Category: Civic.am

«Բոլորին դեմ եմ»-ը ինքն իրեն էլ է դե՞մ․ «Գործիք»՝ Սուպերհերոսների կերպարով

ՀՀ ՆԳՆ ոստիկանությունը հիշեցնում է՝ Եվրոպական քաղաքական համայնքի (EPC) 8-րդ գագաթնաժողովի արարողակարգային միջոցառումների ընթացքում Երևանում փակ կլինեն որոշ փողոցներ։

 

Մասնավորապես, մայիսի 3-ին

 

ժամը 9:30-ից 19:30-ը պարբերաբար կսահմանափակվի երթևեկությունը Իսակովի պողոտայում՝ «Զվարթնոց» միջազգային օդանավակայանից մայրաքաղաքի կենտրոն տանող ուղղությամբ:

 

Ժամը 18:00-20:00 փակ կլինի 

Լեոից-Ձորափ հատվածը

 

Ժամը 18:00-19:30-ը փակ կլինեն 

 

Հանրապետության հրապարակը, և հրապարակ տանող ուղղությունները՝ Ամիրյան – Զաքյան և Սայաթ-Նովա – Աբովյան խաչմերուկներից․

 

Գրիգոր Լուսավորչի փողոցը՝ Մաշտոցի պողոտայից և Զաքյան փողոցից, և Ագաթանգեղոսի – Գ. Լուսավորչի – Արշակունյաց խաչմերուկից Լուսավորչի փողոց ընկած հատվածը,

 

Շահումյան հրապարակից Բեյրութի փողոց տանող ճանապարհահատվածը,

 

Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը:

 

Ժամը 18:00-ից 23:00-ը երթևեկությունը սահմանափակվելու է

 

Բաղրամյան պողոտայից Պռոշյան և Դեմիրճյան փողոցներ տանող հատվածներում,

 

Պարոնյան-Ձորափի փողոց խաչմերուկից Պռոշյան փողոց տանող ճանապարհահատվածում:

 

Մայիսի 4-ին՝ ժամը 7:00-ից 19:00-ն փակ են լինելու 

 

Հաղթանակ կամրջից Աթենքի փողոց տանող ճանապարհահատվածը,

 

Քըրք Քըրքորյան փողոցից Ծիծեռնակաբերդի խճուղի տանող ուղղությունը:

 

Ժամը 7:00-10:30-ն փակ են լինելու նաև

 

Հանրապետության հրապարակը,

 

Աբովյան փողոցը՝ Սայաթ-Նովայի պողոտայից դեպի Հանրապետության հրապարակ հատվածը,

 

Մաշտոցի պողոտայից և Գրիգոր Լուսավորչի փողոցից Հաղթանակի կամուրջ տանող հատվածները,

 

Ագաթանգեղոսի – Գրիգոր Լուսավորչի – Արշակունյաց պողոտա խաչմերուկից Գրիգոր Լուսավորչի փողոց ուղղությունը,

 

Շահումյան հրապարակից Բեյրութի փողոց ընկած հատվածը,

 

Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը:

 

Մայիսի 5-ին՝ ժամը 8:00-12:00-ն փակ են լինելու 

 

Հանրապետության հրապարակ մուտք գործող բոլոր փողոցները,

 

Շահումյան հրապարակից դեպի Հաղթանակի կամուրջ ընկած ճանապարհահատվածը,

 

Աթենքի փողոցը,

 

Ծիծեռնակաբերդի խճուղին,

 

Մաշտոցի պողոտան,

 

Սայաթ-Նովայի պողոտան,

 

Աբովյան փողոցը,

 

Բաղրամյան փողոցը:

 

Ժամը 16:30-17:30-ը երթևեկությունը կսահմանափակվի Բաղրամյան պողոտայում, Օրբելի, Կիևյան, Հալաբյան փողոցներում։

 

Երթևեկությունը պարբերաբար կսահմանափակվի Իսակովի պողոտայում՝ Հաղթանակ կամրջից «Զվարթնոց» օդանավակայան տանող ուղղությամբ: 

ԱՄՆ դեսպանների՝ մշակութային արժեքների պահպանության հիմնադրամը (AFCP) աջակցել է Հայաստանի ամենավաղ քրիստոնեական հուշարձաններից մեկի՝ Երերույքի բազիլիկ տաճարի պահպանությանը։ Այդ մասին տեղեկացնում է Հայաստանում ԱՄՆ դեսպանատունը:

Շիրակի մարզի Անիպեմզա գյուղի մոտ գտնվող 4-5-րդ դարերի այս հայկական եկեղեցին լավագույնս ներկայացնում է Հայաստանի վաղ քրիստոնեական ճարտարապետությունը և հարուստ պատմական ժառանգությունը։ 2023թ․ Հիմնադրամն աջակցեց տաճարի տարածքի կոնսերվացման, պահպանության և պատմական միջավայրի վերականգնման ուղղված աշխատանքներին։

Ինչո՞վ է զբաղվում ԱՄՆ դեսպանների մշակութային արժեքների պահպանության հիմնադրամը։

Ստեղծված 2001 թ․ Պետքարտուղարության կողմից՝ հիմնադրամն աջակցում է մշակութային ժառանգության պահպանությանն աշխարհում։

Գործակցելով տեղի համայնքների հետ՝ այն իրականացնում է պատմավայրերի, պատմամշակութային արժեքներին, կոթողների, ավանդույթների պահպանության աշխատանքներ, աջակցում մշակութային զբոսաշրջության և երկարաժամկետ պահպանության նախաձեռնություններին և նպաստում մշակութային փոխըմբռնման ու հարգանքի ձևավորմանը տարբեր ժողովուրդների միջև։

ՀՀ վարչապետ Նիկոլ Փաշինյանը սոցցանցերում տեսանյութ է հրապարակել՝ հայտնելով, որ Կենտրոնական ընտրական հանձնաժողովը սահմանել է, որ թվերի տակ հանդես կգան քաղաքական ուժերը ԱԺ ընտրություններին:

«Քաղաքացիական պայմանագիր» կուսակցությունը հանդես է գալու 16 համարի ներքո:

«Եվ այսպես, ընտրություններ 20/26-ին (2026 թվական-ԽՄԲ.) քվեարկում ենք 16-ին, սիրում եմ բոլորիդ»,- հայտտարարել է ՀՀ վարչապետը:

«Ուժեղները» մանիպուլյատիվ հայտարարություններով փորձում են իմիտացիա ստեղծել

ՀՀ վարչապետ Նիկոլ Փաշինյանը Ֆեյսբուքի իր էջում հայտնում է, որ Բուլղարիայի նախագահ Իլիանա Յոտովայի հետ ստորագրել են Հայաստանի Հանրապետության և Բուլղարիայի Հանրապետության միջև ռազմավարական գործընկերության մասին համատեղ հռչակագիր։

Հայաստանի Հանրապետության և Եվրոպական միության միջև հարաբերություններն առավել մոտ են, քան երբևէ. ահա այսպիսի գնահատականի է արժանացրել Հայաստանում Եվրամիության դեսպան Վասիլիս Մարագոսը՝ բնութագրելով երկկողմ հարաբերություններն ու ընդգծելով, որ այդ համագործակցությունը հիմնված է ընդհանուր արժեքների, ապագայի ընդհանուր տեսլականի և Հայաստանի ինքնիշխան ընտրության նկատմամբ հստակ հարգանքի վրա։

Դեսպանի բնորոշմամբ՝ Բրյուսելը ոչ միայն քաղաքական աջակցություն է ցուցաբերում, այլ նաև իրականացնում է շոշափելի ներդրումներ, որոնք ուղղված են Հայաստանի տնտեսության, ենթակառուցվածքների և անվտանգության ամրապնդմանը՝ նպատակ հետապնդելով ապահովել իրական արդյունքներ ՀՀ քաղաքացիների համար։

«Արմենպրես»-ի թղթակցին տված հարցազրույցում Հայաստանում ԵՄ դեսպանը մանրամասն անդրադարձ է կատարել մի շարք առանցքային թեմաների՝ մասնավորապես Հայաստան-Եվրամիություն հարաբերությունների աննախադեպ զարգացմանը, Հայաստանի եվրոպական հեռանկարներին, Հայաստանի համար մայիսի 4-ին և 5-ին Երևանում համապատասխանաբար անցկացվելիք Եվրոպական քաղաքական համայնքի գագաթնաժողովի և Հայաստան-Եվրամիություն գագաթնաժողովի կարևորությանը, Հարավային Կովկասում հաստատված խաղաղությանը և մի շարք այլ հարցերի:

Վասիլիս Մարագոսը նաև շեշտում է, որ Հայաստանն այսօր փաստացի հայտնվել է եվրոպական քաղաքական ուշադրության կենտրոնում, և Երևանում կայանալիք առաջիկա գագաթնաժողովներն էլ հենց վկայությունն են այն հանգրվանի, որին հասել են Երևանն ու Բրյուսելը: Դեսպանը մատնանշում է՝ երկկողմ համագործակցությունն արդեն դուրս է եկել իր սկզբնական շրջանակներից և շարունակում է ընդարձակվել՝ ընդգրկելով նոր ոլորտներ։ 

–  Ձերդ գերազանցություն, հաշվի առնելով Հայաստանի և Եվրոպական միության միջև հարաբերությունների և գործընկերության վերջին աննախադեպ խորացումն ու զարգացումը, ինչպե՞ս եք գնահատում Հայաստան-Եվրոպական միություն երկխոսության ներկայիս մակարդակը։

–  Եվրոպական միության և Հայաստանի միջև հարաբերություններն ավելի մոտ են, քան երբևէ։ Մեր համագործակցությունը հիմնված է ընդհանուր արժեքների, ապագայի ընդհանուր տեսլականի և գործընկերների ընտրության հարցում Հայաստանի ինքնիշխան իրավունքի նկատմամբ հստակ հարգանքի վրա։ ԵՄ-ն կանգնած է Հայաստանի կողքին՝ օգնելով   ամրապնդել անվտանգությունը, բարեկեցությունը և կայունությունը, որը  Հայաստանի ժողովրդի համար կապահովի իրական արդյունքներ:

Գործնականում դրանք ընդլայնվում և շարունակաբար խորանում են: 270 միլիոն եվրո ընդհանուր արժողությամբ «Դիմակայունության և աճի» ծրագրի միջոցով մենք կատարում ենք ուղղակի ներդրումներ Հայաստանի տնտեսության և բիզնեսի ոլորտներում՝ աջակցելով հայկական ընկերություններին աճել, նորարար դառնալ և մուտք գործել նոր շուկաներ։  Ակնկալվում է, որ «Գլոբալ դարպասներ» ռազմավարության շրջանակում Հայաստանում Եվրոպական միության ներդրումները կհասնեն 2.5 միլիարդ եվրոյի և ուղղված կլինեն ճանապարհային և երկաթուղային կապուղիների, էլեկտրաէներգետիկ համակարգերի և էներգետիկ ենթակառուցվածքների զարգացմանը՝ ընդլայնելով Հայաստանի առևտրային ուղիները, բազմազանեցնելով գործընկերների շրջանակը և նվազեցնելով կախվածությունը մեկ մատակարարից։ Դրանք կլինեն ոչ թե վերացական քաղաքական ժեստեր, այլ գործնական նախագծեր, որոնք կբարելավեն քաղաքացիների կենսապայմանները և տնտեսական հնարավորությունները:  

Դեկտեմբերի 2-ին,  ՀՀ-ԵՄ գործընկերության խորհրդի շրջանակներում ստորագրվել է «ՀՀ-ԵՄ գործընկերության ռազմավարական օրակարգ» փաստաթուղթը, որը սահմանում է մի շարք հավակնոտ առաջնահերթություններ, որոնք առաջիկա տարիներին կուղղորդեն մեր համագործակցությանը։  Կարևոր է ընդգծել, որ գործնականում մենք արդեն իսկ իրականացնում ենք այդ օրակարգը, մասնավորապես՝ վիզաների ազատականացման գործընթացի շրջանակում իրականացվող մեր աշխատանքով, որի նպատակն է՝ սահմանված հենանիշների ամբողջական կատարման պարագայում, Հայաստանի Հանրապետության քաղաքացիներին հնարավորություն ընձեռել առանց վիզայի կարճատև (մինչև 90 օր) ուղևորություններ իրականացնել դեպի Եվրոպական միություն և Շենգենյան գոտի, անվտանգության ոլորտում մեր համագործակցությամբ, ինչպես նաև ներդրումներին և տնտեսական զարգացմանը ցուցաբերվող աջակցությամբ։ Այս համատեքստում, օրինակ, Սյունիքի մարզում  «Եվրոպայի թիմ՝ դիմակայուն Սյունիք» ծրագրի շրջանակում ԵՄ անդամ պետությունների հետ համատեղ իրականացնում ենք տեղական ենթակառուցվածքների զարգացմանը, մասնավոր հատվածի, գյուղատնտեսության, մարդկային կապիտալի և զբոսաշրջության խթանմանն ուղղված նախաձեռնություններ:

Հայաստանում Եվրոպական միության առաքելության (ՀԵՄԱ) ավելի քան 200 հոգանոց անձնակազմի միջոցով ապահովում ենք շարունակական և տեսանելի ներկայություն հակամարտությունից տուժած սահմանամերձ համայնքներում։ Առաքելության ներկայությունը նպաստում է կայունության ամրապնդմանը՝ այդ տարածքների բնակիչների շրջանում ձևավորելով անվտանգության  կարևոր վստահություն։ Միաժամանակ, հարկ եմ համարում ընդգծել, որ առաքելության գործունեությանն առնչվող յուրաքանչյուր հաղորդված միջադեպ ենթարկվում է պատշաճ ստուգման և փաստաթղթավորման, ապա ներկայացվում է Հայաստանի Հանրապետության համապատասխան մարմիններին։ Առաքելությունը գործում է լիակատար թափանցիկությամբ՝ խստորեն համապատասխանելով իր քաղաքացիական մանդատին:

Վերջերս ԵՄ խորհրդի կողմից հաստատվեց Հայաստանում ԵՄ նոր քաղաքացիական առաքելություն՝ Հայաստանում ԵՄ գործընկերային առաքելություն տեղակայելու մասին որոշումը:  Առաքելությունը կաջակցի Հայաստանին պայքարել սպառնալիքների, այդ թվում՝ ապատեղեկատվության, կիբեռհարձակումների և անօրինական ֆինանսական հոսքերի դեմ: Մասնավորապես, Հայաստանում ԵՄ գործընկերային առաքելությունը ռազմավարական և գործառնական խորհրդատվության, ինչպես նաև տարբեր նախարարությունների և պետական հաստատությունների կարողությունների զարգացման միջոցով՝ կտրամադրի աջակցություն հասարակության և պետական  մարմինների առջև ծառացած սպառնալիքներին դիմակայելու քաղաքականության մշակման հարցում: ԵՄ գործընկերային առաքելությունը տեղակայվում է Հայաստանի Հանրապետության իշխանությունների դիմումի հիման վրա և գործելու է Հայաստանում ԵՄ դիտորդական առաքելությունից լիովին անկախ՝ առանձին մանդատի շրջանակում:

ԵՄ–ՀՀ հարաբերությունները չեն սահմանափակվում քաղաքական և տնտեսական ոլորտներով․ դրանց հիմքում մարդակենտրոն մոտեցումն է։ Հայաստանը հարուստ և ինքնատիպ մշակութային ժառանգություն ունեցող երկիր է, որն ունի զարգացող ստեղծագործական արդյունաբերություններ և մասնագիտացված զբոսաշրջության զգալի ներուժ, որի զարգացմանը մենք ևս աջակցում ենք:

Մայիսի 5-ին կայանալիք ԵՄ–ՀՀ գագաթնաժողովը ևս մեկ կարևոր հանգրվան է երկկողմ հարաբերությունների զարգացման ճանապարհին։ Եվրոպական քաղաքական համայնքի 8-րդ գագաթնաժողովից մեկ օր անց՝ Երևանում կայանալիք ԵՄ-Հայաստան երկկողմ գագաթնաժողովը, Հայաստանը բերում է եվրոպական քաղաքական քննարկումների կիզակետ՝ արտացոլելով, թե որտեղ են հասել մեր հարաբերությունները։ Վերջին հաշվով, կայուն և բարեկեցիկ Հայաստանը լավ է Հայաստանի քաղաքացիների համար, լավ է տարածաշրջանի համար և լավ է Եվրոպայի համար:

– 2023 թվականից ի վեր Դուք ղեկավարում եք Հայաստանում ԵՄ պատվիրակությունը և քաջատեղյակ եք երկրում տեղի ունեցող իրադարձություններին ու գործընթացներին: Որո՞նք են Ձեր՝ որպես Հայաստանում ԵՄ դեսպանի հիմնական առաջնահերթությունները։

– Իմ հիմնական առաջնահերթությունը Հայաստանի և Եվրոպական միության միջև հարաբերությունների համակողմանի ամրապնդումն է։ Կարող եմ գոհունակությամբ արձանագրել մեր առաջընթացի մասին։ Միաժամանակ ցանկանում եմ հստակ ընդգծել, որ այս գործընկերությունը ձևավորվել է համատեղ ջանքերով։ Յուրաքանչյուր քայլ արտացոլում է Հայաստանի ինքնուրույն ընտրությունը, և երբ Հայաստանը դիմել է աջակցության համար, Եվրոպական միությունը եղել է նրա կողքին:

Հատուկ ուշադրություն է հատկացվել վիզաների ազատականացման գործընթացին, որը կարևոր է Հայաստանի քաղաքացիների համար, նրանց՝ ճանապարհորդելու, կրթության, աշխատանքի և Եվրոպայի հետ կապեր հաստատելու հնարավորությունների տեսանկյունից: Հատկապես ուրախ եմ նշել, որ այս երկխոսությունը մեկնարկել է երկկողմանի նշանակալի քաղաքական մեծ կապիտալի շնորհիվ: Կցանկանայի նաև ընդգծել, որ ԵՄ անդամ պետությունները սկզբից ի վեր ցուցաբերել են բարձր հանձնառություն՝ ամբողջ գործընթացում լինելով  Եվրոպական հանձնաժողովի ուղեկիցը: 2024 թվականին երկխոսության մեկնարկից ի վեր արձանագրվել է շոշափելի և կայուն առաջընթաց: Վիզաների ազատականացման գործողությունների ծրագրով սահմանված հենանիշների ամբողջական կատարման և բարեփոխումների թափի պահպանման դեպքում առանց վիզայի կարճատև ուղևորությունները առաջիկա տարիներին կդառնան իրատեսական հեռանկար։ Վերջին հաշվով դա լինելու է Եվրոպական միության կառույցների և ԵՄ անդամ պետությունների համատեղ որոշման արդյունքում է և չի հանդիսանալու որևէ կոնկրետ կառավարության կամ ընտրական գործընթացների արդյունքներով պայմանավորված քաղաքական պարգև։ Առանց վիզայի կարճատև ճանապարհորդությունները զգալիորեն կհեշտացնեն Հայաստանի քաղաքացիների այցելությունները Շենգենյան գոտում գտնվող ընտանիքի անդամներին, մասնակցությունը միջազգային համաժողովներին և կարճաժամկետ կրթական ծրագրերին, ինչպես նաև զբոսաշրջության և գործարար հնարավորությունների ուսումնասիրությունը:

Մայիսի 5-ին կայանալիք գագաթնաժողովի շրջանակում կհրապարակվի Վիզաների  ազատականացման գործողությունների ծրագրի իրականացման  առաջընթացի վերաբերյալ առաջին զեկույցը, և ինչպես մարտին Երևան կատարած այցի ժամանակ նշել էր  ԵՄ ներքին գործերի և միգրացիայի հարցերով հանձնակատար Մագնուս Բրունները, բարեփոխումների թափը պահպանելու պարագայում առանց վիզայի ճանապարհորդելն առաջիկա տարիներին իրատեսական հեռանկար է:  Դրան զուգահեռ, մենք աշխատել ենք թափ հաղորդելու տրանսպորտի, էներգետիկայի, տեղական ենթակառուցվածքների և մասնավոր հատվածի ուղղությամբ ներդրումների իրականացմանը Հայաստանի կառավարության և ֆինանսական հաստատությունների հետ համատեղ ստեղծված հարթակի միջոցով:

Բացի այդ, ես ակտիվորեն ներգրավվել եմ խաղաղության և կարգավորման  օրակարգի աջակցությանը: Հայաստանում ԵՄ առաքելությունը (ՀԵՄԱ) և ԵՄ հատուկ ներկայացուցչի աշխատանքը, ով անմիջականորեն համագործակցում է հայ և տարածաշրջանային գործընկերների հետ խաղաղության գործընթացի և կապակցվածության հարցերով, նույնպես կենտրոնական դեր են խաղացել ԵՄ ջանքերում: Առաջ նայելով՝ միջտարածաշրջանային կապակցվածությունը  կդառնա ավելի ու ավելի որոշիչ առաջնահերթություն։ Հայերի համար դա կնշանակի նոր առևտրային միջանցքներ, ավելի հուսալի՝ ավելի ցածր արժեքով էներգիա, և թվային ենթակառուցվածքներ, որոնք դուռ կբացեն բիզնեսի և երիտասարդների համար։ Այս համատեքստում կապակցվածության օրակարգի ներուժը, ինչպես նաև միջտարածաշրջանային կապակցվածության ոլորտում մեր կողմից իրականացվող նոր ներդրումները՝ ոչ միայն տրանսպորտի, այլև էներգետիկայի, թվային տեխնոլոգիաների և արժեքային շղթաների ինտեգրման առումով միայն օգուտ կբերեն Հայաստանին, հայկական բիզնեսին և քաղաքացիներին՝ ստեղծելով նոր հնարավորություններ։

Միաժամանակ, ցանկանում ընդգծել մասնավոր հատվածին ցուցաբերվող մեր աջակցությունը՝ վերջին երկու տարիների ընթացքում հատկապես նշանակալի է: ԵՄ-ի կողմից մասնավոր հատվածում իրականացված ներդրումները գերազանցել են 400 միլիոն եվրոն, իսկ միայն 2024 թվականին դրանք նպաստել են Հայաստանի տնտեսությունում, մասնավորապես՝ փոքր և միջին ձեռնարկությունների որորտում, ավելի քան 27,000 աշխատատեղերի ստեղծմանը։ Միաժամանակ, ԵՄ աջակցություն ստացած կազմակերպությունները գրանցել են արտահանումների 7.2% աճ։

Ցանկանում եմ նաև ընդգծել ԵՄ անդամ պետությունների դերը. մենք ունենք ուժեղ «Եվրոպական Թիմ»՝ Երևանում ավելի ու ավելի շատ դեսպանատներ են բացվում, վերջին երկուս ու կես տարիների ընթացքում ականատես ենք եղել ԵՄ պետությունների երեք նոր դեսպանատների բացմանը, ինչը վկայում հարաբերությունների ամրության մասին:

Մեր բոլոր ջանքերի ընթացքում ես և իմ թիմը առավելագույն ուշադրություն ենք դարձրել այն բանին, որ մեր աշխատանքը հասանելի դարձնենք մարդկանց, ում համար այն նախատեսված է: Ահա թե ինչու, ԵՄ անդամ պետությունների հետ միասին, մենք նաև մեկնարկել ենք մշակութային երկխոսություն, որը միավորում է հայ և եվրոպացի մշակութային գործիչներին, խթանում է Հայաստանի ուշագրավ ժառանգությունը և խթանում արվեստի ոլորտում փոխանակումները: Հայաստանն ունի առանձնահատուկ ազգային մշակույթ, որը կազմում է մեր  ընդհանուր եվրոպական ժառանգության բաղկացուցիչ մասն է, և մեզ համար կարևոր է դա կոնկրետ կերպով արտացոլել:

Հարցազրույցն ամբողջությամբ` սկզբնաղբյուր կայքում

ԱՄՆ նախագահ Դոնալդ Թրամփը հայտարարել է, որ մտադիր չէ դիմել Կոնգրեսին՝ Իրանի դեմ ռազմական գործողությունը շարունակելու թույլտվություն ստանալու համար «Ռազմական լիազորությունների մասին» օրենքով նախատեսված 60-օրյա ժամկետի լրանալուց հետո:

Ամերիկացի առաջնորդը Սպիտակ տան մոտ լրագրողներին ասել է, որ համապատասխան պահանջը համարում է հակասահմանադրական: Ըստ նրա՝ նմանատիպ դիրքորոշում են ունեցել նաև իր նախորդներից շատերը, ովքեր, ինչպես պնդում է Թրամփը, նույնպես դուրս են եկել օրենքով սահմանված ժամկետի սահմաններից:

1973 թվականին ԱՄՆ-ում ընդունված «Ռազմական լիազորությունների մասին» օրենքը թույլ է տալիս նախագահին առանց Կոնգրեսի հավանության երկրից դուրս զինված ուժեր կիրառել 60 օրվա ընթացքում:

Իրանի դեմ գործողության դեպքում այդ ժամկետը լրանում է մայիսի 1-ին: Ավելի վաղ Time պարբերականը հայտնել էր, որ Կոնգրեսի դեմոկրատները դիտարկում են Թրամփի դեմ դատական հայց ներկայացնելու հնարավորությունը, եթե նա շարունակի ռազմական գործողությունները առանց օրենսդիրների համաձայնության:

Ներկայացուցիչների պալատը չի սատարել այն բանաձևը, որը պարտավորեցնում էր վարչակազմին ձեռնպահ մնալ Իրանի դեմ ուժի կիրառումից առանց Կոնգրեսի արտոնման: Սենատը նույնպես հրաժարվել է սահմանափակել նախագահի լիազորություններն այս հարցում:

ԱՄՆ նախագահ Դոնալդ Թրամփը հայտարարել է, որ մտադիր չէ դիմել Կոնգրեսին՝ Իրանի դեմ ռազմական գործողությունը շարունակելու թույլտվություն ստանալու համար «Ռազմական լիազորությունների մասին» օրենքով նախատեսված 60-օրյա ժամկետի լրանալուց հետո:

Ամերիկացի առաջնորդը Սպիտակ տան մոտ լրագրողներին ասել է, որ համապատասխան պահանջը համարում է հակասահմանադրական: Ըստ նրա՝ նմանատիպ դիրքորոշում են ունեցել նաև իր նախորդներից շատերը, ովքեր, ինչպես պնդում է Թրամփը, նույնպես դուրս են եկել օրենքով սահմանված ժամկետի սահմաններից:

1973 թվականին ԱՄՆ-ում ընդունված «Ռազմական լիազորությունների մասին» օրենքը թույլ է տալիս նախագահին առանց Կոնգրեսի հավանության երկրից դուրս զինված ուժեր կիրառել 60 օրվա ընթացքում:

Իրանի դեմ գործողության դեպքում այդ ժամկետը լրանում է մայիսի 1-ին: Ավելի վաղ Time պարբերականը հայտնել էր, որ Կոնգրեսի դեմոկրատները դիտարկում են Թրամփի դեմ դատական հայց ներկայացնելու հնարավորությունը, եթե նա շարունակի ռազմական գործողությունները առանց օրենսդիրների համաձայնության:

Ներկայացուցիչների պալատը չի սատարել այն բանաձևը, որը պարտավորեցնում էր վարչակազմին ձեռնպահ մնալ Իրանի դեմ ուժի կիրառումից առանց Կոնգրեսի արտոնման: Սենատը նույնպես հրաժարվել է սահմանափակել նախագահի լիազորություններն այս հարցում:

Մայիսը Հայաստանի Հանրապետության ամենախոնավ ամիսն է, միջին ամսական տեղումների քանակը 89 մմ է, միջին ամսական ջերմաստիճանը +9,8°C: Այդ մասին տեղեկանում ենք ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի Ֆեյսբուքի գրառումից:

«1935 թվականից իրականցվող դիտարկումների տվյալների համաձայն՝ ամենատաք մայիսը դիտվել է 2021 թվականին, օդի միջին ամսական ջերմաստիճանը կազմել է 12․5 °C, իսկ ամենացուրտը՝ 1956 թվականին՝ 7․1 °C միջին ամսական ջերմաստիճանով։

Ամենախոնավ մայիսը դիտվել է 1936 թվականին, տեղումների քանակը կազմել է 186․6 մմ, իսկ ամենաչորը՝ 1989 թվականին՝ 39․5 մմ տեղումների քանակով»,- գրել է նա։