Category: BanksNews.am

Ռուսաստանում քննարկվում է նախաձեռնություն, որը թույլ կտա կառուցել վճարովի ավտոճանապարհներ առանց պարտադիր անվճար այլընտրանքային երթուղիների, ինչպես նաև արդեն գործող որոշ ճանապարհներ տեղափոխել վճարովի ռեժիմի։

Նախաձեռնությունը ներկայացվել է կառավարությանը և ենթադրում է գործող կանոնների վերանայում։ Ներկայումս օրենքը պահանջում է, որ յուրաքանչյուր վճարովի ճանապարհ ունենա անվճար այլընտրանք։

Օրինակ՝

• М-11 «Нева» ավտոմայրուղին ունի անվճար տարբերակ՝
• М-10 «Россия» ճանապարհը։

Նախաձեռնության հեղինակները՝ ենթակառուցվածքային ներդրողների ասոցիացիան, առաջարկում են ծրագիրը սկսել Հեռավոր Արևելքից, որտեղ ճանապարհաշինությունը հատկապես ծախսատար է։

Փորձագետների կարծիքով՝ նման փոփոխությունները կարող են՝

• արագացնել նոր ճանապարհների կառուցումը,
• ներգրավել մասնավոր ներդրումներ,
• սակայն նաև բարձրացնել տրանսպորտային ծախսերը բնակչության և բիզնեսի համար։

Վճարովի ճանապարհների զարգացումը համարվում է ենթակառուցվածքների ֆինանսավորման կարևոր գործիք։ Սակայն անվճար այլընտրանքի բացակայությունը կարող է առաջացնել սոցիալական և տնտեսական քննարկումներ՝ կապված ճանապարհների հասանելիության հետ։

Աշխարհի խոշորագույն թվային արժույթների փոխարժեքները ապրիլի 15-ի դրությամբ՝ ըստ Bloomberg-ի։

• Bitcoin (BTC)`$74 047
• Ethereum (ETH)` $2 320
• Binance Coin (BNB)`$613

Ըստ կապիտալիզացիայի՝ 100 լավագույն կրիպտոարժույթներից վերջին 24 ժամվա ընթացքում ամենամեծ աճը ցույց է տվել RaveDAO-ն (RAVE)՝ + 30%.:
Լավագույն 100-ի մեջ վերջին 24 ժամվա ընթացքում ամենամեծ անկումը ցույց է տվել siren-ը (SIREN)՝ — 6%.

Բաժանորդագրվեք մեր ալիքին Telegram-ում

Այսօր ամբողջ աշխարհում նշվում է Արվեստի համաշխարհային օրը՝ տոն, որը նվիրված է ստեղծագործությանը, ինքնարտահայտմանը և արվեստի դերին հասարակության կյանքում։ Այս օրը միավորում է ինչպես պրոֆեսիոնալ արվեստագետներին, այնպես էլ բոլոր նրանց, ում համար ստեղծագործությունը դարձել է առօրյա կյանքի մի մասը։

Շատերի համար արվեստը ոչ միայն հոբբի է, այլև ինքնադրսևորման միջոց։ Նկարչությունը, կարուձևը, զարդերի և դեկորատիվ իրերի ստեղծումը օգնում են բացահայտել ստեղծագործական ներուժը և առօրյա զբաղմունքները վերածել ոգեշնչման աղբյուրի։

Օնլայն հարթակների զարգացումը ստեղծագործությունն ավելի հասանելի է դարձնում։ Օգտատերերն ավելի հաճախ են ընտրում մարկետփլեյսները՝ ձեռագործության և արվեստի համար նախատեսված ապրանքներ գնելու համար, ինչը արտացոլվում է վաճառքների դինամիկայում։

Wildberries-ի տվյալներով՝ Հայաստանում ստեղծագործության և ձեռագործության ապրանքների կատեգորիայում նկատվում է պահանջարկի կայուն աճ։ Վաճառքների զգալի աճ են արձանագրել հետևյալ ենթակատեգորիաները՝ ձեռագործության համար նախատեսված կաշին (+189%), կարի եզրագծեր (+180%), ձեռագործության համար նախատեսված պատյաններ (+128%), մուլինե թելեր (+66%) և կտրիչ դանակների սայրեր (+53%)։

Առանձին ապրանքների մեջ հատկապես առանձնանում են ինքնուրույն ստեղծագործության համար նախատեսված նյութերն ու գործիքները։ Այսպես, մոմերի պատրաստման համար նախատեսված մոմի վաճառքը աճել է ավելի քան 49 անգամ, քանդակագործական կավինը՝ 242%-ով, իսկ ստեղծագործության համար նախատեսված էպոքսիդային խեժինը՝ ավելի քան երկու անգամ։ Զգալի աճ են ցույց տվել նաև գործիքների հավաքածուներն ու հարակից ապրանքները։

Շուկայի զարգացման լրացուցիչ գործոն է տեղական վաճառողների ակտիվությունը։ Հայաստանում ստեղծագործության հետ կապված կատեգորիաներում տեղական ձեռնարկատերերի վաճառքները աճել են 46%-ով, ինչը վկայում է տեղական արտադրության զարգացման և հեղինակային արտադրանքի նկատմամբ աճող հետաքրքրության մասին։

«Այսօր ստեղծագործությունը պարզապես հոբբի չէ, այլ ինքնարտահայտվելու և առօրյա կյանքում ոգեշնչում գտնելու միջոց։ Մենք ուրախ ենք, որ կարող ենք լինել այս գործընթացի մի մասը՝ ստեղծագործության համար նախատեսված ապրանքները հասանելի դարձնելով բոլորին», — նշել է Wildberries-ի տարածաշրջանային տնօրեն Դավիթ Միրզոյանը։

Այսպիսով, ստեղծագործությունն աստիճանաբար դառնում է առօրյայի մի մաս, իսկ օնլայն հարթակների միջոցով նյութերի և գործիքների հասանելիությունը նպաստում է արվեստի և ինքնարտահայտման նկատմամբ հետաքրքրության հետագա աճին։

Արվեստի համաշխարհային օրը հիշեցնում է, որ ստեղծագործությունը հասանելի է յուրաքանչյուրին։ Այսօր ավելի ու ավելի շատ մարդիկ գտնում են ինքնարտահայտման իրենց ձևը և արվեստը դարձնում իրենց առօրյա կյանքի մասը։

Wildberries-ում պատրաստի սննդի առաջին ռեստորանը՝ արագ առաքմամբ

Բաժանորդագրվեք մեր ալիքին Telegram-ում

Ռուսական VK ընկերությունը առաջարկել է օրենսդրական փոփոխություններ, որոնց շրջանակում սոցիալական ցանցերն ու մարքեթփլեյսները կարող են պարտավորվել տարածել նորություններ՝ ընտրված կառավարության կողմից։

Այս մասին հայտնում է Коммерсант թերթը՝ հղում անելով VK-ի ներկայացմանը։

Ընկերությունն առաջարկում է ստեղծել «Ազգային տեղեկատվական հարթակ»՝ հիմնված Дзен նորությունների ագրեգատորի վրա։

Նախաձեռնության համաձայն՝ այդ հարթակը պարտադիր կերպով պետք է ինտեգրվի այն կայքերում և հավելվածներում, որոնք ունեն օրական ավելի քան 5 միլիոն ակտիվ օգտատեր։

Սա վերաբերում է՝

• մարքեթփլեյսներին,
• սոցիալական ցանցերին,
• վիդեոհոսթինգներին,
• և այլ խոշոր առցանց հարթակներին։

Նախագծի համաձայն՝

• նորությունների աղբյուրները կընտրի կառավարությունը,
• նույն կառույցը կնշանակի հարթակի օպերատորին՝ 5 տարի ժամկետով։

Աղբյուրի փոխանցմամբ՝ համապատասխան օրինագիծը կարող է ներկայացվել Պետդումա արդեն այս տարվա մայիսին։

VK-ում նշում են, որ նման քայլի անհրաժեշտությունը պայմանավորված է՝

• օգտատերերի անցմամբ մեսենջերներ և «առանց նորությունների» հարթակներ,
• ինչպես նաև 2022 թվականից ի վեր ԶԼՄ-ների լսարանի 30–70% նվազումով։

Փորձագետների կարծիքով՝ նախաձեռնությունը կարող է էականորեն փոխել տեղեկատվության տարածման մեխանիզմները երկրում՝ ուժեղացնելով պետական վերահսկողությունը մեդիա դաշտի նկատմամբ։ Միևնույն ժամանակ, այն կարող է առաջացնել քննարկումներ խոսքի ազատության և տեղեկատվական բազմազանության սահմանափակման շուրջ։

Բաժանորդագրվեք մեր ալիքին Telegram-ում

Բիբլոս Բանկ Արմենիան՝ որպես հիմնադիր անդամ, միացել է FinTech Armenia ասոցիացիային, ինչը կարևոր քայլ է Բանկի՝ ֆինանսական ոլորտում թվային փոխակերպման և նորարարության զարգացմանն ուղղված ջանքերում։

FinTech Armenia-ն նպատակ ունի Հայաստանում ստեղծելու համապարփակ ֆինտեխ հաբ այնպիսի ոլորտների ներգրավմամբ, ինչպիսիք են վճարային համակարգերը, կապիտալի շուկաները, ֆինանսական ծառայությունների ոլորտում արհեստական ​​բանականությունը, բլոկչեյնն ու տոկենիզացիան, ապահովագրությունը և բանկային փոխակերպումը:

Անդամակցելով ասոցիացիային՝ Բիբլոս Բանկ Արմենիան վերահաստատում է իր հանձնառությունը նպաստելու Հայաստանի արագ զարգացող ֆինտեխ էկոհամակարգի զարգացմանը։ Բանկի փորձառու մասնագետները կներգրավվեն ասոցիացիայի հիմնական ինստիտուցիոնալ աշխատանքային խմբերում, ինչպիսիք են բանկային փոխակերպումը, ստարտափներն ու վենչուրային կապիտալը, ՀՀ ԿԲ Sandbox-ը և կրթությունը։

«FinTech Armenia ասոցիացիային միանալու նպատակը Բիբլոս Բանկ Արմենիայի և Հայաստանի ֆինտեխ էկոհամակարգի միջև ամուր կամուրջի ստեղծումն է։ Այս գործընկերությունը միավորում է ֆինանսական նորարարությունն ու գիտելիքը, ստեղծում ոլորտի խաղացողների միջև բիզնես նեթվորքինգի և փորձի փոխանակման հնարավորություններ, առաջ մղում թվային փոխակերպման օրակարգը։ Նման համագործակցությունների միջոցով Բիբլոս Բանկ Արմենիան ձգտում է նպաստել Հայաստանում դինամիկ ֆինտեխ միջավայրի զարգացմանը»,- նշում է Բանկի նորարարության և թվայնացման բաժնի ղեկավար Սուրեն Ոսկանյանը։

«Բիբլոս Բանկ Արմենիայի՝ մեր արագ զարգացող տարածաշրջանային ասոցիացիայի և համաշխարհային կապ ստեղծող հարթակում ընդգրկվելը ևս մեկ կարևոր փուլ է մեր ճանապարհին՝ թե՛ Հայաստանի, թե՛ ֆինանսական տեխնոլոգիաների շնորհիվ կատարվող միջազգային բանկային վերափոխման համար։ Բանկն ապահովում է հաճախորդների սպասարկման բացառիկ որակ՝ համատեղելով թվային արդյունավետությունը մարդկային շփման հետ։ Մենք վստահ ենք, որ Բիբլոս Բանկ Արմենիան դրական ներդրում կունենա ու կնպաստի հայկական ֆինտեխ համայնքի մասնակիցների ինտեգրմանը համաշխարհային ֆինանսական էկոհամակարգին և հակառակը»,- ասել է FinTech Armenia-ի հիմնադիր և գլխավոր տնօրեն Ստեֆան Լուկասը:

Բիբլոս Բանկ Արմենիան մեկնարկել է նոր արշավ հատուկ Mastercard World քարտապանների համար

Բաժանորդագրվեք մեր ալիքին Telegram-ում

ԱրարատԲանկը ներկայացնում է հիփոթեքային վարկավորման նոր առաջարկ՝ հնարավորություն տալով հաճախորդներին տեղափոխել իրենց հիփոթեքային վարկը ՀՀ տարածքում գործող այլ բանկերից կամ վարկային կազմակերպություններից՝ առավել շահավետ և պարզեցված պայմաններով։

Առաջարկը միտված է նվազեցնելու հաճախորդների ֆինանսական բեռը, ապահովելու առավել մատչելի ամսական վճարներ և պարզեցված վարկավորման գործընթաց։

Հիմնական պայմաններն են՝

• Տոկոսադրույք՝ սկսած 12.25%-ից
• Լրացուցիչ նվազեցում՝ 0.5%՝ աշխատավարձը ԱրարատԲանկի քարտի միջոցով առնվազն 3 ամիս ստանալու դեպքում։
• Տարեկան փաստացի տոկոսադրույք՝ 12.40% – 13.53%
• Վարկի գումար՝ 5 մլն-ից մինչև 150 մլն ՀՀ դրամ
• Վարկի ժամկետ՝ 5-ից մինչև 25 տարի
• Գրավադրման բոլոր ծախսերը հոգում է բանկը՝ անշարժ գույքի միասնական տեղեկանք, նոտարական վավերացում, գրավի իրավունքի գրանցում և գնահատման վճարներ։
• Չեն պահանջվում հայտի սպասարկման վճար, ապահովագրություն, ինչպես նաև եկամուտը հավաստող փաստաթղթեր և վարկային փաթեթի սպասարկման վճար։
• Պարզեցված վարկունակության գնահատում՝ եթե տեղափոխվող վարկը սպասարկվել է ավելի քան 1 տարի, եկամուտը հավաստող փաստաթղթեր չեն պահանջվում, այլ վարկերի գծով ծանրաբեռնվածությունը չի դիտարկվում։ Սակայն հիփոթեքային վարկի սպասարկման գծով վերջին մեկ տարվա ընթացքում ժամկետանց օրերի հանրագումարը չպետք է գերազանցի 8 օրը։

ԱրարատԲանկը շարունակում է զարգացնել հաճախորդակենտրոն լուծումները՝ ուղեկցելով ձեզ հարմարավետ ու տաքուկ անկյուն ստեղծելու ճանապարհին։

ԱրարատԲանկը վերահսկվում է ՀՀ կենտրոնական բանկի կողմից

Բաժանորդագրվեք մեր ալիքին Telegram-ում

Ապրիլի 14-ին՝ ժամը 19:00-ից մինչև ժամը 23:00-ը Հայաստանի Հանրապետության կենտրոնական բանկի տեղեկատվական համակարգերի պլանային սպասարկման աշխատանքների կատարման արդյունքում հնարավոր է հասանելի չլինի Հայաստանի Հանրապետության կենտրոնական բանկի կայքը (https://www.cba.am) և բանկային հաշիվների կենտրոնացված ռեեստրի աշխատանքը:

Այս մասին տեղեկացնում են ՀՀ կենտրոնական բանկից:

Ռեեստրի աշխատանքի հնարավոր ժամանակավոր դադարեցմամբ պայմանավորված՝ հնարավոր է հասանելի չլինեն Ռեեստրից հարցման միջոցով տեղեկությունների ստուգմամբ աշխատող համակարգերի ծառայությունները, այդ թվում՝ հիփոթեքային վարկի սպասարկման համար վճարված տոկոսավճարների չափով վճարված եկամտային հարկի վերադարձման դիմումների ընդունման էլեկտրոնային համակարգը, ինչպես նաև զինծառայողների ապահովագրության ազգային հիմնադրամի կողմից դրոշմանիշային վճարների գումարների վերադարձման էլեկտրոնային համակարգը, ինչպես նաև ԱՊՊԱ ոլորտում ապահովադիրների կողմից տրամադրված բանկային հաշվեհամարի ստուգման համակարգը:

Ներողություն ենք հայցում հնարավոր անհարմարությունների համար:

Բաժանորդագրվեք մեր ալիքին Telegram-ում

Դիզելային վառելիքի և պարարտանյութերի ևս մեկ խմբաքանակ է ուղարկվել Ադրբեջանից Հայաստան։

Տեղական լրատվամիջոցների հաղորդմամբ՝ Բիլաջարի կայարանից մեկնել է 22 վագոնից բաղկացած գնացք, որը տեղափոխում էր 1298 տոննա դիզելային վառելիք և չորս վագոն՝ 240 տոննա պարարտանյութ։

Բեռը Վրաստանի տարածքով կհասցվի Հայաստան՝ ուղղվելով դեպի Բոյուկ Քեսիկ կայարան։

Ավելի վաղ՝ ապրիլի 11-ին, Ադրբեջանից Հայաստան է ուղարկվել 15 ցիստեռն, որոնք տեղափոխում էին 887 տոննա դիզելային վառելիք։

Մինչ օրս Ադրբեջանից Հայաստան է արտահանվել 6312 տոննա դիզելային վառելիք, 979 տոննա AI-92 բենզին և 2955 տոննա AI-95 բենզին։

Բաժանորդագրվեք մեր ալիքին Telegram-ում

Փարիզի դատարանը ֆրանսիական ցեմենտի հսկա Lafarge-ին (այժմ Holcim-ի մաս) մեղավոր է ճանաչել Սիրիայում ահաբեկչությունը ֆինանսավորելու և ԵՄ պատժամիջոցները խախտելու համա․հաղորդում են ֆրանսիական լրատվամիջոցները։

2013-2014 թվականներին Lafarge-ի սիրիական դուստր ձեռնարկությունը մոտ 5.6 միլիոն եվրո է վճարել զինված խմբավորումներին, այդ թվում՝ ISIS-ին՝ Սիրիայի քաղաքացիական պատերազմի ժամանակ իր ցեմենտի գործարանը բաց պահելու համար։

Ընկերությունը և ութ նախկին բարձրաստիճան մենեջերներ մեղավոր են ճանաչվել։

Նախկին գործադիր տնօրեն Բրունո Լաֆոնտը դատապարտվել է վեց տարվա ազատազրկման։

2022 թվականին Lafarge-ը ԱՄՆ-ում մեղավոր է ճանաչվել և վճարել է 778 միլիոն դոլար՝ ահաբեկչական խմբավորումներին նյութական աջակցություն ցուցաբերելու համար։

Բաժանորդագրվեք մեր ալիքին Telegram-ում