Category: Hraparak

Կիրակի օրը տեղի կունենան համապետական ընտրությունները: Քաղաքական 18 ուժ է մասնակցում այս ընտրություններին: Նրանց մի մասը ներկայացրել է քաղաքական ծրագիր, մյուս մասը` չի ներկայացրել, սակայն անհավանական թվացող խոստումներ տալիս են անխտիր բոլորը: Հայաստանում, ինչպես գրեթե բոլոր հետխորհրդային երկրներում կոռուպցիան և կոռուպցիայի դեմ պայքարը շարունակում են մնալ օրակարգային հարցերի թվում: Առաջներում հեղափոխական Նիկոլ Փաշինյանը խոստանում էր պայքարել արատավոր բարքերի, այդ թվում կոռուպցիայի դեմ, սակայն իշխանության գալուց հետո պարզվեց ուղղակի կոռուպցիան այլ դրսեւորումներ է ստանում՝ հիմա պետական բյուջեն են անխնա ծախսում, անարդյունավետ ծախսեր են անում, իրենց հետ փոխկապակցված ընկերություններ են տենդերները շահում, կամ մերձավորներին են բարձր պաշտոններ տալիս, ՔՊ-ին հետ կապված հիմնադրամներին են ստիպում, որ օլիգարխները մուծվեն եւ այս ամենը տեղավորվում է կոռուպցիայի ձեւակերպումների տակ։ Ընտրություններին մասնակցող 8 քաղաքական ուժ իրենց նախընտրական ծրագրերում ընտրողներին խոստանում են պայքարել կոռուպցիայի դեմ: Ներկայացնում ենք թե որ ուժերն են դրանք և ինչպես են պայքարելու կոռուպցիայի դեմ.

«Ուժեղ Հայաստան» դաշինք (N 3)

Ծրագիրը (էջեր 50, 56, 58-62) նախատեսում է պետական և տեղական ինքնակառավարման մարմինների գործունեության թափանցիկության և հաշվետվողականության բարձրացում։ Ծրագրում նաև ընդգրկված են դատական իշխանության բարեփոխման վերաբերյալ առաջարկներ, որոնք նպատակ ունեն ապահովել դատարանների անկախությունը, արդյունավետությունը և արդարադատության նկատմամբ հանրային վստահության բարձրացումը։ Ապօրինի ծագում ունեցող գույքի վերադարձի վերաբերյալ դրույթներ նախատեսված չեն։

«Միասնության թևեր» կուսակցություն (N 6)

Ծրագրում (էջեր 8-9, 21, 33) շեշտադրվում են պետական կառավարման բարելավումը, օրինականության ամրապնդումը և կոռուպցիայի դեմ պայքարը։ Նշվում է, որ Հայաստանը պետք է ունենա իրական հակակոռուպցիոն համակարգ, որի հիմքում կլինեն թվային տեխնոլոգիաների վրա հիմնված ընթացակարգեր և ինստիտուտներ, ինչպես նաև հանրային արդյունավետ վերահսկողություն։ Կուսակցությունը նախատեսում է պետական գնումների համակարգում ներդնել թվային դրամի կիրառություն, ինչը ներկայացվում է որպես գործարքների թափանցիկության և հետագծելիության բարձրացման միջոց։ Ծրագրում նաև շեշտադրվում է հանրային կառավարման համակարգի բարեփոխումը և դատական իշխանության իրական անկախության ապահովումը, որոնք դիտարկվում են որպես կոռուպցիայի կանխարգելման հիմնարար նախապայմաններ։ Ապօրինի ծագում ունեցող գույքի վերադարձի վերաբերյալ առանձին և հստակ դրույթներ ծրագրում նախատեսված չեն։

«Ազգային-ժողովրդավարական բևեռ» համահայկական կուսակցություն (N 8)

Ծրագիրը (էջեր 2, 5) հակակոռուպցիոն քաղաքականության համատեքստում նախատեսում է համապարփակ անցումային արդարադատության իրականացում՝ հիմնված իրավաքաղաքական գնահատականի և պատասխանատվության սկզբունքների վրա։ Որպես հիմնական գործիքներ նշվում են ժամանակավոր դատական մարմինների ձևավորումը, լյուստրացիայի իրականացումը, ինչպես նաև պատերազմի և վերջին իրադարձությունների համապարփակ քննությունը։ Միաժամանակ ծրագրում հստակեցված չեն անցումային արդարադատության շրջանակները, թիրախային խմբերը, կիրառվելիք ընթացակարգերը։ Ապօրինի ծագում ունեցող գույքի վերադարձի վերաբերյալ ծրագրում առանձին դրույթ նշված չէ։

