Category: ABCNews

Մամուլում շրջանառվող տեղեկաությունների համաձայն՝ ԱՄՆ նախագահ Դոնալդ Թրամփը նախորդ շաբաթ կոշտ զրույց է ունեցել Պենտագոնի ղեկավար Փիթ Հեգսեթի հետ՝ երկրի զինանոցում առաջացած զինամթերքի պակասի վերաբերյալ․ գրում է The Independent-ը։

Թեմային ծանոթ երկու աղբյուրներ The Washington Post-ին հայտնել են, որ նախորդ ուրբաթ նախարարների հետ հանդիպման ժամանակ Թրամփը պատերազմի նախարար Փիթ Հեգսեթից պահանջել է պարզաբանել՝ ինչու են սպառվող զինամթերքի պաշարների վերաբերյալ իրեն սխալ տեղեկություններ փոխանցել՝ նշելով, որ կարծում էր՝ «խնդիրն արդեն լուծվել է»։

Աբյուրների փոխանցմամբ՝ Հեգսեթը զինամթերքի պակասի, ինչպես նաև Թրամփի՝ լիարժեք տեղեկացված չլինելու համար մեղադրել է իր տեղակալ Սթիվեն Ֆայնբերգին։

Թրամփի վարչակազմը, սակայն, հերքել է այս տեղեկությունը։ Սպիտակ տան մամուլի քարտուղար Քերոլայն Լևիթը Թրամփի և Հեգսեթի զրույցի վերաբերյալ The Washington Post-ի հրապարակումն անվանել է «100% կեղծ տեղեկություն»։ Պենտագոնի ներկայացուցիչ Շոն Փարնելը նույնպես հերքել է լուրը։

 Հիշեցնենք, որ օրերս շրջանառվում են տեղեկություններ, որ մինչ Իրանի դեմ պատերազմը ձգձգվում է, Պենտագոնում սպառվում են հակաօդային պաշտպանության համակարգերը։

 

Օգոստոսի 2-ին դանակահարության դեպք է տեղի ունեցել Երևանում․ գրում է shamshyan.com-ը։

«Ժամը 23։05-ի տեղեկություն է ստացվել, որ դանակահարված վիճակում «Հերացի թիվ 1» համալսարանական հիվանդանոց բուժօգնության է տեղափոխվել մի տղամարդ, ում առողջական վիճակը գնահատվել է ծանր։

Երևանի քրեական ոստիկանները պարզել են, որ վիրավորը Արարատի մարզի բնակիչ 30-ամյա Սերոբ Հ․-ն է։

Մեր տեղեկություններով՝ նույն օրը՝ ժամը 22։00-ի սահմաններում, անհայտ անձը Սայաթ-Նովայի պողոտայի թիվ 39 շենքի բակում դանակով հարվածել է Սերոբ Հ․-ին՝ պատճառելով մարմնական վնասվածք, ապա դիմել է փախուստի, և քրեական ոստիկանների կողմից ձեռնարկվում են միջոցառումներ հանցագործություն կատարած անձին հայտնաբերելու ուղղությամբ»,- նշում է լրատվամիջոցը։

 

Պակիստանը մեծ նշանակություն է տալիս Մոսկվայի, Երևանի և Բաքվի հետ կապերի ամրապնդմանը: Այս մասին ТАСС-ի հետ զրույցում հայտարարել է Մոսկվայում Պակիստանի դեսպան Ֆեյսալ Նիյազ Թիրմիզին։

Մեկնաբանելով Պակիստանի և Հայաստանի միջև դիվանագիտական հարաբերությունների հաստատումը՝ Բաքվի և Երևանի միջև լարվածության կարգավորման ֆոնին, ինչպես նաև Պակիստանում Հայաստանի առաջին դեսպանի նշանակման հարցը, դիվանագետն ընդգծել է, որ «Հայաստանն, Ադրբեջանը և Կովկասը շատ ընդհանրություններ ունեն Պակիստանի հետ»։

«Շատ տարիներ մենք դիվանագիտական հարաբերություններ չենք ունեցել Հայաստանի հետ, և ես շատ ուրախ եմ, որ վերջին իրադարձություններից հետո ճանաչվել է Հայաստանի հետ նորմալ շփումներ հաստատելու անհրաժեշտությունը», – նշել է Ֆեյսալ Նիյազ Թիրմիզին:

«Ես բազմաթիվ հեռանկարներ եմ տեսնում Պակիստանի, Հայաստանի և ամբողջ Կովկասյան տարածաշրջանի միջև հարաբերությունների զարգացման համար», – նշել է դեսպանը։

Վերջինս խոսել է Պակիստանում բնակվող հայերի մասին ու նշել, որ թեև քչերը գիտեն, բայց երկրի ամենաբարձր ռազմական պարգևը ստացած զինվորականներից մեկը հայկական ծագում ունի։

«Ես պատիվ եմ ունեցել այցելելու այս տարածաշրջանի բազմաթիվ երկրներ և հողեր: Մենք պատմական կապեր ունենք Կովկասի հետ, և Հայաստանը դրանց շատ կարևոր մասն է կազմում: Ես տեսնում եմ, թե ինչպես են ներկայումս զարգանում մարդկանց միջև շփումները և գործարար կապերը Հայաստանի և Պակիստանի միջև։

 

 

 

Ադրբեջանի արտաքին գործերի նախարար Ջեյհուն Բայրամովի գլխավորած պատվիրակությունը պաշտոնական այցով Ուկրաինայում է։

Կիևում նրան դիմավորել են Ուկրաինայի արտաքին գործերի նախարար Անդրեյ Սիբիհան և այլ պաշտոնյաներ։

Այցի շրջանակներում նախատեսված են երկկողմ հանդիպումներ Ադրբեջանի արտաքին գործերի նախարար Ջեյհուն Բայրամովի, Ուկրաինայի արտաքին գործերի նախարար Անդրեյ Սիբիհայի և այլ բարձրաստիճան պաշտոնյաների միջև։

 

 

Կառավարությունը երեք նախարարության անվանում ցանկանում է խմբագրել։ «Կառավարության կառուցվածքի և գործունեության մասին» 2018 թվականի մարտի 23-ի ՀՕ-253-Նօրենքում փոփոխություններ անելու» նախագծով, ինչն այսօր հաստատվել է գործադիրի նիստում, կլինեն հետևայլ փոփոխությունները․

• Բարձր տեխնոլոգիական արդյունաբերության նախարարությունը կկոչվեի Բարձր տեխնոլոգիական արդյունաբերության և արհեստական բանականության նախարարություն
• Աշխատանքի և սոցիալական հարցերի նախարարությունը՝ Աշխատանքի և բարեկեցության նախարարություն
• Արտաքին գործերի նախարարությունը՝ Արտաքին գործերի և միջազգային առևտրի նախարարություն:

Երեկ՝ օգոստոսի 5-ին, Երևանի «Սուրբ Աստվածամայր» բժշկական կենտրոնում հերթական հրաշքն է տեղի ունեցել․ գրում է shamshyan.com-ը։

«Ժամը 17:40-ի սահմաններում «Սուրբ Աստվածամայր» բժշկական կենտրոն «Վաղարշապատ» բժշկական կենտրոնից «ջրահեղձություն, ասպիրացիոն համախտանիշ, շնչական անբավարարություն վիճակ՝ սիրտ թոքային վերակենդանացումից հետո» ախտորոշմամբ տեղափոխվել է տղա երեխա։

Տեղում «Սուրբ Աստվածամայր» բժշկական կենտրոնի բուժանձնակազմը, ցուցաբերելով մասնագիտական պրոֆեսիոնալիզմ, անհետաձգելի միջոցառումների արդյունքում հնարավոր է եղել փրկել երեխայի կյանքը, սակայն ներկա պահին նրա վիճակը գնահատվում է ծանր-կայուն, կյանքին վտանգ չի սպառնում, բայց մի քանի օր պետք է մնա բժշկական կենտրոնում՝ բժիշկների հսկողության տակ։

Երեխան հիվանդանոց է տեղափոխվել Վաղարշապատ խոշորացված համայնքի Ոսկեհատ գյուղի տներից մեկից, որտեղ հանգստանալիս են եղել, և երեխային հայտնաբերել են լողավազանում, գլխիվայր, ապա կարողացել են շատ արագ տղային դուրս բերել ջրից, ով գտնվել է անգիտակից, կապտած վիճակում, շնչառությունը բացակայել է, իսկ տեղում արդեն ծնողների կողմից կատարվել է սրտի անուղղակի մերսում, արհեստական շնչառություն են տվել, իսկ հետո շտապօգնությունը տեղափոխել է երեխային «Սուրբ Աստվածամայր» բժշկական կենտրոն։

Այս պահին երեխան գտնվում է վերակենդանացման բաժանմունքում։

Երեխան 5 տարեկան է, նա Բելգիայի քաղաքացի է»,- նշում է լրատվամիջոցը։

 

Օգոստոսի 7-ին՝ ժամը 16։00-ին Արմավիրի մարզի առաջին ատյանի ընդհանուր իրավասության դատարանում կունենա Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի և Գերագույն հոգևոր խորհրդի անդամ վեց եպիսկոպոսների քրեական գործի նախնական դատալսումների առաջին նիստը․ տեղեկացրել է փաստաբան Արա Զոհրաբյանը։

«Գործը քննելու է դատավոր Հակոբ Մանուկյանը:

Ամենայն Հայոց Կաթողիկոսը և գործով անցնող Հայաստանում գտնվող Սրբազան Հայրերը մասնակցելու են առաջին դատական նիստին։

Թեմակալ առաջնորդի պաշտոնից ետ կանչելու և եպիսկոպոսի կարգավիճակից զրկելու վերաբերյալ Ամենայն Հայոց Կաթողիկոսի որոշումներին պետության միջամտությունը Եկեղեցու ինքնավարության, պետություն-Եկեղեցի սահմանադրական հարաբերությունների և կրոնական ազատության հիմնարար սկզբունքի խախտում է և պատմական ամոթալի իրադարձություն։

Հայոց Հայրապետը ենթարկվում է քրեական հետապնդման՝ իր եկեղեցական և կանոնական պարտականությունը կատարելու համար։

Այս քրեական գործով դատարանը քննելու է ոչ միայն առանձին անձանց ներկայացված մեղադրանքները, այլ կարևոր մեկ այլ հարց՝ կարո՞ղ է արդյոք աշխարհիկ իշխանությունը ներխուժել Եկեղեցու ներքին կյանք և քրեականացնել Ամենայն Հայոց Կաթողիկոսի կանոնական իշխանության իրացումը»,- նշել է փաստաբանը։

 

ԱԺ-ում նախկին իշխանություններին ուղղված մեղադրանքը՝ սպառազինությունում КС-19-ներ պահելու հարցով, հիշեցրեց 2 տարի առաջ ինձ հանդիպած այդ միավորների մասին․ Facebook-ի իր էջում գրում է ԱԺ նախկին պատգամավոր Տիգրան Աբրահամյանը։

«Այս պահին չգիտեմ, բայց այս իշխանության օրոք՝ 2 տարի առաջ, առաջնագծի տարբեր ուղղություններում դրանցից տեղակայված էին:

Ավելին ասեմ՝ նաև 40-50-ականների հրանոթներ կային: Զուտ ռազմական բնույթի տեղեկությունների զգայունությունից ելնելով՝ կոնկրետ վայրերը չեմ գրում, բայց տեսել եմ սեփական աչքերով:

Ձեր օրոք սպառազինությունն ու ռազմական տեխնիկան մեծ քանակով որպես ավար հանձնվել են թշնամուն, խոցվել։ Դուք դեռ խոսո՞ւմ եք:

Եթե նախկինում գնված կամ ստացված տեխնիկան վատն էր, ինչո՞ւ էր այն առնվազն մինչև վերջերս ներառված բանակի սպառազինության մեջ:

ՀԳ. Մի պատվիրակություն էլ՝ ԳՇ պետի գլխավորությամբ, գործուղեք առաջնագիծ, թող տեղում պարզեն, թե դրանք արդյո՞ք շարունակում են մարտական հերթապահություն իրականացնել, ի՞նչ գործառույթ ունեին կոնկրետ վայրերում և, եթե որևէ նպատակի չեն ծառայում, արդյունավետ չեն, ապա ինչո՞ւ են կամ ինչո՞ւ էին ձեր օրոք տեղակայված»,- նշում է նա։

 

ՆԱՏՕ-ի երկրները դադարեցրել են սպառազինության և երկակի նշանակության բեռների (դրանք կարող են օգտագործվել թե՛ քաղաքացիական, թե՛ ռազմական նպատակներով-խմբգ․) մատակարարումն Օդեսայի մարզի նավահանգիստներ՝ ռուսական բանակի ամենօրյա հարվածների պատճառով․ «Грузы НАТО почти перестали попадать на Украину морем, заявили в подполье – РИА Новости, 05.08.2026»-ին հայտնել է Ուկրաինայի հարավում գտնվող Նիկոլաև քաղաքի աղբյուրը։

«Բեռների մեծ մասը կուտակվում է Լեհաստանի և Ռումինիայի հետ սահմանային անցակետերում, քանի որ երկաթուղային լոգիստիկան չի հասցնում տեղափոխել այն ծավալները, որ նախկինում ապահովվում էին ծովային փոխադրումների միջոցով։ Բացի այդ, Ուկրաինայում կիրառվում է խորհրդային ստանդարտի երկաթուղային գիծ, ուստի բեռները հարկավոր է վերաբեռնել այլ հարթակների և վագոնների վրա, ինչը թանկացնում և բարդացնում է փոխադրումը»,- ասել է գործակալության զրուցակիցը։

Հուլիսի կեսերից ռուսական բանակը ամեն օր հարվածներ է հասցնում ուկրաինական նավերին և նավահանգստային պահեստներին։ Ռուսաստանի ԱԳՆ հատուկ հանձնարարություններով դեսպան Ռոդիոն Միրոշնիկի պնդմամբ՝ Կիևը ծովային ուղին օգտագործում է որպես սպառազինության մատակարարման շուրջօրյա միջանցք։ Իսկ վերջին երեք տարում Օդեսայի նավահանգիստներով անցել է շուրջ ռազմական բեռ տեղափոխող 8 հազար նավ։

Լոնդոնի Քյուի Թագավորական բուսաբանական այգում, որտեղ 1871 թվականից գործում է օդերևութաբանական կայան, առաջին անգամ 155 տարվա դիտարկումների պատմության ընթացքում արձանագրվել է մի ամբողջ օրացուցային ամիս՝ առանց որևէ տեղումների․ Facebook-ի իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։

«Ավելի վաղ Mirror-ը, հղում անելով Մեծ Բրիտանիայի Ֆերմերների ազգային միությանը (NFU), հայտնել էր, որ աննախադեպ շոգի և դրա հետևանքով առաջացած երաշտի պատճառով, երկիրը կարող է բախվել պարենային մթերքների պակասի վտանգի։

Հուլիսի վերջին Անգլիայում վերջին մի քանի ամիսների ընթացքում արդեն չորրորդ անգամ հաստատվել է անոմալ շոգ։ Շրջակա միջավայրի պահպանության գործակալությունը երաշտ է հայտարարել Անգլիայի տարածքի գրեթե կեսում։

Մեծ Բրիտանիայի օդերևութաբանական ծառայության տվյալներով՝ երկրի հարավարևելյան հատվածում գրանցվել է վերջին 30 տարվա ամենաերկար անընդմեջ ժամանակահատվածը առանց տեղումների։

Հիշեցնենք, որ հունիսին Մեծ Բրիտանիայում օդի ջերմաստիճանը գերազանցել էր +37°C՝ սահմանելով նոր ռեկորդ։ Իսկ Լիդսի համալսարանի օդերևութաբանության պրոֆեսոր Դուգլաս Փարքերի գնահատմամբ՝ կլիմայի փոփոխության հետևանքով առաջիկա 25 տարիների ընթացքում + 40°C ամառային շոգը կարող է դառնալ Մեծ Բրիտանիայի համար սովորական երևույթ»,- նշել է նա։