Category: Armbanks

ԵՐԵՎԱՆ, 6 հուլիսի․/ԱՌԿԱ/․Թեժ պայքար, նոր բացահայտումներ և օգտակար ժամանց․ հենց այսպես կարելի է բնութագրել երեխաների կողմից այդքան սիրված Junius ֆինանսական առցանց մրցաշարը։ Կարճատև դադարից հետո վերադարձած մրցաշարի չորրորդ փուլը մոտեցավ  ավարտին։

 Շուրջ մեկ ամիս 3-8-րդ դասարանի աշակերտներ մրցում էին միմյանց հետ՝ ստուգելու մաթեմատիկայի և ֆինանսական ոլորտի վերաբերյալ իրենց գիտելիքները։

 Մրցաշարի հերթական փուլն ամփոփվեց մրցանակների հանձնման հանդիսավոր արարողությամբ։ Արդյունքում՝ բոլոր 1-50 փուլերը հաջողությամբ հաղթահարած և առավելագույն թվով բյուրեղներ հավաքած մասնակիցներն արժանացան Իդրամ ընկերության կողմից սահմանված արժեքավոր մրցանակների, որոնք, ինչպես և մրցափուլերը, համապատասխանեցված էին տարիքային խմբերին․

            3-4-րդ դասարաններ՝

            1-ին տեղ – Samsung Galaxy Tab S10 պլանշետ,

            2-րդ տեղ – Fitbit Charge 6 Coral սմարթ ժամացույց,

            3-րդ տեղ – Yerevan Park նվեր-փաթեթ երկու անձի համար։

            5-6-րդ դասարաններ՝

            1-ին տեղ – Nintendo Switch OLED,

            2-րդ տեղ –Instax Mini SE ֆոտոխցիկ,

            3-րդ տեղ – Adidas նվեր քարտ։

            7-8-րդ դասարաններ՝

            1-ին տեղ – Apple iPad 11 (2025),

            2-րդ տեղ – iSpace նվեր քարտ,

            3-րդ տեղ – AirPods 4 ականջակալներ։

            IDBank-ի և Իդրամի Հաղորդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանի խոսքով երկու տարի առաջ Idram Junior հավելվածում ներդրված Junius խաղի նպատակն է ֆինանսապես կրթել երեխաներին իրենց սիրելի՝ խաղային ֆորմատով․ «Ուրախ ենք տեսնել, որ Junius խաղի մասնակից բազմաթիվ երեխաներ այսօր կրթվում են խաղի միջոցով։ Մրցույթները հայտարարվում են որոշակի պարբերականությամբ և շուտով՝ հուլիսի 6-ին, հայտարարելու ենք նոր մրցույթ, որի շրջանակում կրկին 3-8-րդ դասարանի աշակերտները հնարավորություն կունենան, յուրաքանչյուրն իրենց կատեգորիայում, մասնակցել և շահել տարբեր մրցանակներ, այդ թվում՝ iPad, պլանշետ, Airpods ականջակալներ և այլ արժեքավոր նվերներ։ Հիշեցնեմ, որ մրցանակը ստանալու համար Իդրամում ծնողի կողմից նույնականացված լինելը պարտադիր է, հակառակ դեպքում հաղթող է ճանաչվում հաջորդ հորիզոնականը զբաղեցրած և նույնականացված մասնակիցը»։

            Ֆինանսական նոր արկածները դեռ առջևում են, այնպես որ ներբեռնեք և նույնականացվեք Idram Junior հավելվածում՝ բաց չթողնելու գիտելիքների ձեռքբերման նոր հնարավորությունը։

            Idram Junior հավելվածը նախատեսված է 8-16 տարեկան օգտատերերի համար, որի միջոցով երեխաները հնարավորություն են ստանում օգտվել անկանխիկ միջոցներից, անհպում վճարումներ կատարել, խնայել և զարգացնել ֆինանսական գրագիտությունը, իսկ ծնողները՝ վերահսկել երեխաների ֆինանսական գործողությունները ժամանակակից և անվտանգ գործիքի միջոցով։

            Շնորհավորում ենք բոլոր մասնակիցներին։Միշտ հիշեք, որ անկախ զբաղեցրած հորիզոնականներից՝ ամենաարժեքավոր մրցանակը, որը հնարավոր է ձեռք բերել՝ գիտելիքն է։

            ԸՆԿԵՐՈՒԹՅՈՒՆԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

ԵՐԵՎԱՆ, 6 հուլիսի․/ԱՌԿԱ/․Թեժ պայքար, նոր բացահայտումներ և օգտակար ժամանց․ հենց այսպես կարելի է բնութագրել երեխաների կողմից այդքան սիրված Junius ֆինանսական առցանց մրցաշարը։ Կարճատև դադարից հետո վերադարձած մրցաշարի չորրորդ փուլը մոտեցավ  ավարտին։

 Շուրջ մեկ ամիս 3-8-րդ դասարանի աշակերտներ մրցում էին միմյանց հետ՝ ստուգելու մաթեմատիկայի և ֆինանսական ոլորտի վերաբերյալ իրենց գիտելիքները։

 Մրցաշարի հերթական փուլն ամփոփվեց մրցանակների հանձնման հանդիսավոր արարողությամբ։ Արդյունքում՝ բոլոր 1-50 փուլերը հաջողությամբ հաղթահարած և առավելագույն թվով բյուրեղներ հավաքած մասնակիցներն արժանացան Իդրամ ընկերության կողմից սահմանված արժեքավոր մրցանակների, որոնք, ինչպես և մրցափուլերը, համապատասխանեցված էին տարիքային խմբերին․

            3-4-րդ դասարաններ՝

            1-ին տեղ – Samsung Galaxy Tab S10 պլանշետ,

            2-րդ տեղ – Fitbit Charge 6 Coral սմարթ ժամացույց,

            3-րդ տեղ – Yerevan Park նվեր-փաթեթ երկու անձի համար։

            5-6-րդ դասարաններ՝

            1-ին տեղ – Nintendo Switch OLED,

            2-րդ տեղ –Instax Mini SE ֆոտոխցիկ,

            3-րդ տեղ – Adidas նվեր քարտ։

            7-8-րդ դասարաններ՝

            1-ին տեղ – Apple iPad 11 (2025),

            2-րդ տեղ – iSpace նվեր քարտ,

            3-րդ տեղ – AirPods 4 ականջակալներ։

            IDBank-ի և Իդրամի Հաղորդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանի խոսքով երկու տարի առաջ Idram Junior հավելվածում ներդրված Junius խաղի նպատակն է ֆինանսապես կրթել երեխաներին իրենց սիրելի՝ խաղային ֆորմատով․ «Ուրախ ենք տեսնել, որ Junius խաղի մասնակից բազմաթիվ երեխաներ այսօր կրթվում են խաղի միջոցով։ Մրցույթները հայտարարվում են որոշակի պարբերականությամբ և շուտով՝ հուլիսի 6-ին, հայտարարելու ենք նոր մրցույթ, որի շրջանակում կրկին 3-8-րդ դասարանի աշակերտները հնարավորություն կունենան, յուրաքանչյուրն իրենց կատեգորիայում, մասնակցել և շահել տարբեր մրցանակներ, այդ թվում՝ iPad, պլանշետ, Airpods ականջակալներ և այլ արժեքավոր նվերներ։ Հիշեցնեմ, որ մրցանակը ստանալու համար Իդրամում ծնողի կողմից նույնականացված լինելը պարտադիր է, հակառակ դեպքում հաղթող է ճանաչվում հաջորդ հորիզոնականը զբաղեցրած և նույնականացված մասնակիցը»։

            Ֆինանսական նոր արկածները դեռ առջևում են, այնպես որ ներբեռնեք և նույնականացվեք Idram Junior հավելվածում՝ բաց չթողնելու գիտելիքների ձեռքբերման նոր հնարավորությունը։

            Idram Junior հավելվածը նախատեսված է 8-16 տարեկան օգտատերերի համար, որի միջոցով երեխաները հնարավորություն են ստանում օգտվել անկանխիկ միջոցներից, անհպում վճարումներ կատարել, խնայել և զարգացնել ֆինանսական գրագիտությունը, իսկ ծնողները՝ վերահսկել երեխաների ֆինանսական գործողությունները ժամանակակից և անվտանգ գործիքի միջոցով։