«Հայ ազգային կոնգրես» կուսակցություն (N 10)

Ծրագրում (էջեր 13-14) շեշտադրվում է, որ կոռուպցիայի դեմ պայքարը պետք է իրականացվի ոչ միայն պատժիչ միջոցներով, այլև կոռուպցիայի առաջացման նախադրյալների և պետական կառավարման համակարգային թերությունների վերացման միջոցով։ Այս նպատակով առաջարկվում են մի շարք կոնկրետ գործիքներ՝ քաղաքացի–պաշտոնյա անմիջական շփման նվազեցում, ապանձնավորված որոշումների կայացման մեխանիզմների ներդրում, ալգորիթմների և ավտոմատացված ընթացակարգերի կիրառում, «ինքնաշխատ դրական պատասխանի» սկզբունքի ներդրում, ավելորդ կարգավորումների վերացում և պետական ծառայության մեջ մերիտոկրատիկ նշանակումների ապահովում։ Ծրագիրը նախատեսում է, որ կոռուպցիայի դեմ արդյունավետ պայքարի շրջանակում կառավարությունը կհամագործակցի քաղաքացիական հասարակության կազմակերպությունների և զանգվածային լրատվամիջոցների հետ: Ապօրինի ծագում ունեցող գույքի վերադարձի վերաբերյալ ծրագրում առանձին դրույթներ նախատեսված չեն։

«Հանրապետություն» կուսակցություն (N 11)

Ծրագրում (էջեր 2, 3) հակակոռուպցիոն բաղադրիչն ուղղակիորեն և առանձին բաժնով ներկայացված չէ։ Միաժամանակ, արդարադատության ոլորտում նախատեսվում են մի շարք բարեփոխումներ, այդ թվում՝ դատական համակարգում երդվյալ ատենակալների ինստիտուտի ներդրում, դատավորների և նրանց աշխատակազմերի թվի ավելացում, ինչպես նաև արդարադատություն իրականացնող մարմինների գործունեության նկատմամբ վերահսկողության ուժեղացում, որոնք կարող են անուղղակիորեն նպաստել կոռուպցիոն ռիսկերի նվազեցմանը, պետական կառավարման հաշվետվողականության բարձրացմանը և արդարադատության համակարգի արդյունավետության ամրապնդմանը։ Ապօրինի ծագում ունեցող գույքի վերադարձի վերաբերյալ առանձին և հստակ դրույթներ ծրագրում նախատեսված չեն։

«Ժողովրդավարական համախմբում» կուսակցություն (N 14)

Ծրագրում (էջ 12) հակակոռուպցիոն բաղադրիչն ուղղակիորեն առանձնացված չէ, սակայն ներառված են մի շարք համակարգային դրույթներ, որոնք կարող են էականորեն նպաստել կոռուպցիոն ռիսկերի նվազեցմանը և պետական կառավարման արդյունավետության բարձրացմանը։ Մասնավորապես, ծրագիրը նախատեսում է բյուրոկրատական համակարգում մերիտոկրատական սկզբունքների ներդրում և պետական ապարատի ապակուսակցականացում։ Ապօրինի ծագում ունեցող գույքի վերադարձի վերաբերյալ առանձին դրույթներ նախատեսված չեն։

«Դեմոկրատիա Օրենք Կարգապահություն» կուսակցություն (N 15)

Ծրագրում (էջեր 2, 3, 5-15 ) շեշտադրվում են պետական կառավարման թափանցիկության բարձրացումը, պետական ռեսուրսների օգտագործման նկատմամբ վերահսկողության ուժեղացումը, դատական և իրավապահ համակարգերի բարեփոխումները, ինչպես նաև կոռուպցիոն վարքագծի կանխարգելումը։ Նշվում է, որ Եվրոպական միության հետ համագործակցության շրջանակում առաջնահերթ նշանակություն ունեն հակակոռուպցիոն ինստիտուտների զարգացումը, իրավական պետության ամրապնդումը և անկախ դատական համակարգի կայացումը։ Ապօրինի ծագում ունեցող գույքի վերադարձի վերաբերյալ ծրագրում առանձին և հստակ դրույթներ նախատեսված չեն։

