ մասին տեղեկացնում են նախարարությունից։

Հայեցակարգը ներկայացվել է Կոմիտասի թանգարան-ինստիտուտում: Ներկա են եղել ԿԳՄՍ նախարար Ժաննա Անդրեասյանը, նախարարի տեղակալ Ալֆրեդ Քոչարյանը, Հայաստանում Եվրոպական միության պատվիրակության համագործակցության բաժնի ղեկավար Ֆրանկ Հեսը, Ֆրանսիայի զարգացման գործակալության (AFD) ներկայացուցիչը:

ԿԳՄՍ նախարար Ժաննա Անդրեասյանը, ողջունելով ներկաներին, ընդգծել է՝ Արտաշատ պատմական մայրաքաղաքը մեր պետականության կարևորագույն խորհրդանիշերից է և, ցավոք, քիչ բացահայտված: Ըստ հնավայրի զարգացման հայեցակարգի՝ հուշարձանն առաջիկա մի քանի տարվա ընթացքում կդառնա մեր երկրի ամենաայցելվող վայրերից մեկը:

«Այս հուշարձանը խորհրդանշում է դեռևս դարեր առաջ ունեցած մեր պետական ավանդույթները․ այս ծրագրի նպատակը հնավայրի պոտենցիալը համակողմանի ներկայացնելն ու ամբողջությամբ իրացնելն է՝ թե՛ մշակութային ժառանգության պահպանման և փոխանցման, թե՛ այն որպես զբոսաշրջային ուղղություն զարգացնելու տեսանկյունից: Գործողությունների ճանապարհային քարտեզը մշակելիս շատ կարևոր են միջազգային փորձն ու համագործակցությունը, որի շնորհիվ կունենանք արժանավայել մոտեցում Արտաշատ պատմական մայրաքաղաքի հանրային և զբոսաշրջային ներկայացմանը՝ որպես հարգանք ու պատկառանք մեր պատմությանը»,- ասել է Ժաննա Անդրեասյանն ու շնորհակալություն հայտնել բոլոր կողմերին:

Ըստ նրա՝ մշակութային միջավայրերի հետ առնչություններն ամբողջությամբ փոխում են մարդու պատկերացումները ճարտարապետական մտքի, նախագծման առանձնահատկությունների, ինժեներական ենթակառուցվածքների մասին:

Ժաննա Անդրեասյանը տեղեկացրել է նաև, որ տևական ժամանակ աշխատանքներ են իրականացվում Արտաշատ պատմական մայրաքաղաքի Գետամերձ թաղամասը հանրությանն ավելի հասանելի դարձնելու ուղղությամբ: Ընթացքի մեջ են տարածքի բարեկարգման, ճանապարհի առանձնացման, վերականգնման ու ամրակայման աշխատանքների նախագծման աշխատանքները: Զուգահեռաբար ընթանում է համապատասխան մոդուլային կենտրոնի՝ սպասասրահի կառուցումը՝ համայնքի հետ համագործայցությամբ:

Հիշեցնենք, որ Արտաշատ մայրաքաղաքի Գետամերձ թաղամասում ԿԳՄՍ նախարարության պատվերով 2025 թ. իրականացվել են հնագիտական պեղումներ, պատվիրվել է նաև պեղված հատվածների ամրակայման, նորոգման և բարեկարգման նախագիծը: Միջոցներ են ձեռնարկվում նաև «Գետամերձ» թաղամասը զբոսաշրջիկների համար առավել հասանելի դարձնելու ուղղությամբ:

Հակակոռուպցիոն կոմիտեից հայտնում են, որ «Ուժեղ Հայաստան» կուսակցության անունից հանդես եկող, ընտրակաշառք տալու, ստանալու մեղադրանքներով նախօրեին ձերբակալված 3 անձի նկատմամբ որպես խափանման միջոց կիրառվել է կալանքը։

Ավելի վաղ ՀՀ հակակոռուպցիոն կոմիտեից հայտնել էին, որ փաստական տվյալներ են ստացվել այն մասին, որ «Ուժեղ Հայաստան» կուսակցության անունից հանդես եկող մի խումբ անձինք հունիսի 7-ին կայանալիք ԱԺ ընտրությունների ընթացքում հիշյալ կուսակցության օգտին քվեարկելու պայմանով մի շարք քաղաքացիների, այդ թվում՝ քողարկված եղանակով, տվել են ընտրակաշառք: