Category: Armbanks

Պետական արժեթղթերը գերիշխում են ՀՀ-ի կապիտալի շուկայում՝ շուրջ 7,4 մլրդ դոլար ծավալով. Գալստյան

ԵՐԵՎԱՆ, 29 մայիսի․/ԱՌԿԱ/.   Պետական արժեթղթերը գերիշխում են Հայաստանի կապիտալի շուկայում՝ շրջանառության մեջ ունենալով շուրջ 7,4 մլրդ դոլարի ծավալ, հայտարարել է ՀՀ Կենտրոնական բանկի նախագահ Մարտին Գալստյանը։

«Դրանց հաջորդում են կորպորատիվ պարտատոմսերը՝ մոտ 2,2 մլրդ դոլար, մինչդեռ բաժնետոմսերի շուկան մնում է հարաբերականորեն փոքր՝ շուրջ 500 մլն դոլար շուկայական կապիտալիզացիայով»,- ասել է նա Հայաստանի ֆոնդային բորսայի 25-ամյակին նվիրված միջազգային համաժողովում։

Գալստյանի խոսքով՝ շուկայի զարգացման դրական միտումն ակնհայտ է։

«Իրական հատվածի ընկերությունները դուրս են գալիս շուկա, ինչը կարևոր ազդակ է»,- նշել է նա։

Որպես հիմնական օրինակներ ԿԲ ղեկավարը նշել է «Հայաստանի էլեկտրական ցանցեր»-ի պարտատոմսերի թողարկումը՝ շուրջ 80 մլն դոլար, «Viva Armenia»-ն՝ 80 մլն դոլար, Զանգեզուրի պղնձամոլիբդենային կոմբինատը՝ 50 մլն դոլար և «Team Telecom»-ը՝ 45 մլն դոլար։

Խոսելով Հայաստանի կապիտալի շուկայի ներկա վիճակի մասին՝ Գալստյանը նշել է, որ այն արդեն որոշակի տեղ է զբաղեցնում ֆինանսական շուկայում։

«Առաջարկի կողմից այժմ մենք ունենք 50 կորպորատիվ թողարկող։ Միջնորդների սեգմենտը լավ է զարգացած՝ 42 սուբյեկտ, ներառյալ 17 բանկ և 25 ներդրումային ընկերություն։ Բացի այդ, կան ներդրումային հիմնադրամների 6 կառավարիչներ, որոնցից երկուսը կառավարում են շուրջ 4 մլրդ դոլար ակտիվների զուտ արժեքով կենսաթոշակային հիմնադրամներ՝ ձևավորելով ամուր ներդրողների բազա։ Շուկայական ենթակառուցվածքը լրացուցիչ կերպով աջակցվում է AMX-ի (Հայաստանի ֆոնդային բորսա) և Հայաստանի Կենտրոնական դեպոզիտարիայի կողմից»,- ասել է Գալստյանը։

ԿԲ նախագահն ընդգծել է, որ միջազգային ներդրողները ռեկորդային բարձր վստահություն են ցուցաբերում հայկական պետական պարտատոմսերի նկատմամբ։

«2018 թ․-ին օտարերկրյա ներդրողների մասնակցությունը ներքին պետական շուկայում կազմում էր ընդամենը 3,6 մլրդ դրամ։ 2025 թ․-ին այդ ցուցանիշն աճել է մինչև 177 մլրդ դրամ, ինչը կազմում է դրամով արտահայտված բոլոր թողարկումների մոտավորապես 7%-ը»,- պարզաբանել է նա։

Հայաստանի բանկային համակարգը կապիտալացված է շատ ավելի բարձր նորմատիվային պահանջներից․ ԿԲ նախագահ

ԵՐԵՎԱՆ, 29 մայիսի․/ԱՌԿԱ/․ Հայաստանի բանկային համակարգը ադեկվատ կերպով կապիտալիզացված է և ունի լիկվիդայնության բավարար բուֆերներ, հայտարարել է ՀՀ ԿԲ նախագահ Մարտին Գալստյանը։

«2026 թվականի մարտի դրությամբ կապիտալի համարժեքության գործակիցը կազմում է 20,5%, իսկ իրացվելիության գործակիցը՝ գրեթե 31%, ինչը զգալիորեն բարձր է նորմատիվային պահանջներից։ Չաշխատող վարկերի գործակիցը, որն արտացոլում է ժամկետանց վարկերի մասնաբաժինն ընդհանուր պորտֆելում, գտնվում է պատմականորեն ցածր մակարդակի վրա և կազմում է 1,4%», — ասել է նա Հայաստանի ֆոնդային բորսայի 25-ամյակին նվիրված միջազգային համաժողովում։

Գալստյանը նաև նշել է, որ Հայաստանի ֆինանսական համակարգը վերջին տարիներին զգալի էվոլյուցիա և զարգացում է ապրել՝ էապես մեծանալով չափերով և խորացնելով ֆինանսական միջնորդությունը։

 «Բանկային համակարգի ակտիվներն այժմ գերազանցում են ազգային ՀՆԱ-ն։ Վարկերի հարաբերակցությունը ՀՆԱ-ին կազմում է մոտ 65%, ինչը համադրելի մակարդակ է բարձր եկամուտ ունեցող շատ երկրների հետ», — ասել է նա։

ԿԲ ղեկավարի խոսքով՝ ուժեղ ցուցանիշները բանկային համակարգի հիմնարար առողջության դրական նշան են, այդ թվում՝ ապագայում ցանկացած չնախատեսված ռիսկերին կամ շոկերին դիմակայելու դրա կարողությունը։

«Գնային և ֆինանսական կայունության համադրությունը, որն ամրապնդված է հուսալի ինստիտուցիոնալ շրջանակներով, ապահովում է այն կարևորագույն հիմքը, որի վրա մենք կարող ենք կառուցել ավելի խորը կապիտալի շուկաներ Հայաստանում», — ընդգծել է նա։

Հայկական բանկերի հաշվետվությունների տվյալների համաձայն, որոնք հրապարակվում են ՖՀՄՍ միջազգային ստանդարտներին համապատասխան, նրանց համախառն զուտ շահույթը (հարկումից հետո) 2026 թվականի I եռամսյակի արդյունքներով կազմել է 103,48 միլիարդ դրամ՝ 2025 թվականի I եռամսյակի 101,18 միլիարդ դրամի դիմաց (աճը՝ 2,27%):

Հայաստանի բանկերի համախառն ակտիվները 31.03.2026թ. դրությամբ կազմել են 13,15 տրիլիոն դրամ (տարեկան աճը՝ 16.67%), բանկերի վարկային ներդրումների ծավալը՝ 8,01 տրիլիոն դրամ (աճը՝ 22,63%), համախառն պարտավորությունները՝ 10,85 տրիլիոն դրամ (աճը՝ 15,76%), կապիտալը՝ 2,3 տրիլիոն դրամ (աճը՝ 21,16%): ($1 – 368.05 դրամ)

Հայաստանի բանկային համակարգը կապիտալացված է շատ ավելի բարձր նորմատիվային պահանջներից․ ԿԲ նախագահ

ԵՐԵՎԱՆ, 29 մայիսի․/ԱՌԿԱ/․ Հայաստանի բանկային համակարգը ադեկվատ կերպով կապիտալիզացված է և ունի լիկվիդայնության բավարար բուֆերներ, հայտարարել է ՀՀ ԿԲ նախագահ Մարտին Գալստյանը։

«2026 թվականի մարտի դրությամբ կապիտալի համարժեքության գործակիցը կազմում է 20,5%, իսկ իրացվելիության գործակիցը՝ գրեթե 31%, ինչը զգալիորեն բարձր է նորմատիվային պահանջներից։ Չաշխատող վարկերի գործակիցը, որն արտացոլում է ժամկետանց վարկերի մասնաբաժինն ընդհանուր պորտֆելում, գտնվում է պատմականորեն ցածր մակարդակի վրա և կազմում է 1,4%», — ասել է նա Հայաստանի ֆոնդային բորսայի 25-ամյակին նվիրված միջազգային համաժողովում։

Գալստյանը նաև նշել է, որ Հայաստանի ֆինանսական համակարգը վերջին տարիներին զգալի էվոլյուցիա և զարգացում է ապրել՝ էապես մեծանալով չափերով և խորացնելով ֆինանսական միջնորդությունը։

 «Բանկային համակարգի ակտիվներն այժմ գերազանցում են ազգային ՀՆԱ-ն։ Վարկերի հարաբերակցությունը ՀՆԱ-ին կազմում է մոտ 65%, ինչը համադրելի մակարդակ է բարձր եկամուտ ունեցող շատ երկրների հետ», — ասել է նա։

ԿԲ ղեկավարի խոսքով՝ ուժեղ ցուցանիշները բանկային համակարգի հիմնարար առողջության դրական նշան են, այդ թվում՝ ապագայում ցանկացած չնախատեսված ռիսկերին կամ շոկերին դիմակայելու դրա կարողությունը։

«Գնային և ֆինանսական կայունության համադրությունը, որն ամրապնդված է հուսալի ինստիտուցիոնալ շրջանակներով, ապահովում է այն կարևորագույն հիմքը, որի վրա մենք կարող ենք կառուցել ավելի խորը կապիտալի շուկաներ Հայաստանում», — ընդգծել է նա։

Հայկական բանկերի հաշվետվությունների տվյալների համաձայն, որոնք հրապարակվում են ՖՀՄՍ միջազգային ստանդարտներին համապատասխան, նրանց համախառն զուտ շահույթը (հարկումից հետո) 2026 թվականի I եռամսյակի արդյունքներով կազմել է 103,48 միլիարդ դրամ՝ 2025 թվականի I եռամսյակի 101,18 միլիարդ դրամի դիմաց (աճը՝ 2,27%):

Հայաստանի բանկերի համախառն ակտիվները 31.03.2026թ. դրությամբ կազմել են 13,15 տրիլիոն դրամ (տարեկան աճը՝ 16.67%), բանկերի վարկային ներդրումների ծավալը՝ 8,01 տրիլիոն դրամ (աճը՝ 22,63%), համախառն պարտավորությունները՝ 10,85 տրիլիոն դրամ (աճը՝ 15,76%), կապիտալը՝ 2,3 տրիլիոն դրամ (աճը՝ 21,16%): ($1 – 368.05 դրամ)

Յունիբանկն իր բաժնետերերին առաջարկում է անժամկետ պարտատոմսեր՝ 13.25% եկամտաբերությամբ

ԵՐԵՎԱՆ, 29 մայիսի․/ԱՌԿԱ/․ Յունիբանկը թողարկել է 9 մլրդ ՀՀ դրամ ծավալով անժամկետ դրամային պարտատոմսեր, որոնք նախատեսված են բացառապես բանկի սովորական բաժնետոմսերի սեփականատերերի համար, հաղորդում է Յունիբանկի մամուլի ծառայությունը։

Նոր թողարկման արժեկտրոնային եկամտաբերությունը կազմում է 13.25%, ինչը տվյալ ներդրումային գործիքը դարձնում է շուկայում առավել գրավիչ առաջարկներից մեկը՝ երկարաժամկետ և կայուն եկամուտ ակնկալող ներդրողների համար։

Յունիբանկի բաժնետեր չհանդիսացող ներդրողները կարող են ձեռք բերել անժամկետ պարտատոմսերը՝ մասնակցելով Յունիբանկի ընթացիկ բաժնետոմսերի տեղաբաշխմանը։ Ավելի վաղ բանկը հայտարարել էր 3.9 մլրդ ՀՀ դրամ ծավալով սովորական բաժնետոմսերի թողարկման մասին։ Մինչև 2026 թվականի սեպտեմբերի 9-ը նախատեսվում է տեղաբաշխել 10 մլն բաժնետոմս։

Անժամկետ պարտատոմսերի նոր թողարկմամբ Յունիբանկը շարունակում է ընդլայնել իր բաժնետերերի հնարավորությունները և նպաստել Հայաստանի կապիտալի շուկայի զարգացմանը՝ առաջարկելով երկարաժամկետ ներդրումային ժամանակակից և արդյունավետ գործիքներ:

Տեղաբաշխման պայմանների համաձայն՝ ներդրողներն իրավունք ունեն ձեռք բերել անժամկետ պարտատոմսեր՝ յուրաքանչյուր 2 600 հատ սովորական բաժնետոմսի դիմաց 300 պարտատոմս հարաբերակցությամբ։ 2 600-ից ավելի բաժնետոմսերի դեպքում ձեռք բերվող անժամկետ պարտատոմսերի առավելագույն քանակը համամասնորեն ավելանում է՝ յուրաքանչյուր լրացուցիչ 8 սովորական բաժնետոմսի դիմաց 1 անժամկետ պարտատոմս հարաբերակցությամբ։ Պարտատոմսերի ձեռքբերման նվազագույն քանակը սահմանված է 100 հատ։

Անժամկետ պարտատոմսերը նախատեսվում է տեղաբաշխել մինչև 09.09.2026թ.: Արժեկտրոնային եկամտաբերությունն առաջին 36 ամիսների համար սահմանված է տարեկան 13.25%, որից հետո այն կձևավորվի պետական պարտատոմսերի եկամտաբերության կորի հիման վրա։

Անցյալ տարի Յունիբանկն առաջինը Հայաստանում թողարկեց անժամկետ պարտատոմսեր՝ ընդհանուր առմամբ 6.5 մլրդ ՀՀ դրամ և 9 մլն ԱՄՆ դոլար ծավալով՝ հաջողությամբ տեղաբաշխելով դրանք նախատեսված ժամկետից զգալիորեն շուտ։ Տեղաբաշխումն ուղեկցվեց շուկայական բարձր ակտիվությամբ և դարձավ Հայաստանի կապիտալի շուկայի ամենանշանակալի իրադարձություններից մեկը։

Անժամկետ պարտատոմսերի Ծրագրային ազդագիրը գրանցվել է ՀՀ կենտրոնական բանկի նախագահի 2025թ. նոյեմբերի 26-ի Թիվ 1/427Ա որոշմամբ, իսկ Ծրագրային ազդագրի լրացումը՝ 2026թ. Մայիսի 22-ի Թիվ 1/228Ա որոշմամբ:

Ներդրողները Անժամկետ պարտատոմսերի Ծրագրային ազդագրի և ազդագրին կից ներկայացվող փաստաթղթերի տպագիր տարբերակները կարող են ձեռք բերել Յունիբանկի գլխամասային գրասենյակում  և մասնաճյուղերում, իսկ էլեկտրոնային պատճենը www.unibank.am կայքից: 

Եվրոյի, դոլարի և ռուբլու փոխարժեքները հայկական դրամի նկատմամբ աճել են․ ՀՀ ԿԲ

ԵՐԵՎԱՆ, 27 մայիսի․/ԱՌԿԱ/.  2026 թվականի մայիսի 27-ին Հայաստանի արտարժույթի շուկայում ձևավորված ԱՄՆ դոլարի միջին փոխարժեքը  հայկական դրամի նկատմամբ մայիսի 26-ի համեմատ աճել է 0.31 կետով՝ հասնելով 368.05 դրամի։

Կենտրոնական բանկի կայքում նշվում է, որ եվրոն նույնպես բարձրացել է 0.25 կետով՝ հասնելով 428.34 դրամի, իսկ ռուբլին՝ 0.0608 կետով՝ հասնելով 5.1797 դրամի։

  27.05.2026 26.05.2026
ԱՄՆ դոլար-Դրամ 368.05 367.74
Եվրո-Դրամ 428.34 428.09
Ռուբլի-Դրամ 5.1797 5.1189

Հայկական դրամին կցված սթեյբլքոյնները զգալիորեն կնվազեցնեն անդրսահմանային վճարումների ծախսերը․ ԿԲ նախագահ

ԵՐԵՎԱՆ, 26 մայիսի․/ԱՌԿԱ/․ Հայկական դրամին կցված սթեյբլքոյնները թույլ կտան բնակչությանը կատարել ներքին վճարումներ, ինչպես նաև զգալիորեն կնվազեցնեն անդրսահմանային վճարումների ծախսերը, հայտարարել է ՀՀ ԿԲ նախագահ Մարտին Գալստյանը՝ պատասխանելով «ԱՌԿԱ» գործակալության հարցին։

«Մեր տեսանկյունից դա կարևոր է և ճիշտ», — ասել է նա երկուշաբթի՝ ներկայացնելով Հայաստանի 2025 թվականի ֆինանսական կայունության հաշվետվությունը։

Գալստյանը նշել է, որ ռիսկային չի համարում Հայաստանի ավանդական ֆինանսական համակարգ կրիպտոակտիվների աստիճանական ներթափանցման գործընթացը։

 «Առնվազն առաջիկա 6 տարիների ծրագրային դրույթներից մեկն այն է, որ մենք պետք է աշխատենք այս ուղղությամբ», — հավելել է նա։

 Ավելի վաղ Գալստյանը հայտարարել էր, որ ՀՀ ԿԲ-ն սթեյբլքոյնները դիտարկում է որպես ռազմավարական առաջնահերթություն, ինչպես նաև նշել էր, որ կրիպտոկարգավորման մասին վերջերս ընդունված օրենքը ցույց է տալիս ԿԲ հանձնառությունը՝ հասնելու «ոսկե հավասարակշռության» սպառողների պաշտպանության և նորարարությունների զարգացման միջև։

 «Կրիպտոակտիվների մասին» օրենքը Հայաստանում ուժի մեջ է մտել 2025 թվականի հուլիսի 4-ին։ Ներկայումս աշխատանքներ են տարվում ենթաօրենսդրական ակտերի մշակման ուղղությամբ։ Փաստաթուղթը սահմանում է կրիպտոակտիվների առևտրի, ծառայությունների մատուցման և շուկայի վերահսկողության կանոնները։ Կարգավորման նախատեսված մեխանիզմները թույլ են տալիս շուկա մուտք գործել միայն ստուգված և թափանցիկ ընկերություններին, ինչը պետք է պաշտպանի կրիպտոակտիվների գնորդների իրավունքները և բարձրացնի վստահությունը շուկայի նկատմամբ։

Հայաստանում ֆինանսական համակարգի ակտիվների 82%–ը բաժին է ընկնում բանկային համակարգին․ ԿԲ

ԵՐԵՎԱՆ, 26 մայիսի․/ԱՌԿԱ/․ Հայաստանի բանկային համակարգի ակտիվները շարունակում են գերակշռել երկրի ֆինանսական համակարգի կառուցվածքում՝ կազմելով համախառն ակտիվների մոտ 82%-ը կամ շուրջ 12 տրլն դրամ, հայտարարել է հանրապետության Կենտրոնական բանկի նախագահ Մարտին Գալստյանը։

«Երկրորդ տեղում են կենսաթոշակային հիմնադրամները՝ 9,3% մասնաբաժնով կամ մոտ 1,5 տրլն դրամ։ Դրանց ակտիվներն աճել են ավելի արագ, քան մնացած բոլոր սեգմենտներում», — ասել է նա՝ ներկայացնելով Հայաստանի 2025 թվականի ֆինանսական կայունության հաշվետվությունը։

Կարգավորողի տվյալներով՝ կենսաթոշակային հիմնադրամների ակտիվներն աճել են 34,2%-ով, բանկային համակարգինը՝ 15,1%-ով։

Գալստյանը նշել է, որ 2025 թվականին Հայաստանի ֆինանսական համակարգը շարունակել է աճել՝ պահպանելով շոկերին դիմակայելու բարձր կարողությունը։ Նրա խոսքով՝ աճ է արձանագրվել բոլոր հիմնական սեգմենտներում, ինչն ապահովել է բնակչությանը և տնտեսվարող սուբյեկտներին ֆինանսական ծառայությունների անխափան մատուցումը։

«Ինչպես և նախորդ տարիներին, ֆինանսական համակարգը գործել է ծայրահեղ բարդ աշխարհաքաղաքական և տնտեսական միջավայրում՝ բարձր անորոշության պայմաններում, ինչը շեշտադրվել և հաշվի է առնվել Կենտրոնական բանկի մակրոպրուդենցիալ քաղաքականության վերլուծություններում և որոշումներում», — ասել է Գալստյանը։

ԿԲ տվյալներով՝ վարկային կազմակերպություններին բաժին է ընկնում ֆինանսական համակարգի ակտիվների 5,6%-ը (ակտիվների աճը՝ 13,1%), ներդրումային ընկերություններին՝ 1,7%-ը (աճը՝ 8,4%), ապահովագրական ընկերություններին՝ 0,8%-ը (աճը՝ 19,8%)։

ԿԲ–ն ակնկալում է գնաճի վերադարձ թիրախային մակարդակին միջնաժամկետ հեռանկարում

ԵՐԵՎԱՆ, 26 մայիսի․/ԱՌԿԱ/․ Հայաստանի կենտրոնական բանկն ակնկալում է գնաճի վերադարձ թիրախային մակարդակին միջնաժամկետ հեռանկարում, հայտարարել է ԿԲ նախագահ Մարտին Գալստյանը՝ պատասխանելով «ԱՌԿԱ» գործակալության հարցին։

Վիճակագրական տվյալների համաձայն՝ Հայաստանում գնաճն ապրիլին տարեկան կտրվածքով կազմել է 5,3%՝ մարտի 4,5%-ի դիմաց։ Գնաճի թիրախային ցուցանիշը ՀՀ պետական բյուջեով սահմանված է 3% մակարդակում՝ ±1,5 տոկոսային կետ թույլատրելի շեղմամբ։

Գալստյանը նշել է, որ ԿԲ դրամավարկային քաղաքականության խորհրդի քննարկումների ընթացքում արդեն հնչում են կարծիքներ վերաֆինանսավորման տոկոսադրույքի բարձրացման անհրաժեշտության մասին։ Նրա խոսքով՝ բարդությունը գնաճի վրա ազդող գործոնների՝ առաջարկի և պահանջարկի համախմբի գնահատման մեջ է։

«Եթե դա պայմանավորված է առաջարկով, ապա բնականաբար, մենք պետք է լինենք ավելի զգոն և համբերատար։ Եթե դա պայմանավորված է պահանջարկով, մենք պետք է որոշակի չափով միջամտենք», — ասել է նա երկուշաբթի կայացած մամուլի ասուլիսում՝ ներկայացնելով Հայաստանի 2025 թվականի ֆինանսական կայունության հաշվետվությունը։

 ԿԲ ղեկավարի խոսքով՝ ներկայումս գնաճի կառուցվածքում գերակշռում են առաջարկի գործոնները, սակայն կարգավորողը հաշվի է առնում հանգամանքների լայն շրջանակ։ Դրանց թվում նա նշել է Ռուսաստանի հետ հարաբերությունները, ռուսական տնտեսության վիճակը, Մերձավոր Արևելքի պատերազմը, էներգակիրների գների աճը, հետագա զարգացման հնարավոր սցենարները, գլոբալ ռեցեսիայի ռիսկերը, ֆիսկալ էքսպանսիան աշխարհում և ռիսկի պրեմիայի նվազումը Հայաստանում։

«Մեր ընդհանուր կարծիքը, մեծամասնության կարծիքը, հանգեց նրան, որ մենք առայժմ պետք է տոկոսադրույքը թողնենք անփոփոխ։ Առաջիկա նիստում, բնականաբար, նորից կքննարկենք այս հարցը», — ասել է Գալստյանը։

Մեկնաբանելով գնաճի արագացման և պարտքային բեռի հետ կապված հնարավոր ռիսկերը տնային տնտեսությունների համար՝ ԿԲ ղեկավարը նշել է, որ գնաճային սպասումները դեռևս չեն մատնանշում նման ռիսկեր։ Նրա խոսքով՝ դա վկայում է Կենտրոնական բանկի քաղաքականության հանդեպ վստահության մասին։

Համաձայն 2026 թվականի առաջին եռամսյակի դրամավարկային քաղաքականության ԿԲ հաշվետվության՝ Հայաստանում գնաճը 2026 թվականի արդյունքներով, կախված սցենարից, ակնկալվում է 4,4–3,3% սահմաններում։ 2027 թվականի կանխատեսումը կազմում է 3,5–3,1%, 2028 թվականի համար՝ 3,2–3,1%։

Հայաստանի բանկային համակարգի շահույթը երկարաժամկետ հեռանկարում կդառնա ավելի չափավոր․ ԿԲ նախագահ

ԵՐԵՎԱՆ, 26 մայիսի․/ԱՌԿԱ/․ Հայաստանի բանկային համակարգի շահույթը երկարաժամկետ հեռանկարում, հավանաբար, կդառնա ավելի չափավոր, հայտարարել է ՀՀ կենտրոնական բանկի նախագահ Մարտին Գալստյանը՝ պատասխանելով «ԱՌԿԱ» գործակալության հարցին։

«Ինչպես տնտեսությունը ցիկլային զարգացումից հետո, աճի բարձր տեմպերից հետո ի վերջո վերադառնում է իր պատմական երկարաժամկետ թրենդին, այնպես էլ, ենթադրում եմ, երկարաժամկետ հատվածում մենք կունենանք բանկային համակարգ, որտեղ շահույթները կլինեն ավելի չափավոր», — ասել է նա երկուշաբթի՝ ներկայացնելով Հայաստանի 2025 թվականի ֆինանսական կայունության հաշվետվությունը։

 Միևնույն ժամանակ, Գալստյանը դժվարացել է նշել շահույթի հնարավոր մակարդակը։ Նրա խոսքով՝ վարկածներից մեկն այն է, որ Հայաստանի բանկային համակարգն արդեն որակական ցատկ է կատարել և սկսել է սպասարկել նաև ոչ ռեզիդենտներին։

ԿԲ ղեկավարը չի բացառել, որ եթե այս գործոնը լինի երկարաժամկետ, ոչ թե կարճաժամկետ, ապա բանկային համակարգի շահութաբերության նոր հավասարակշռության կետը կարող է ավելի բարձր լինել, քան մինչև վերջին փոփոխությունները։

«Այսինքն՝ այն մարդկանց կամ կազմակերպություններին, որոնք առնչվել են Հայաստանի բանկային համակարգի հետ, դրա միջոցով գործառնություններ են իրականացրել, այնքան է դուր եկել Հայաստանի բանկային համակարգը, որ այսուհետ ևս կաշխատեն դրա միջոցով, ինչը մեզ լրացուցիչ եկամուտներ կապահովի», — պարզաբանել է նա։

Ներկայացնելով 2025 թվականի հաշվետվությունը՝ Գալստյանը նշել է, որ բանկային համակարգի բարձր շահութաբերությանը հիմնականում նպաստել է զուտ տոկոսային եկամուտների աճը։ Նրա խոսքով՝ բանկային միջնորդության ընդլայնման պայմաններում դա մեծապես հանդիսացել է վարկավորման ծավալների աճի արդյունք։

«Բանկային համակարգը բնութագրվում է կապիտալիզացիայի և իրացվելիության բարձր մակարդակով։ Տարվա ընթացքում կապիտալի համարժեքության և իրացվելիության ցուցանիշները զգալիորեն բարձր են եղել նվազագույն կարգավորող պահանջներից, ինչը վկայում է շոկերը և դրանցից բխող կորուստները կլանելու բանկային համակարգի բարձր կարողության մասին», — ասել է նա։

Հայաստանի բանկային համակարգի զուտ շահույթը 2025 թվականին կազմել է 421,3 մլրդ դրամ՝ 2024 թվականի համեմատ աճելով 16,01%-ով, վկայում են ՖՀՄՍ միջազգային ստանդարտներով հրապարակվող բանկերի հաշվետվությունների տվյալները։

Հայաստանի բանկային համակարգի շահույթը երկարաժամկետ հեռանկարում կդառնա ավելի չափավոր․ ԿԲ նախագահ

ԵՐԵՎԱՆ, 26 մայիսի․/ԱՌԿԱ/․ Հայաստանի բանկային համակարգի շահույթը երկարաժամկետ հեռանկարում, հավանաբար, կդառնա ավելի չափավոր, հայտարարել է ՀՀ կենտրոնական բանկի նախագահ Մարտին Գալստյանը՝ պատասխանելով «ԱՌԿԱ» գործակալության հարցին։

«Ինչպես տնտեսությունը ցիկլային զարգացումից հետո, աճի բարձր տեմպերից հետո ի վերջո վերադառնում է իր պատմական երկարաժամկետ թրենդին, այնպես էլ, ենթադրում եմ, երկարաժամկետ հատվածում մենք կունենանք բանկային համակարգ, որտեղ շահույթները կլինեն ավելի չափավոր», — ասել է նա երկուշաբթի՝ ներկայացնելով Հայաստանի 2025 թվականի ֆինանսական կայունության հաշվետվությունը։

 Միևնույն ժամանակ, Գալստյանը դժվարացել է նշել շահույթի հնարավոր մակարդակը։ Նրա խոսքով՝ վարկածներից մեկն այն է, որ Հայաստանի բանկային համակարգն արդեն որակական ցատկ է կատարել և սկսել է սպասարկել նաև ոչ ռեզիդենտներին։

ԿԲ ղեկավարը չի բացառել, որ եթե այս գործոնը լինի երկարաժամկետ, ոչ թե կարճաժամկետ, ապա բանկային համակարգի շահութաբերության նոր հավասարակշռության կետը կարող է ավելի բարձր լինել, քան մինչև վերջին փոփոխությունները։

«Այսինքն՝ այն մարդկանց կամ կազմակերպություններին, որոնք առնչվել են Հայաստանի բանկային համակարգի հետ, դրա միջոցով գործառնություններ են իրականացրել, այնքան է դուր եկել Հայաստանի բանկային համակարգը, որ այսուհետ ևս կաշխատեն դրա միջոցով, ինչը մեզ լրացուցիչ եկամուտներ կապահովի», — պարզաբանել է նա։

Ներկայացնելով 2025 թվականի հաշվետվությունը՝ Գալստյանը նշել է, որ բանկային համակարգի բարձր շահութաբերությանը հիմնականում նպաստել է զուտ տոկոսային եկամուտների աճը։ Նրա խոսքով՝ բանկային միջնորդության ընդլայնման պայմաններում դա մեծապես հանդիսացել է վարկավորման ծավալների աճի արդյունք։

«Բանկային համակարգը բնութագրվում է կապիտալիզացիայի և իրացվելիության բարձր մակարդակով։ Տարվա ընթացքում կապիտալի համարժեքության և իրացվելիության ցուցանիշները զգալիորեն բարձր են եղել նվազագույն կարգավորող պահանջներից, ինչը վկայում է շոկերը և դրանցից բխող կորուստները կլանելու բանկային համակարգի բարձր կարողության մասին», — ասել է նա։

Հայաստանի բանկային համակարգի զուտ շահույթը 2025 թվականին կազմել է 421,3 մլրդ դրամ՝ 2024 թվականի համեմատ աճելով 16,01%-ով, վկայում են ՖՀՄՍ միջազգային ստանդարտներով հրապարակվող բանկերի հաշվետվությունների տվյալները։