Արաբական Միացյալ Էմիրությունների օդային տարածքում սահմանափակումները վերացվել են։
Այս մասին ասվում է ԱՄԷ քաղաքացիական ավիացիայի գլխավոր վարչության հայտարարության մեջ։
«Քաղաքացիական ավիացիայի գլխավոր վարչությունը հայտարարում է Արաբական Միացյալ Էմիրությունների օդային տարածքում օդային երթևեկության նորմալ վիճակի վերականգնման և ժամանակավորապես սահմանված նախազգուշական միջոցառումների վերացման մասին», – ասվում է հայտարարության մեջ։
Ինչպես հայտնել ենք ավելի վաղ, մայիսի 4-ին Երևանը կհյուրընկալի Եվրոպական քաղաքական համայնքի գագաթնաժողովը։
Գագաթնաժողովից առաջ Մեծ Բրիտանիայի դեսպանատան ներկայացուցիչ Մեթյու Բեյքնը խոսել է այն մասին, թե ինչու է այս հանդիպումը կարևոր Միացյալ Թագավորության, Հայաստանի, Եվրոպայի և տարածաշրջանային համագործակցության համար։
«Սա կարևոր իրադարձություն է Հայաստանի համար։ Եվրոպական երկրների առաջնորդները կհավաքվեն այստեղ՝ խոսելու անվտանգության, համագործակցության և ապագայի մասին»,- ասել է նա։
Ինչպես հայտնել ենք ավելի վաղ, մայիսի 4-ին Երևանը կհյուրընկալի Եվրոպական քաղաքական համայնքի գագաթնաժողովը։
Գագաթնաժողովից առաջ Մեծ Բրիտանիայի դեսպանատան ներկայացուցիչ Մեթյու Բեյքնը խոսել է այն մասին, թե ինչու է այս հանդիպումը կարևոր Միացյալ Թագավորության, Հայաստանի, Եվրոպայի և տարածաշրջանային համագործակցության համար։
«Սա կարևոր իրադարձություն է Հայաստանի համար։ Եվրոպական երկրների առաջնորդները կհավաքվեն այստեղ՝ խոսելու անվտանգության, համագործակցության և ապագայի մասին»,- ասել է նա։
Եվրոպական քաղաքական համայնքի (EPC) 8-րդ գագաթնաժողովին մասնակցելու նպատակով Հայաստան է ժամանել Անդորրայի վարչապետ Խավիեր Էսպոտ Զամորան:
Կառավարությունից հայտնում են՝ «Զվարթնոց» միջազգային օդանավակայանում նրան դիմավորել է ՀՀ փոխվարչապետ Տիգրան Խաչատրյանը:
Հեռուստահաղորդավար Պետրոս Ղազարյանը իր ֆեյսբուքյան էջում գրել է․
Արամ Աբրահամյանի մոլորակը
Հայաստանում բռնապետություն է։Իրեն օրը մի քանի անգամ սպանում են,կեղեքում,ծեծում են ,կտտանքների ենթարկում ,աքսորում են Սիբիր ,հետո բանտ։
Սրանց արանքներում հասցնում ա օրը մի քանի ստատուս գրի`որտեղ պատմում է թե ինչպիսի բռնապետություն է այսօր Հայաստանում,ինչպես են սպանում ,կեղեքում և ստալինյան ոգով աքսորում Սիբիր։
Իր Առավոտում վաղուց միայն ընդդիմադիր ա կանչում, որպեսզի վերջիններս պատմեն թե ինչպիսի բռնապետություն է Հայաստանում,ոնց են կեղեքում ,կտտում, տանջում և սպառնում ընդդիմադիրներին։
Ստեղ երկու տարբերակ կա
Կամ նա ատում ա իշխանություններին ,իսկ ատելությունը կարա բթացնի ցանկացած մարդու
Կամ Տաշիր տեղափոխվելուց հետո անձնագիրը ձեռքից վերցրել են։
Կամ երկուսը միասին։
Աշխարհի տարբեր անկյուններից ստացված ավելի քան 500 հայտերի մանրակրկիտ ուսումնասիրությունից հետո, որոնցից յուրաքանչյուրն իր մեջ կրում էր նվիրում, գաղափարներ և նպատակ, մենք ընտրել ենք շուրջ 20 երիտասարդ առաջնորդների՝ միանալու «Yerevan Dialogue Young Fellows 2026» ծրագրին, հայտնում են ԱԳ նախարարությունից։
«Այս ընտրությունը հեշտ չէր: Ձեր պատմություններից շատերով խորապես տպավորված ենք։
Մեր նոր ընտրված մասնակիցներին բարի գալուստ ենք մաղթում։ Սպասում ենք ձեզ տեսնել Հայաստանում։
Իսկ բոլոր դիմորդներին՝ շնորհակալություն մասնակցության, ձեր ուղին մեզ հետ կիսելու և ձեր պատմությունները մեզ վստահելու համար։
Մնացե՛ք մեզ հետ՝ շուտով կկիսվենք նոր մանրամասներով»,-նշվում է հաղորդագրության մեջ:
Մայիսի 2-ին, ժամը 17:01-ին ՆԳՆ Կոտայքի մարզային օպերատիվ կառավարման կենտրոն ահազանգ է ստացվել, որ քաղաքացին Գեղաշեն գյուղի սարերում սունկ հավաքելու ընթացքում մոլորվել է․ անհրաժեշտ է փրկարարների օգնությունը։
ՆԳՆ-ից հայտնում են՝ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
Փրկարարները հայտնաբերել են քաղաքացուն և իջեցրել անվտանգ վայր։
Սիրելի՛ ժողովուրդ, առաջիկա օրերին խոշոր իրադարձություններ են սպասվում ՀՀ-ում: Վաղը տեղի է ունենալու Եվրոպական քաղաքական համայնքի 8-րդ գագաթնաժողովը, և երեկվանից հյուրերը ժամանում են: Մի քանի տասնյակ երկրների ղեկավարներ են լինելու ՀՀ-ում: Այս մասին Ֆեյսբուքի իր էջում հայտնել է ՀՀ վարչապետ Նիկոլ Փաշինյանը՝ հրապարակելով տեսանյութ:
Վարչապետը տեղեկացրել է՝ հաջորդ օրը տեղի է ունենալու Ֆրանսիայի Հանրապետության նախագահ Էմանուել Մակրոնի պետական այցը Հայաստանի Հանրապետություն:
«Ինչպես արդեն տեղյակ եք, մենք նախագահ Մակրոնի հետ նաև այցելելու ենք Գյումրի, որտեղ Վարդանանց հրապարակում ժամը 18.00-ից տեղի է ունենալու համերգ ֆրանսիացի և հայ աստղերի մասնակցությամբ»,- հայտնել է նա:
Փաշինյանը տեղեկացրել է՝ տեղի է ունենալու նաև Հայաստան-ԵՄ առաջին գագաթնաժողովը, և ճանապարհների փակ լինելն ու անվտանգության միջոցառումները քաղաքացիներին անհարմարություններ են պատճառելու:
Հենց այդ պատճառով, ըստ վարչապետի, մայիսի 4-ը՝ երկուշաբի օրը, հայտարարվել է ոչ աշխատանքային օր:
Մանրամասները՝ տեսանյութում:
Մարդու իրավունքների պաշտպան Անահիտ Մանասյանն ուղերձ է հղել Մամուլի ազատության համաշխարհային օրվա առթիվ:
Ուղերձում ասվում է.
«Զանգվածային լրատվության միջոցների հարգելի՛ ներկայացուցիչներ,
Ջերմորեն շնորհավորում եմ ձեզ մասնագիտական տոնի՝ Մամուլի ազատության համաշխարհային օրվա առթիվ։
Այս օրը ևս մեկ կարևոր առիթ է վերահաստատելու լրատվամիջոցների առանցքային դերը ժողովրդավարության ամրապնդման և իրավունքի գերակայության ապահովման գործում։ Ազատ, անկախ և բազմակարծիք մեդիան մարդու հիմնարար իրավունքների պաշտպանության կարևորագույն երաշխիքներից մեկն է։
Մարդու իրավունքների պաշտպանի 2025 թվականի տարեկան հաղորդման շրջանակներում հատուկ ընդգծել եմ լրատվամիջոցների ներկայացուցիչների անխոչընդոտ գործունեության կարևորությունը՝ որպես խոսքի ազատության լիարժեք իրացման հիմնասյուն։
Այդ համատեքստում մտահոգիչ եմ համարում լրագրողների թիրախավորման և նրանց մասնագիտական գործունեությունը խոչընդոտելու դեպքերի առկայությունը։ Ընդգծում եմ, որ պետությունը պետք է ձեռնարկի հստակ և նպատակային քայլեր՝ լրատվամիջոցների բնականոն գործունեության համար բարենպաստ միջավայրի և լրագրողների անվտանգության լիարժեք ապահովման ուղղությամբ։
Մասնավորապես, անհրաժեշտ է մշակել և գործադրել այնպիսի կառուցակարգեր, որոնք կերաշխավորեն լրատվամիջոցների ազատ և անվտանգ գործունեությունը, ինչպես նաև կկանխարգելեն լրագրողների իրավունքների խախտումները և կապահովեն պատասխանատվության անխուսափելիությունը նման դեպքերում։
Միաժամանակ հարկ եմ համարում ընդգծել, որ լրագրողական մասնագիտական գործունեությունը պետք է իրականացվի մասնագիտական բարձր էթիկական չափանիշներին և պատասխանատու լրագրության սկզբունքներին համահունչ՝ բացառելով ատելության խոսքն ու խտրականությունն իր բոլոր դրսևորումներով։
Զանգվածային լրատվության միջոցների հարգելի’ ներկայացուցիչներ,
Որպես Հայաստանի Հանրապետության մարդու իրավունքների պաշտպան՝ վերահաստատում եմ իմ հանձնառությունը՝ անելու առավելագույնը ձեր ազատ և անխոչընդոտ աշխատանքի պաշտպանությունն ապահովելու համար։
Կրկին շնորհավորում եմ ձեզ և մաղթում արդյունավետ, ստեղծագործ և արգասաբեր գործունեություն՝ ի նպաստ ժողովրդավարական արժեքների ամրապնդման և մարդու իրավունքների պաշտպանության»։
Մայիսի 3-ին՝ ժամը 03։38-ին, ՆԳՆ 112 օպերատիվ կառավարման կենտրոն ահազանգ է ստացվել, որ հրդեհ է բռնկվել Երևան քաղաքի Կուրղինյան փողոցի շենքերից մեկում։ Այդ մասին հայտնում է ՆԳՆ փրկարար ծառայությունը:
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի ու Հոգեբանական աջակցության և բժշկական ապահովման վարչության հերթապահ խմբերը։
Պարզվել է, որ հրդեհը բռնկվել է 6-րդ հարկի բնակարաններից մեկում։
Հրդեհը մեկուսացվել է ժամը 04։29-ին, մարվել՝ 04։40-ին։ Այրվել են հյուրասենյակը, խոհանոցը, միջանցքը և պատշգամբը՝ գույքով, ջերմահարվել՝ 2 սենյակները։
Ջերմահարվել են նաև 7-րդ հարկի բնակարաններից մեկի պատուհանների շրջանակաները։
Հրշեջ-փրկարարները տարհանել են 20 քաղաքացու, որոնցից 4-ը հոսպիտալացվել է։
Հրդեհի հետևանքով թափված բեկորներից վնասվել է շենքի մոտ կայանած Nissan մակնիշի ավտոմեքենան։ Հրշեջ-փրկարարների օպերատիվ գործողությունների արդյունքում հրդեհի տարածումը կանխվել է։