«Քաղաքացիական պայմանագիր» կուսակցություն (N 16)

Ծրագրում (էջ 23) նախատեսվում է շարունակել հակակոռուպցիոն ռազմավարության իրականացումը, զարգացնել պետական պաշտոնյաների բարեվարքության գնահատման համակարգը, կատարելագործել հայտարարագրման մեխանիզմները, բարձրացնել հանրային գնումների թափանցիկությունը, խորացնել պետական ֆինանսների թվայնացումը և ուժեղացնել հակակոռուպցիոն ինստիտուտների կարողությունները։ Ծրագրում նաև նախատեսվում է շարունակել ապօրինի ծագում ունեցող գույքի բռնագանձման գործընթացը։

Ազգային ժողովի հերթական ընտրությունների ընթացքում ընտրական գործընթացի օրինականության, թափանցիկության և հասարակական կարգի ապահովման նպատակով ՆԳՆ ստորաբաժանումները կիրականացնեն շուրջօրյա ծառայություն։

Ընտրական գործընթացի ընթացքում ենթադրյալ իրավախախտումների, ընտրական իրավունքի, հասարակական կարգի խախտման դեպքերի, ինչպես նաև ընտրություններին առնչվող այլ տեղեկությունների վերաբերյալ ահազանգերի և հաղորդումների սպասարկումն ապահովելու նպատակով ՆԳՆ 112 օպերատիվ կառավարման կենտրոնում հունիսի 6-ին և 7-ին կգործի 87-67 թեժ գծի հեռախոսահամարը, կապահովվի նաև օտարալեզու սպասարկում։

Միաժամանակ, ընտրողների ցուցակների, ընտրական իրավունքի և դրա իրացման ձևերի վերաբերյալ խորհրդատվություն ստանալու համար քաղաքացիները կարող են զանգահարել 84-22 հեռախոսահամարին։
Ստացված բոլոր ահազանգերն ու հաղորդումները կքննարկվեն օրենքով սահմանված կարգով, իսկ անհրաժեշտության դեպքում կձեռնարկվեն համապատասխան միջոցառումներ։

Ալբանիայի վարչապետ Էդի Ռաման մեկնաբանել է Դոնալդ Թրամփի փեսայի՝ Ջարեդ Քուշների հետ կապված ընկերության կողմից հանգստավայրերի զարգացման գործարքի դեմ բողոքի ցույցերը։

«Սա ներկայացվում է որպես Ալբանիայի դեմ հիբրիդային պատերազմի մի մաս… Տարածվում են կեղծ պատմություններ, օրինակ՝ որ այս նախագիծը մտահղացվել է իմ և Նեթանյահուի կողմից Ջարեդ Քուշների միջոցով՝ պաղեստինցիների վերաբնակեցման համար», – ասել է Ռաման։

Այնուհետև վարչապետը հեգնանքով հավելել է. «Գուցե դեռ չեք լսել, որ ես երեխաներ եմ ուտում։ Այս լուրը դեռ ձեզ չի հասել, բայց ես ուզում եմ ձեզ նաև սա ասել»։

Reuters-ի տվյալներով՝ հազարավոր ալբանացիներ դուրս են եկել Տիրանայի փողոցներ՝ բողոքելու Ադրիատիկ ծովափի էկոլոգիապես զգայուն տարածքում շինարարական նախագծի դեմ։ Նախագիծը մշակվում է Ջարեդ Քուշների հետ կապված ընկերության կողմից։

Ալբանիայի վարչապետ Էդի Ռաման մեկնաբանել է Դոնալդ Թրամփի փեսայի՝ Ջարեդ Քուշների հետ կապված ընկերության կողմից հանգստավայրերի զարգացման գործարքի դեմ բողոքի ցույցերը։

«Սա ներկայացվում է որպես Ալբանիայի դեմ հիբրիդային պատերազմի մի մաս… Տարածվում են կեղծ պատմություններ, օրինակ՝ որ այս նախագիծը մտահղացվել է իմ և Նեթանյահուի կողմից Ջարեդ Քուշների միջոցով՝ պաղեստինցիների վերաբնակեցման համար», – ասել է Ռաման։

Այնուհետև վարչապետը հեգնանքով հավելել է. «Գուցե դեռ չեք լսել, որ ես երեխաներ եմ ուտում։ Այս լուրը դեռ ձեզ չի հասել, բայց ես ուզում եմ ձեզ նաև սա ասել»։