            Շնորհավորում ենք բոլոր մասնակիցներին։Միշտ հիշեք, որ անկախ զբաղեցրած հորիզոնականներից՝ ամենաարժեքավոր մրցանակը, որը հնարավոր է ձեռք բերել՝ գիտելիքն է։

            ԸՆԿԵՐՈՒԹՅՈՒՆԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

ԵՐԵՎԱՆ, 3 հուլիսի․/ԱՌԿԱ/․   ՀՀ ԱԺ-ն ուրբաթ  կայացած արտահերթ նիստում երկրորդ և վերջնական ընթերցմամբ ընդունել է «ՀՀ քաղաքացիական օրենսգրքում» փոփոխություններ կատարելու մասին նախագիծը, որով նախատեսվում է ներդնել հետադարձ հիփոթեքի ինստիտուտը և ամուսինների գույքային իրավունքների նոր տեսակ։

Ինչպես հայտնել է ՀՀ կադաստրի կոմիտեի ղեկավարի տեղակալ Նանե Ղազարյանը, փոփոխություններով առաջարկվում է ներդնել երկու նոր ինստիտուտ՝ հետադարձ հիփոթեքը՝ որպես գրավի նոր տեսակ, և հետադարձ հիփոթեքի վարկային պայմանագիրը։

Նրա խոսքով՝ հետադարձ հիփոթեքի մեխանիզմը նախատեսված է առաջին հերթին այն կենսաթոշակառուների համար, ովքեր անշարժ գույքի սեփականատեր են։

«Մեխանիզմը թույլ կտա բնակարանի սեփականատեր հանդիսացող կենսաթոշակառուներին անշարժ գույքը հանձնել հետադարձ հիփոթեքի և բանկից ստանալ ամսական վճարումներ՝ դրանով իսկ բարելավելով իրենց սոցիալական վիճակը», – ասել է Ղազարյանը։

Նա նշել է, որ փոփոխություններով նախատեսվում է նաև իրավունքի նոր տեսակ՝ «ամուսնու բացառիկ գույքային իրավունք»։ Առաջարկվող փոփոխությունների համաձայն՝ ամուսնության ընթացքում ձեռք բերված գույքը կարող է գրանցվել որպես ամուսիններից մեկի բացառիկ սեփականություն։

Ղազարյանի խոսքով՝ դա թույլ կտա ապահովել գույքային հարաբերությունների առավել մեծ իրավական որոշակիություն և ուժեղացնել քաղաքացիների սոցիալական պաշտպանվածությունը։

«Հետադարձ հիփոթեքի և ամուսնու բացառիկ գույքային իրավունքների ինստիտուտների ներդրումը կարևոր քայլ է ոչ միայն անշարժ գույքի շուկայի զարգացման, այլև պետության սոցիալական գործառույթի ամրապնդման համար։ Դա ընդլայնում է քաղաքացիների գույքային իրավունքների իրացման հնարավորությունները և ստեղծում լրացուցիչ ֆինանսական գործիք, որը թույլ է տալիս պատկանող գույքի արժեքը վերածել եկամտի կայուն աղբյուրի», – ընդգծել է նա։

Նա նաև հայտարարել է, որ ինստիտուտների ներդրումը նախատեսված է 2027 թվականի հունվարի 1-ից։

Հետադարձ հիփոթեքի մեխանիզմից օգտված բնակարանի սեփականատերը պահպանում է անշարժ գույքի նկատմամբ սեփականության իրավունքը և այդ գույքի գրավադրմամբ բանկից ստանում է պարբերական վճարումներ։

Հետադարձ հիփոթեքը ֆինանսական գործիք է, որը թույլ է տալիս անշարժ գույքի սեփականատերերին, որպես կանոն՝ կենսաթոշակառուներին, ստանալ պարբերական եկամուտ բնակարանի գրավադրմամբ՝ առանց այն վաճառելու։ Սեփականատիրոջ մահից հետո անշարժ գույքը կարող է անցնել բանկին կամ ժառանգներին, եթե նրանք մարեն առաջացած պարտքը։

ԵՐԵՎԱՆ, 3 հուլիսի․/ԱՌԿԱ/․  «Ռենշին» ընկերության և «Ջի Թի Բի Դիվելոփմենթ»-ի միջև ստորագրված ռազմավարական համագործակցության հուշագիրը նոր նշաձող է սահմանում Հայաստանի քաղաքաշինական և ներդրումային միջավայրում:

Գործարքի համաձայն՝ «Ռենշին»-ը ձեռք է բերում Երևանի գլխավոր մշակութային և քաղաքաշինական հանգույցի՝ Կասկադ համալիրի նախագծի բաժնեմասը: Որպես շուկայի առաջատար՝ «Ռենշին»-ն այս ռազմավարական գործընկերությանն է միանում գրեթե 25 տարվա ինստիտուցիոնալ էքսպերտայնությամբ և շուրջ 1 միլիոն քառակուսի մետր պրեմիում դասի կառուցապատման հաջողված պորտֆելով: Ընկերության ֆինանսական կայունության և հուսալիության անհերքելի վկայությունն են արդեն իսկ իրագործվող այնպիսի մեգանախագծերը, ինչպիսիք են Artlife Kempinski Residences Yerevan-ը, Համաշխարհային առևտրի կենտրոնը (WTCY), հայաստանյան առաջին երկնաքերերի Skyline թաղամասը և նոր մեկնարկած «Թումանյան 8» նախագիծը:

Հենց ֆինանսական անսասանությունն ու խոշոր ծրագրերի կառավարման փորձն են դարձել այս գործարքի առանցքային շարժիչ ուժը։ GTB Դիվելոփմենթ ընկերության տնօրեն Գոռ Միքայելյանը, մեկնաբանելով գործընկերության հեռանկարները, շեշտել է.

«Այս նախագծում մեր գլխավոր ուղենիշը Երևանի շահն է և Կասկադի լիարժեք հաջողությունը։ Հենց այս գիտակցումով էլ մենք ռազմավարական որոշում կայացրեցինք ուժերը միավորել քաղաքաշինական ոլորտի բացարձակ առաջատարի հետ։ «Ռենշինի» ֆինանսական անսասանությունը, ձևավորված բարձր հեղինակությունն ու մեգանախագծերի կառավարման բացառիկ փորձառությունը հանդիսանում են այն գլխավոր երաշխիքը, որ մեր համաքաղաքացիները վերջապես կստանան այն Կասկադը, որին երկար տարիներ սպասել են: Սա իսկապես աննախադեպ միավորում է՝ հանուն մեր քաղաքի ապագայի»։ 

Այս միավորումը երաշխավորում է, որ մայրաքաղաքի այցեքարտը հանդիսացող նախագիծը կիրագործվի միջազգային խստագույն ֆինանսական և որակական ստանդարտներով։ «Ռենշին» ընկերության ռազմավարական զարգացման տնօրեն Անի Մավյանն ընդգծել է պրոֆեսիոնալ վերարժևորման առաջնահերթությունը.

«Մեզ համար Կասկադը շատ ավելին է, քան ուղղակի քաղաքաշինական ծրագիրը. այն Երևանի իսկական սիրտն ու հոգին է: Ստորագրելով այս հուշագիրը՝ մենք պատասխանատվություն ենք ստանձնում նոր շունչ հաղորդելու մայրաքաղաքի կարևորագույն այցեքարտին՝ ապահովելով անզիջում որակ և միջազգային լավագույն չափանիշներ։ Գնահատելով մեր գործընկերների կողմից նախագծի մեկնարկի ապահովումը՝ մենք այժմ մեծ վստահությամբ միանում ենք այս գործընթացին։ Մեր նպատակն է ավելի քան երկու տասնամյակի մեր ողջ փորձառությունն ուղղել Երևանի արդիական դիմագծի կերտմանը՝ ստեղծելով նշանային մի կառույց, որը կգերազանցի թե՛ հանրության, և թե՛ մասնագիտական հանրույթի սպասելիքները»։ 

Ինստիտուցիոնալ մոտեցումներն ու բարձր պատասխանատվությունն արտացոլվում են նաև ընկերությունների կորպորատիվ գործունեության մեջ. և՛ «Ռենշին»-ը, և՛ GTB հոլդինգը միավորված են մշակույթին աջակցելու հանձնառությամբ՝ լինելով տաղանդավոր պատանի երաժիշտներին աջակցող «Music for future» հիմնադրամի խոշոր հովանավորներ ու գործընկերներ:

Կնքված հուշագիրը մեկնարկում է Կասկադի զարգացման առավել դինամիկ փուլը: Նախագծի կառավարման, ճարտարապետական լուծումների և միջազգային ու տեղական գործընկերների վերաբերյալ մանրամասները կներկայացվեն հետագայում։

ԵՐԵՎԱՆ, 1 հուլիսի․/ԱՌԿԱ/․ Ինչպե՞ս են ժամանակակից ֆինտեխ լուծումները փոխում սպառողական վարքագիծը, ընդլայնում բիզնեսների ֆինանսական հնարավորությունները և նպաստում տնտեսության ակտիվացմանը․ «Երբ ֆինանսական տեխնոլոգիան դառնում է վաճառքի շարժիչ»․ այս թեման Mantashyants Global Business Forum 2026-ում ներկայացրեց IDBank-ի առևտրային գործընկերների հետ հարաբերությունների վարչության ղեկավար Գրիգորի Յոլյանը։

Ելույթի առանցքային գաղափարն այն էր, որ ժամանակակից շուկայում վաճառքի հաջողությունը կախված է ոչ միայն ապրանքի կամ ծառայության որակից, այլև դրա հասանելիությունից, իսկ այդ հասանելիությունն ապահովող ամենահզոր գործիքը տեխնոլոգիան է։

Ներկայացնելով Idram&IDBank էկոհամակարգը՝ Գրիգորի Յոլյանը նշեց, որ QR-ով վճարումների ներդրման շնորհիվ մեկ միասնական թվային միջավայրում միավորվել են ավելի քան 1 միլիոն օգտատեր և շուրջ 30 հազար վաճառակետ՝ կապելով սպառողներին և բիզնեսներին։

Ելույթում անդրադարձ կատարվեց նաև Rocket Line ծառայությանը, որը հայկական շուկայում դարձավ «Buy now, pay later» մոդելի հաջողված օրինակ։ Այսօր ծառայության շրջանակում օրական ձևակերպվում է շուրջ 12 500 պայմանագիր, իսկ ամեն օր այն օգտագործում է մոտ 7000 եզակի հաճախորդ։

Rocket Line-ի հաջողությունից հետո նույն մոտեցումը կիրառվեց նաև բիզնեսների համար՝ ստեղծելով IDDistributor հարթակը։ Այն փոքր և միջին բիզնեսներին հնարավորություն է տալիս մատակարարման պահին վճարումներ կատարել ինչպես սեփական միջոցներով, այնպես էլ Rocket Distributor վարկային սահմանաչափի միջոցով՝ ապահովելով շրջանառու միջոցների հասանելիություն և խթանելով վաճառքները։ Միաժամանակ IDDistributor-ը նպաստում է կանխիկ շրջանառության կրճատմանը, բիզնես գործընթացների թվայնացմանը և ֆինանսական ներառականության բարձրացմանը, հատկապես մարզերում։

«Ֆինանսական տեխնոլոգիան վաճառք է ստեղծում այնտեղ, որտեղ նախկինում կային սահմանափակումներ։ Այն միավորում է մարդկանց, բիզնեսներին և ֆինանսական հնարավորությունները մեկ ընդհանուր հարթակում։ Իսկ երբ այդ կապը ստեղծվում է, աճում են ոչ միայն վճարումների ծավալները, այլև տնտեսության ընդհանուր ակտիվությունը»,- նշել է Գրիգորի Յոլյանը։

Idram-ն ու IDBank-ը շարունակում են իրականացնել իրենց ռազմավարությունը՝ ուղղված անկանխիկ տնտեսության զարգացմանը, բիզնես գործընթացների թվայնացմանը և Հայաստանում ֆինանսական ներառականության բարձրացմանը։

ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