Category: Hraparak

Ահազանգ. Վանաձորի 23/58 ընտրատեղամասում ոստիկանը քվեարկելուց հետո իր հետ դուրս է բերել քվեաթերթիկներ։ Դեպքը հանձնաժողովի կողմից արձանագրվել է։

Էս քարոզարշավի ժամանակ մի հետաքրքիր պատմություն պատմեցին։

Չգիտեմ՝ որ ընտրությունների ժամանակ, բայց որոշել են ընտրողներին հիմարացնել։ Գնացել են կարի խանութ, սև մեծ կոճակներ են առել կիլոյով ու մարդկանց համոզել, թե դրանց մեջ տեսախցիկ կա։ Կոճակները կարել են հագուստների վրա և ասել, որ դրանց միջոցով հնարավոր է տեսնել, թե ով ում է քվեարկում։

Ասում են՝ նույնիսկ կազմակերպիչներից ոմանք վստահ չեն եղել, որ այդ պատմությանը որևէ մեկը կհավատա։ Բայց մարդիկ հավատացել են։ Ոմանք քվեարկության ժամանակ կոճակը պահել են քվեաթերթիկի վրա, փորձել են այնպես դիրքավորել, որ «տեսախցիկը» ավելի լավ տեսադաշտ ունենա։
Պարզվում է՝ հիմա էլ տեսագրող ակնոցներով են վախեցնում, տարածում են, թե ում վրա ակնոց կա նկարում է:

Ասածս ինչ է․ ամեն պատմության ու ամեն վախեցնելու փորձի մի հավատացեք։ Թե դուք ինչ եք անում քվեախցիկում, ոչ ոք չի կարող տեսնել։ Քվեարկությունը գաղտնի է, և դուք կարող եք հանգիստ քվեարկել նրան, ում ցանկանում եք։

Ամեն կոճակից պետք չէ վախենալ։

Զառա Մարգարյանի էջից

Հայ Ազգային կոնգրեսը տարածել է հայտարարություն ընտրական իրավունքի ոտնահարման և պետական մարմիններին հակասահմանադրական գործողությունների մեջ ներքաշելու փորձերի վերաբերյալ.

«2026թ․ հունիսի 6-ին, «Քաղաքացիական պայմանագիր» կուսակցության ղեկավար անդամներ Վահագն Ալեքսանյանը, Արսեն Թորոսյանը, ինչպես նաև «Անկախ դիտորդ» դիտորդական առաքելության ղեկավար Դանիել Իոանիսյանը, հանդես են եկել տեսաուղերձներով։ Դրանցում շինծու քրեական գործեր հարուցելու բացահայտ սպառնալիքներ են հնչում այս օրերին Հայաստանի Հանրապետություն վերադարձող և ընտրություններին մասնակցելու մտադրություն ունեցող մեր համաքաղաքացիների հասցեին։

Ավելին, հիշյալ անձինք բացահայտ հրահանգներ և ցուցումներ են տալիս իրավապահ մարմիններին՝ ժամանող քաղաքացիներին ձերբակալելու և նրանց վերադարձի նպատակները «պարզելու» համար։

Այս գործելաոճը ոչ այլ ինչ է, եթե ոչ պետական ու իրավապահ մարմիններին սահմանադրական կարգը տապալելուն ուղղված գործողությունների մեջ ներքաշելու բացահայտ փորձ՝ սեփական պաշտոնական դիրքի և կուսակցական պատկանելության չարաշահմամբ։ Սա մերհայրենակիցների դեմ ուղղված քաղաքական հետապնդման կոչ է, և կոպտագույն միջամտություն ՀՀ քաղաքացիների՝ Սահմանադրությամբ երաշխավորված ընտրական իրավունքին։

Գտնում ենք, որ իրավապահ մարմինները, եթե իսկապես ուսումնասիրության և քրեաիրավական գնահատական տալու առիթ ունեն, ապա դա հենց վերոնշյալ անձանց հակաօրինական հայտարարություններն ու գործողություններն են։ Պետական համակարգը չի՛ կարող ծառայել որպես ժողովրդի կամարտահայտումը խոչընդոտելուգործիք։ Իսկ եթե կան օրինախախտումներ, ապա դրանք պետք է բացահայտվեն համաձայն օրենքի, և ոչ թե դառնան օրենքով արգելված քարոզչության առիթ»։

10/1 ընտրատեղամասը տեղակայված դպրոցի տարածքում փակցված են իշխանական կուսակցության նախընտրական քարոզչական նյութեր, ինչը կոպիտ խախտում է ընտրական օրենսդրության պահանջները։

Միկա Բադալյանի էջից

POLO Ralph Lauren 3

Երեկ Կենտրոնական ընտրական հանձնաժողովը տարածեց մի հայտարարություն, որ թվում էր, թե ֆուլ զառանցանքն է։ Այսպիսով, Կենտրոնական ընտրական հանձնաժողովն արգելում է ընտրական գործընթացում ներգրավված քաղաքացիներին՝ հանձնաժողովի անդամներին, տեխնիկական սարքավորման մասնագետներին, վստահված անձանց, ԶԼՄ-ների ներկայացուցիչներին, դիտորդներին, հագնել հագուստ, որի վրա կլինի որեւէ թիվ, որը կասոցացվի ընտրություններին մասնակից որեւէ ուժի հետ։
Կարդում ես ու ասում ես՝ կակոյ բրեդ։ Չէ, բայց սա կակոյ բերդ չի։

Polo Ralph Lauren-ը ունի շատ հայտնի եւ շատ տարածված բլուզների եւ մայկաների շարք, որոնց վրա 3 համարն է։ Սա POLO-ի հայտի շարքն է եւ 3 թիվը բրենդն ասոցացնում է թիմի լավագույն խաղացողի հետ։
Ու հիմա սրանք, բոժե մոյ, վախեցած են նաեւ այդ մայկաներից ու ԿԸՀ-ն մի ահասրասուռ հայտարարություն է տարածում։

Բայց էդպես լավ չի, մեռաք դրսից եկող մեր հայրենակիցներին ահաբեկելով, որ կտանեք վարժանքների, կկալանավորեք, երկրից հետ չեք թողնի, էս երկար-բարակ ահաբեկումների փոխարեն ինքնաթիռը օդում խփեք՝ պրծեք։
Հա, մոռացա, մեկ էլ հայտարարություն տարածեք, որ արգելվում է ընտրական տեղամասում 3 անգամ իրար հետեւից փռշտալը։ Այ,16 անգամ փռշտալ կարելի է։
Լավ, ես գնացի քվեարկելու։

Նաիրա Զոհրաբյանի էջից