Reuters-ի տվյալներով՝ հազարավոր ալբանացիներ դուրս են եկել Տիրանայի փողոցներ՝ բողոքելու Ադրիատիկ ծովափի էկոլոգիապես զգայուն տարածքում շինարարական նախագծի դեմ։ Նախագիծը մշակվում է Ջարեդ Քուշների հետ կապված ընկերության կողմից։

Հունիսի 5-ի վաղ առավոտյան Ազովի ծովում հարձակման են ենթարկվել Թուրքիայից դեպի Դոնի Ռոստով նավահանգիստ ուղևորվող «Նատրա» և «Ցիրկոն» նավերը, որոնք նավարկում էին համապատասխանաբար Բելիզի և Պալաուի դրոշներով։ Այս մասին Ռուսաստանի արտաքին գործերի նախարարության մամուլՄարիա Զախարովան։

Դիվանագետը նշել է, որ ռուսական կոմպետենտ մարմիններից ստացված տեղեկատվության համաձայն՝ երկու նավերի վրա էլ կան զոհեր և վիրավորներ, այդ թվում՝ Ադրբեջանի քաղաքացիներ։ «Վիրավոր նավաստիներին օգնություն են ցուցաբերել տարածքով անցնող ռուսական նավը և Ռուսաստանի ԱԴԾ սահմանապահ ջոկատը, – ընդգծել է Զախարովան, – Միջադեպի հանգամանքները քննվում են:

Հասանելի տեղեկատվության համաձայն՝ նավերը հարձակման են ենթարկվել ուկրաինական անօդաչու թռչող սարքերի կողմից»։ Ուկրաինայի զինված ուժերի անօդաչու համակարգերի ուժերի հրամանատար Ռոբերտ Բրովդին («Մադյար») հաստատել է հունիսի 5-ին Ազովի ծովում նավերի վրա հարվածները։ Նա նշել է, որ Ուկրաինայի զինված ուժերը հարվածել են Ազովի ծովի հյուսիսային ափի նավահանգիստներում գտնվող բեռնատար նավերին։ Անդրադառնալով միջադեպին, ՌԴ ԱԳՆ փոխնախարար Միխայիլ Գալուզինը նույնպես պնդել է, թե կատարվածը ուկրաինական կողմի մեղքով է։ Ավելի վաղ գրել ենք, որ Ազովի ծովի Տագանրոգի ծոցում անօդաչու թռչող սարքերով հարձակման է ենթարկվել երկու բեռնատար նավ, որի եղել են Ադրբեջանի 25 քաղաքացի։ Նավաստիներից 5-ը մահացել են, վիրավորվել՝ երեքը։

Սիրելի՛ հայրենակից,
Հունիսի 7-ին գնա՛ ընտրության։
Քո ձայնից է կախված՝ ինչպիսի Հայաստանում ենք արթնանալու հունիսի 8-ին։
Գիտեմ, համարում ես, որ քեզ խաբել ու խաբում են։
Գիտեմ, որ հիասթափված ես, բայց խնդրում եմ, կատարես քո վճռորոշ քայլը, մասնակցես ընտրության՝ ունենաս քո անփոխարինելի ներդրումը։ Ներդրում, որը բերելու է փոփոխություններ։
2018-ին քեզ խոստացել էին երջանիկ Հայաստան, սեր և համերաշխություն․ բերեցին պառակտում, զոհեր և արցունքներ։
2021-ին քեզ խոստացել էին ազատագրված Արցախ, այսօր հրաժարվել են Արցախից ամբողջությամբ՝ կոտրելով նաև Հայաստանի ողնաշարը։
Այսօր քեզ խոստանում են ինքնիշխան Հայաստան, նույնկերպ ստելու և հրաժարվելու են նաև Հայաստանից։
Սիրելի՛ հայրենակից, Խնդրու՛մ եմ, հունիսի 7-ին մասնակցի՛ր ընտրության․ մերժի՛ր սուտը, թույլ մի՛ տուր հիմա էլ ոչնչացնեն Հայաստանն ու Հայաստանի ինքնիշխանությունը։
‼️Գնա՛ ընտրության, որ չկարողանան շարունակել խաբել։ Գնա՛, որ հուսահատ Հայաստանին փոխարինի հույսով լի Հայատանը, խեղճացած Հայաստանին փոխարինի հզոր Հայաստանը, անհավատ Հայաստանին փոխարինի հավատով լի Հայաստանը, թույլ Հայաստանին փոխարինի ուժեղ Հայաստանը։
‼️Գնա՛ ընտրության, որ արժանապատվությունը չլինի հակադրություն բարեկեցությանը։
‼️Գնա՛, որ ապրենք։ Ապրենք մեր Հայաստանում, ապրենք անվտանգ, բարեկեցիկ և արժանապատիվ։
Հունիսի 7-ին հենց քո՛ ձայնն է որոշիչ լինելու։
✅Քվեաթերթիկ համար 3։
Գնա՛, որ ունենանք ուժեղ Հայաստան։
Աստված պահապան բոլորիս,
Աստված պահապան Հայաստանի Հանրապետությանը

