Author: Julbaz

Սեպտեմբերի 21-ին՝ ժամը 8։00-ից մինչև սեպտեմբերի 22-ի ժամը 02։00-ն, տրանսպորտային միջոցների մուտքը Հանրապետության հրապարակ և դրան հարող մի շարք ճանապարհահատվածներ կսահմանափակվեն․ հայտնում են քաղաքապետարանից։

«Մասնավորապես, դեպի Հանրապետության հրապարակ երթևեկությունը կսահմանափակվի․

• Աբովյան-Թումանյան փողոցների խաչմերուկից,
• Սախարովի հրապարակից,
• Պապ թագավորի փողոց-Մաշտոցի պողոտա խաչմերուկից,
• Տիգրան Մեծի պողոտա-Խանջյան փողոց խաչմերուկից,
• Վազգեն Սարգսյան-Խորենացի փողոցների խաչմերուկից»,- ասված է հաղորդագրությունում։

2023-ի ադրբեջանական ագրեսիան, դրա հետևանքով Արցախի ամբողջական օկուպացիան ու հայերի բռնագաղթը բխում էին ՀՀ ներկայիս ռեժիմի քաղաքական առաջնահերթությունից և հռչակած գաղափարախոսությունից․ Facebook-ի իր էջում գրել է ԱԺ նախկին պատգամավոր Տիգրան Աբրահամյանը։

«Սա ասում եմ ոչ թե որպես դիտարկում, կարծիք կամ զգայական ճիչ, այլ այն բխում է այսօրվա իշխանությունների ուղիղ բառամթերքից ու քաղաքական վերաբերմունքից:
Ադրբեջանական ագրեսիայի հետևանքով Արցախն ունեցել է 220-ից ավելի զոհ, շուրջ 20 մարդ ունի անհետ կորածի կարգավիճակ: Վիրավորների թիվը 250-ի է հասել:

Մեծագույն հարգանք Արցախի պաշտպանության և ազատության համար պայքարի դուրս եկած բոլոր նվիրյալներին:

Հավերժ փառք այդ ճանապարհին նահատակված մեր ժողովրդի զավակներին»,- նշել է պատգամավորը։