Author: Julbaz

Իրանի իշխանությունները մտադիր չեն Վաշինգտոնին փոխանցել հարստացված ուրան՝ չնայած ԱՄՆ նախագահ Դոնալդ Թրամփի հակառակ պնդումներին:

Այս մասին Associated Press-ին տված հարցազրույցում հայտարարել է Իրանի ԱԳ փոխնախարար Սայիդ Խաթիբզադեն, հաղորդում է ՌԻԱ Նովոստի-ն:

«Կարող եմ հավաստիացնել ձեզ, որ հարստացված նյութեր չեն մատակարարվի Միացյալ Նահանգներ: Դա անընդունելի է, և ես կարող եմ հավաստիացնել ձեզ, որ թեև մենք պատրաստ ենք դիտարկել ցանկացած մտահոգություն, որն առկա է, մենք չենք ընդունի անընդունելի տարբերակներ»,- գործակալությունը մեջբերում է Խաթիբզադեի խոսքերը։

Իրանի և Միացյալ Նահանգների միջև բանակցությունների հաջորդ փուլի ժամկետները որոշված չեն, նախօրեին հայտարարել է Իրանի փոխարտգործնախարարը։

Ըստ Սաեդ Խաթիբզադեի՝ կողմերի միջև նախ «ըմբռնման շրջանակ» է պետք համաձայնեցնել։

«Մենք այժմ կենտրոնացած ենք երկու կողմի միջև ըմբռնման շրջանակը վերջնական տեսքի բերելու վրա։ Չենք ցանկանում մտնել մի բանակցային գործընթացի մեջ, որը դատապարտված է ձախողման և որը կարող է էսկալացիայի նոր շրջանի պատրվակ դառնալ,- ասել է Խաթիբզադեն՝ շարունակելով,- Մինչև շրջանակը չհամաձայնեցվի, ժամկետ չենք կարող որոշել․․․ Իրականում, զգալի առաջընթաց է գրանցվել։ Բայց հետո տեսանք մյուս կողմի առավելապաշտական մոտեցումը։ Իրանին միջազգային իրավունքի շրջանակից դուրս դնելու փորձերը կանխեցին, որ հասնենք համաձայնության»։

Ռուսաստանը ձգտելու է Երկրորդ համաշխարհային պատերազմի տարիներին խորհրդային ժողովրդի ցեղասպանության ճանաչմանը. այս մասին հայտարարել է ՌԴ ԱԳ նախարար Սերգեյ Լավրովը:

Այս հանցագործությունը վաղեմության ժամկետ չունի, հայտարարել է Ռուսաստանի ԱԳՆ ղեկավարը Խորհրդային ժողովրդի ցեղասպանության զոհերի հիշատակի օրվա տեսաուղերձում:

Խորհրդային ժողովրդի ցեղասպանության միլիոնավոր զոհերի հիշատակը պահպանելը մեր սրբազան պարտքն է։ Մենք թույլ չենք տա մոռացության մատնել այդ չարագործությունները, որքան էլ ջանան նրանք, ովքեր այսօր մտադրված են հերթական անգամ Եվրոպան ուղղել ռասայական գերազանցության մաշված ուղիով։

Վերջին օրերին որոշ անձանց կողմից տեղեկատվական դաշտ են նետվել կեղծ լուրեր պատերազմական եւ հետպատերազմական իրադարձությունների վերաբերյալ՝ շահարկելով իմ անձը։

Իրականությանը չհամապատասխանող լուրեր տարածող անձինք օգտագործում են այն հանգամանքը, որ ես, գերադասելով ազգային եւ պետական շահը, զերծ եմ մնում պատերազմին վերաբերող հարցերին հրապարակային պարզաբանումներ տալուց։

Առաջարկում եմ ԱԺ-ում կազմակերպել փակ ձևաչափով քննարկում 2020 թ. պատերազմի և հետպատերազմական իրադարձությունների վերաբերյալ՝ քննարկմանը ներգրավելով այդ ժամանակ պաշտոնավարած քաղաքական և ռազմական առանցքային պաշտոններ զբաղեցրած անձանց, ինչպես նաև պետական և ծառայողական գաղտնիք պարունակող տվյալներին առնչվելու համապատասխան թույլտվություն ունեցող քաղաքական և հասարակական գործիչներին եւ զոհված ու անհետ կորած զինծառայողների հարազատներին։

Ժամանակն է առերեսվել իրականության հետ եւ պայթեցնել շրջանառվող բոլոր ստերն ու անհարկի շահարկումները։

Պատրաստ եմ զինված ուժերին վերաբերելի մասով ներկայացնել մանրամասն եւ բազմակողմանի փաստարկված վերլուծություն։

Օնիկ Գասպարյան