Նաիրի Սարգսյանի էջից

18 քաղաքական ուժերից 7-ն իրենց նախընտրական ծրագրերում ընտրողներին խոստանում են որոշումների ընդունման գործընթացում հանրային մասնակցությունն ապահովվել և ականջալուր լինել թե հանրային կարծիքին: Մենք առանձնացրել ենք այդ խոստումները․

«Ուժեղ Հայաստան» դաշինք (N 3)

Ծրագիրը (էջ 50, 56) պարունակում է թափանցիկության և հաշվետվողականության բարձրացման հանձնառություններ։ Սակայն հանրային մասնակցության բաղադրիչը ծրագրում արտահայտված է հիմնականում անուղղակիորեն՝ թափանցիկության և հաշվետվողականության սկզբունքների միջոցով, առանց ներկայացնելու քաղաքացիների կամ քաղաքացիական հասարակության կազմակերպությունների որոշումների կայացման գործընթացներում ներգրավման կոնկրետ ինստիտուցիոնալ մեխանիզմներ։

«Միասնության թևեր» կուսակցություն (N 6)

Ծրագրում (էջ 8, 45) նախատեսվում է պետական կառավարման ոլորտում ապահովել հանրային լայն մասնակցություն, իսկ հանքարդյունաբերության ոլորտում՝ ներդնել խիստ բնապահպանական ստանդարտներ և հանրային վերահսկողություն։ Ծրագրով նաև առաջարկվում է ապահովել բաց կառավարում՝ սփյուռքի մասնակցությամբ, և ստեղծել ինստիտուցիոնալ հարթակներ, որոնց միջոցով սփյուռքի կառույցներն ու անհատները կմասնակցեն ռազմավարական ծրագրերի քննարկմանն ու իրականացմանը։

«Բարգավաճ Հայաստան» (N 7)

Ծրագրում (էջ 6) շեշտադրվում է ներքին համերաշխության, հասարակական համախմբման և քաղաքացիական ազատությունների պաշտպանության կարևորությունը։ Նախատեսվում է խթանել հանրային և քաղաքացիական համերաշխությունը, ամրապնդել ազատ կամարտահայտման և իրավունքների պաշտպանության երաշխիքները, ինչպես նաև ապահովել արդարադատության և իրավապաշտպանության ինստիտուտների գործունեությունը հանրային համերաշխության տրամաբանությամբ։ Միաժամանակ, ծրագիրը պարունակում է հանրային մասնակցության և քաղաքացիական դաշտի հնարավոր սահմանափակման տարրեր։ Մասնավորապես, ծրագիրը ներառում է մի դրույթ, ըստ որի՝ պետությունը պետք է կիրառի մտածված և համակարգված քայլեր՝ «ներքին թշնամությանն ու պառակտմանը ծառայող գործիքակազմի հայտնաբերման և չեզոքացման ուղղությամբ»։ Թեև այս ձևակերպումը ներկայացվում է ազգային համերաշխության և անվտանգության համատեքստում, այն կարող է լայն մեկնաբանության հնարավորություն ստեղծել և հանգեցնել քննադատական կամ այլախոհ դիրքորոշումներ արտահայտող խմբերի, լրատվամիջոցների կամ հասարակական կազմակերպությունների գործունեության սահմանափակման ռիսկերի։

«Հայ ազգային կոնգրես» (N 10)

