Category: Civic.am

Առաջիկա օրերին Հայաստանում սպասվում է մթնոլորտի շրջանառության էական փոփոխություն. այս մասին «Ֆեյսբուք»-ի իր էջում հրապարակված տեսանյութում հայտնել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։

«Oգոստոսի 8-ին և 9-ին մինչև երեկո հանրապետությունը կշարունակի գտնվել հարավային շրջաններից ներթափանցող տաք օդային հոսանքների ազդեցության գոտում։ Հանրապետության ողջ տարածքում կպահպանվի առանց տեղումների եղանակը»,-նշել է նա:

Օգոստոսի 9-ի երեկոյան ժամերից, օգոստոսի 10-ին և 11-ին Հայաստանը կհայտնվի Սև ծովից ներթափանցող ցիկլոնի ազդեցության գոտում։ Այն իր հետ կբերի զովություն և խոնավություն։

«Օգոստոսի 9-ի երեկոյան ժամերից, օգոստոսի 10-ին և 11-ին հանրապետության առանձին հատվածներում սպասվում են ամպրոպային բնույթի անձրևներ։ Առանձին հատվածներում անձրևները կլինեն հորդառատ, հնարավոր է նաև կարկուտ»,-ասել է Սուրենյանը, հավելելով, որ օդի ջերմաստիճանը օգոստոսի 10-ին և 11-ին օգոստոսի 9-ի համեմատ կնվազի 4-6 աստիճանով։

2026 թվականի 1-ին կիսամյակի ընթացքում կոռուպցիոն բնույթի հանցագործությունների վերաբերյալ քննվել է 307 քրեական վարույթ (2025-ին՝ 508), որից 193-ը փոխանցվել են 2025 թվականից, իսկ 114-ը վարույթ են ընդունվել 2026 թվականի ընթացքում: Այդ մասին հայտնում են ՔԿ-ից:

307 քրեական վարույթից 21-ը՝ 47 անձի վերաբերյալ մեղադրական եզրակացությամբ ուղարկվել են դատարան (2025-ին՝ 29 վարույթ՝ 72 անձ), 14-ը կարճվել են (2025-ին՝ 71), որից 8-ը` ռեաբիլիտացնող (2025-ին՝ 41), իսկ 6-ը՝ ոչ ռեաբիլիտացնող հիմքով (2025-ին՝ 30), 67 քրեական վարույթ (2025-ին՝ 121) ուղարկվել է այլ մարմին, 25-ը միացվել են (2025-ին՝ 29), 16-ը հաշվառվել են որպես վարութային և ապացուցողական գործողությունները կատարված (2025-ին՝ 30), 164-ը փոխանցվել են 2026 թվականի 2-րդ կիսամյակ (2025-ին՝ 228):

Կոռուպցիոն բնույթի հանցագործություններով ավարտված քրեական վարույթներով պատճառված գույքային վնասը կազմել է 247 մլն 36 հզր ՀՀ դրամ, որից մինչդատական վարույթի ընթացքում վերականգնվել է 19 մլն 940 հզր ՀՀ դրամը, արգելանք է դրվել 53 մլն 740 հզր ՀՀ դրամ արժողության գույքի վրա:

ՀՀ պաշտպանության նախարարի 1-ին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը հանդիպել է ժամկետային զինծառայող սերժանտների և դիրքերի ավագների մյուս հերթափոխի հետ: Այս մասին հայտնում է ՀՀ ՊՆ-ը՝ նշելով, որ հանդիպման առանցքում բանակ ներթափանցող արատավոր երևույթների դեմ պայքարին, կարգապահության բարձրացմանը, կանոնադրային հարաբերությունների կարևորությանն առնչվող մի շարք հարցեր էին:

2026 թվականի 1-ին կիսամյակի ընթացքում Քննչական կոմիտեի վարույթում ընտանեկան բռնության դեպքերի վերաբերյալ քննվել է 1.794 քրեական վարույթ (2025-ին՝ 1.482), որից 712-ը փոխանցվել է 2025 թվականից, իսկ 1.082-ը վարույթ է ընդունվել 2026 թվականի ընթացքում:

204 քրեական վարույթ՝ 213 անձի վերաբերյալ մեղադրական եզրակացությամբ ուղարկվել է դատարան (2025-ին՝ 157 վարույթ՝ 165 անձի վերաբերյալ), 6 բժշկական հարկադրանքի վարույթ դատարան է ուղարկվել եզրափակիչ ակտով (2025-ին՝ 5), 345 քրեական վարույթ կարճվել է (2025-ին՝ 390), որից 323-ը` ռեաբիլիտացնող (2025-ին՝ 356), իսկ 22-ը` ոչ ռեաբիլիտացնող հիմքով (2025-ին՝ 34), 205-ը` միացվել է (2025-ին՝ 134), 26 քրեական վարույթ ուղարկվել է այլ մարմին (2025-ին՝ 30), 54-ը հաշվառվել են որպես վարութային և ապացուցողական գործողությունները կատարված (2025-ին՝ 38), 954-ը փոխանցվել է 2026 թվական (2025-ին՝ 728): 

Դատարան ուղարկված 200 վարույթից 1-ը քննվել է սպանության, 1-ը՝ սպանության փորձի, 1-ը՝ ինքնասպանության հասցնելու, 2-ը` առողջությանը ծանր վնաս պատճառելու, 6-ը՝ առողջությանը միջին ծանրության վնաս պատճառելու, 18-ը՝ առողջությանը թեթև վնաս պատճառելու, 1-ը՝ մարդուն առևանգելու, 2-ը՝ ազատությունից ապօրինի զրկելու, 11-ը՝ հոգեկան ներգործության, 124-ը՝ ֆիզիկական ներգործության, 8-ը՝ սեռական ազատության դեմ ուղղված,  2-ը՝ ծնողի կամ այլ մերձավոր ազգականի և երեխայի միջև տեսակցության իրականացումը խոչընդոտելու, 1-ը՝ երեխայի դաստիարակության կամ խնամքի պարտականությունը չկատարելու կամ ոչ պատշաճ կատարելու, 1-ը՝ ալիմենտ վճարելուց խուսափելու, 11-ը՝ անհետաձգելի միջամտության որոշումը կամ պաշտպանական որոշումը չկատարելու, 10-ը՝ այլ հանցագործությունների դեպքերի առթիվ:

Դատարան ուղարկված վարույթներով 213 մեղադրյալից 150-ը հանդիսացել է ամուսին, 20-ը՝ զուգընկեր, 15-ը՝ ծնող, տատ կամ պապ, 5-ը՝ քույր կամ եղբայր, 16-ը՝ զավակ կամ թոռ, 1-ը՝ ամուսնու քույր կամ ամուսնու եղբայր, 6-ը՝ փեսա կամ հարս:

Դատարան ուղարկված վարույթներով 213 տուժողից 13-ը եղել են մինչև 12, 3-ը՝ 13-14, 5-ը՝ 15-18 տարեկան, 192-ը՝ 18-ից բարձր տարիքի: 

Էս «շեդեվրների» հեղինակները մեզ ասում են, թե մենք կեղծել ենք ընտրությունները. Ստեփանյանը բազմաթիվ փաստեր հիշեցրեց

Կտրիճ Ներսիսյանի և 6 հոգևորականների գործով դատավոր Հակոբ Մանուկյանը ինքաբացարկ է ներկայացրել և հրաժարվել գործը քննելուց, հայտնում է փաստաբան Արա Զոհրաբյանը։

«Պետք է գործը նոր դատավորի մակագրվի և նորից նիստ հրավիրվի։ Եթե բացարկի հիմքեր չլինեն, գործը կքննի»,- նշել է Արա Զոհրաբյանը՝ հավելելով, որ ըստ էության, դատավորը նաև հանդիսացել է փաստաբան, որը ըստ փաստաբանի՝ բացարկի հիմք չէր. 

«Բայց դատավորը, հաշվի առնելով, որ դա կարող է կասկած առաջացնել, ինքնաբացարկ հայտնեց»,-ասել է փաստաբանը։