Ծրագրում (էջ 14) նախատեսվում է կառավարության համագործակցություն քաղաքացիական հասարակության կազմակերպությունների և զանգվածային լրատվության միջոցների հետ՝ կոռուպցիայի դեմ պայքարի արդյունավետության բարձրացման նպատակով։ Սակայն քաղաքացիական հասարակության մասնակցությունը դիտարկվում է բացառապես հակակոռուպցիոն քաղաքականության համատեքստում, և ծրագրում չեն ներկայացվում որոշումների ընդունման գործընթացներում հանրային մասնակցության ապահովման ավելի լայն կամ ինստիտուցիոնալ մեխանիզմներ։

«Ժողովրդավարական համախմբում» (N 14)

Ծրագրում (էջ 16, 17) նախատեսվում է պետական իշխանության լեգիտիմության ապահովում հասարակության հետ շարունակական շփման միջոցով։ Միաժամանակ, ծրագիրը պարունակում է քաղաքացիական դաշտի հնարավոր նեղացման և հանրային մասնակցության սահմանափակման ռիսկեր։ Մասնավորապես, ծրագրում առաջարկվում է սահմանափակել այլ պետությունների կողմից ֆինանսավորվող և նրանց շահերը սպասարկող ուժերի գործունեությունը։

«Դեմոկրատիա Օրենք Կարգապահություն» (N 15)

Ծրագրում (էջ 14) նախատեսվում է քաղաքացիների ներգրավում ոստիկանության գործունեության վերահսկողության և գնահատման գործընթացներում՝ տարեկան բաց հաշվետվությունների, հանրային լսումների և քաղաքացիների գնահատման մեխանիզմների միջոցով։ Սակայն նշված մեխանիզմները վերաբերում են բացառապես ոստիկանության գործունեության հաշվետվողականությանն ու գնահատմանը, և ծրագրում չեն ներկայացվում քաղաքացիների կամ քաղաքացիական հասարակության մասնակցության ապահովման ավելի լայն կամ ինստիտուցիոնալ մեխանիզմներ։

«Քաղաքացիական պայմանագիր» (N 16)

Ծրագրում (էջ 3, 14) կարևորվում է քաղաքացիական հասարակության և գործարար համայնքի դերակատարությունը խաղաղության գործընթացներում, սակայն քաղաքացիական հասարակության ուղղակի ներգրավման կամ հանրային վերահսկողության առանձին մեխանիզմներ չի նախատեսվում։ Միաժամանակ, ծրագրում ներառված է Հայ Առաքելական եկեղեցու «բարենորոգման» պետական օրակարգի վերաբերյալ դրույթ։ Քանի որ կրոնական կազմակերպությունների ներքին կառավարման հարցերին պետական միջամտությունը կարող է առաջացնել սահմանադրական և մարդու իրավունքների հետ կապված հարցեր, այս դրույթը կարող է դիտարկվել որպես հասարակական ինքնակազմակերպման և ինստիտուցիոնալ ինքնավարության սահմանափակման ռիսկ պարունակող մոտեցում։

Ամփոփիչ հանրահավաքի ընթացքում ՀՀ երկրորդ նախագահ Ռոբերտ Քոչարյանը կոշտ քննադատությամբ է հանդես եկել գործող իշխանության հասցեին՝ նշելով, որ նախընտրական խոստումները չեն համապատասխանել իրականությանը։ Նրա խոսքով՝ ժողովրդավարության և կոռուպցիայի դեմ պայքարի մասին հայտարարությունների փոխարեն երկրում ձևավորվել է հակառակ պատկերը։

Քոչարյանը նաև անդրադարձել է Հայաստանի արտաքին քաղաքական կողմնորոշմանը՝ ընդգծելով, որ գերտերությունների միջև հակասությունների վրա խաղալը վտանգավոր է, քանի որ դրա հետևանքները կրում է հասարակությունը։ Նրա գնահատմամբ՝ առավել արդյունավետ է «և, և» մոտեցումը, քան «կամ, կամ» ընտրությունը։

Նա խոսել է նաև տնտեսական հնարավորությունների մասին՝ նշելով, որ քաղաքացիները պետք է կարողանան եկամուտ ստանալ ԵԱՏՄ շուկայից և այդ միջոցները ծախսել Հայաստանում՝ խթանելով ներքին տնտեսությունը։

Ելույթի ավարտին Քոչարյանը վստահություն է հայտնել, որ ներկա խնդիրների լուծումը հնարավոր է կարճ ժամանակում՝ իր գնահատմամբ՝ արագ և արդյունավետ քայլերով։

«Նիկոլի կողմից ստեղծված պրոբլեմը ես ի վիճակի եմ լուծել մեկ օրում»,- ասել է նա: