Category: Hraparak

Երեւանի քաղաքապետարանը հայտնում է, որ մայրաքաղաքում տրանսպորտային հոսքերի անցանելիությունն ավելացնելու նպատակով օգոստոսի 17-ից երթևեկության կազմակերպման փոփոխություն կկատարվի Սայաթ-Նովայի պողոտայում, մասնավորապես` Սայաթ-Նովա 12 հասցեին հարակից հասարակական տրանսպորտի կանգառի կետից մինչև Սայաթ-Նովայի պողոտա – Նալբանդյան փողոցի խաչմերուկ տրանսպորտային միջոցների կանգառը կարգելվի:

2018-ի գարնանային օրերին, երբ ժողովուրդը Սերժ էր մերժում, չէր պատկերացնում, թե ուր է հասցնելու այն: Չէինք պատկերացնում նույնիսկ մենք՝ ժողովրդի կրթված ու գրագետ հատվածը: Մեզ թվում էր, թե մենք ավելի խելացի ենք մեր հարեւան վրացիներից, ինչպես նաեւ՝ ո՛չ հարեւան ուկրաինացիներից: Մտածում էինք, որ չենք կրկնի նրանց՝ մեկի 2008-ի արկածախնդրությունը եւ մյուսի 2014-ի երկրորդ Մայդանը: Պարզվեց, որ ոչ միայն ավելի խելացի չենք, այլեւ … Լավ, չասեմ, որ կրկին իրական ու կեղծ հայրենասերների քննադատությունների ու հայհոյանքների տարափի տակ չընկնեմ:

Ինչեւէ, մեզ ղեկավար կարգեցինք մեկին, որը 2026-ին փորձում է կրկնել այն ուղին, որ մեր երկրի ղեկավարությունն ընտրել էր 2000-ականների սկզբին: Խոսքը «քոմփլեմենթարիզմի», «եւ … եւ»-ի գաղափարախոսության մասին է: Որոնցից երկրորդը տապալվեց 2013-ին, չնայած դրա առաջին եւ լուրջ նախանշանը բացահայտվեց 2007-ի անվտանգության մյունխենյան գագաթնաժողովում, երբ ՌԴ նախագահ Վ. Պուտինը բացահայտ քննադատության ենթարկեց ԱՄՆ-ի միաբեւեռ քաղաքականությունը, ՆԱՏՕ-ի ընդլայնումը դեպի արեւելք եւ արեւմտյան երկրների միակողմանի ուժային միջամտությունները: Այդ ելույթը, ըստ ԱԲ-ի, համաշխարհային քաղաքականության մեջ շրջադարձային կետ դարձավ. արեւմտյան վերլուծաբաններն այն որակեցին որպես «Սառը պատերազմի» ավարտից հետո Մոսկվայի ամենակոշտ ուղերձը, որով Ռուսաստանը հստակ հայտարարեց գլոբալ գործընթացներում իր շահերը պաշտպանելու պատրաստակամության մասին։

Այնպես որ, երբ 2008-2013 թթ․ ՀՀ երրորդ նախագահը եվրոպամետ խաղեր էր տալիս, չէր պատկերացնում, որ դրա վերջը Մաքսային միությունն է, որ հետո վերածվեց ԵԱՏՄ-ի: Անկեղծ ասած, մենք էլ չէինք պատկերացնում, բայց, որպես շարքային քաղաքացի, կարող էինք վերը նշվածը չիմանալ ու չպատկերացնել: Սակայն Սարգսյանը պարտավոր էր, քանի որ գործող նախագահն էր: Սերժին մերժելով հանդերձ՝ արտաքին հարցերում Նիկոլը շարժվում է մինչեւ 2013 թվականը վերջինիս անցած՝ «եւ … եւ»-ի ճանապարհով, չնայած արդեն ունի վերջինիս փորձառությունը: Այնուամենայնիվ, օգտվելով ԵԱՏՄ անդամ լինելու արտոնություններից՝ Նիկոլը փորձում է շարժվել դեպի Արեւմուտք: Այնինչ, ի տարբերություն 2013 թվականի, 2026-ին ՌԴ-Արեւմուտք փոխհարաբերությունները դարձել են թշնամական, եւ բացարձակ անմտություն է այդ պայմաններում փորձել կրկին խաղալ 2013-ից առաջ խաղացված խաղը: Դա ուղղակի մեզ չեն թույլատրի: Ու որքան էլ Նիկոլն ասի՝ որեւէ հիմք չկա ԵՄ-ի ու ԵԱՏՄ-ի միջեւ ընտրություն կատարելու, դրան բանի տեղ դնող չի լինելու:

Արդյունքում կրկին տուժելու է ժողովուրդը, որը հունիսի 7-ին Նիկոլ էր ընտրում, իսկ այսօր կանգնած է կոտրված տաշտակի առջեւ:
Դա՝ մեկ, եւ երկրորդ. արեւմտյան ուղղությամբ շարժվելուն ռուսական հակազդեցությունը որեւէ ձեւով չի հավասարակշռվում եվրոպական ջանքերով: Ավելին, դրանք քարոզչական միջոցներից այն կողմ չեն անցնում: Էլ ավելի․ իրենց սիմվոլիկ բնույթով դրանք վերածվում են մեր հասցեին ուղղված ձեռառնոցիի: Ինչի՞ նման է, ասենք, մի տուփ ծիրան ուղարկելը Բրյուսել կամ մեկ ֆուռ ծիրան բելգիական մեկ այլ՝ ինչ-որ անհայտ բնակավայր առաքելը: Կամ, ասենք, 10 հազար հատ ծաղիկ Լատվիա ուղարկելը, երբ սահմանափակումներից զերծ 2024 թվականին օրական ՌԴ էր առաքվում միջին հաշվով 170 հազար հատ ծաղիկ: Էլ չասած վրացականի, իրանականի կամ ուզբեկականի անվան ներքո դեպի ՌԴ հայկական գյուղմթերք առաքելու փորձերն ու դրանց տապալումը: Արդյունքում ստացվում է, որ թշնամանում ենք ՌԴ-ի հետ՝ այն պարագայում, երբ ԵՄ-ն բացարձակ միտք չունի մեր երկիրն ընդունել իր կազմում: Ու երբ նրան դեմ են տալիս պատին, իրեն մնում է միայն ասելու, որ ԵՄ-ի ու ԵԱՏՄ-ի միջեւ ընտրություն կատարելու հիմք չկա: Ինչպե՞ս լինի, եթե գտնվում ենք ԵԱՏՄ-ում, իսկ ԵՄ-ից նույնիսկ հրավեր չկա ու հույս չկա, որ կարող է լինել տեսանելի ապագայում:

ԱՄՆ դաշնային բյուջեի դեֆիցիտը հուլիսին աճել է մինչև 432 միլիարդ դոլար, ինչը 48%-ով ավելի է նախորդ տարվա հուլիսից։ Սա հուլիսի համար ռեկորդային ցուցանիշ է և ամենամեծ ամսական դեֆիցիտը 2021 թվականի մարտից՝ կորոնավիրուսային սահմանափակումների ժամանակաշրջանից ի վեր։

Այս մասին հայտնել է Reuters-ը՝ հղում անելով ԱՄՆ ֆինանսների նախարարությանը։

Նախարարության տվյալներով՝ դեֆիցիտը 2026 թվականի ֆինանսական տարվա սկզբից ի վեր արդեն հասել է 1.799 տրիլիոն դոլարի՝ գերազանցելով ամբողջ 2025 թվականի ֆինանսական տարվա ցուցանիշը, չնայած դեռ երկու ամիս է մնացել։

Հուլիսին ծախսերը աճել են 22%-ով՝ հասնելով ամսվա համար ռեկորդային 766 միլիարդ դոլարի։

Հաշվի առնելով սա՝ դեֆիցիտը կազմում է 333 միլիարդ դոլար, ինչը 18%-ով ավելի է նախորդ տարվա համեմատ։

Միևնույն ժամանակ, բյուջե մաքսային եկամուտներ չեն մուտքագրվել. 33.38 միլիարդ դոլարի մաքսատուրքերի վերադարձից հետո զուտ արտահոսքը կազմել է 8.55 միլիարդ դոլար։ Սա արդեն երրորդ ամիսն է անընդմեջ, երբ մաքսատուրքերի վերադարձները գերազանցել են եկամուտները։

Վերադարձի հիմնական պատճառը Գերագույն դատարանի որոշումն է՝ չեղյալ համարելու ԱՄՆ նախագահ Դոնալդ Թրամփի կողմից անցյալ տարի սահմանված արտակարգ մաքսատուրքերը։

Երբ Ալեն Սիմոնյանն ազատվեց ԱԺ նախագահի պաշտոնից, մի հոդված էի գրել հետևյալ վերտառությամբ՝ «Ուր որ գնաս՝ հետդ կգամ…»։
Ինտրիգներ որոնելու կարիք էլ չկար։ Փաշինյանն անձամբ հայտարարել էր, որ Ալեն Սիմոնյանն իր համար քաղաքական կապիտալ է։ Իսկ Փաշինյանը, ինչպես հայտնի է, կապիտալի նկատմամբ առանձնահատուկ սեր ունի։ Այնքան առանձնահատուկ, որ սեփական կապիտալը ոչ միայն չի թողնում «արտահոսի», այլև ամեն ինչ անում է, որ հանկարծ ուրիշի ձեռքը չանցնի։

Եվ ահա, Փաշինյանի որոշմամբ՝ ժամեր առաջ Ալեն Սիմոնյանը նշանակվեց Անվտանգության խորհրդի քարտուղար։
Ախր ո՜նց էիք այդքան միամիտ հավատում, որ Փաշինյանն իր հետ «պերյաշկի ուտողին» անտեր կթողնի։ Չէ՛, սիրելիներս, նման կապիտալը շուկա չեն հանում։ Պահում են սեփական պորտֆելում։

«Պերյաշկի ուտելը», կարծես, Փաշինյանի կադրային բորսայում ամենաբարձր վարկանիշ ունեցող արժեթուղթն է։ Որքան լավ ես «պերյաշկի ուտում», այնքան բարձրանում է քո քաղաքական կապիտալը։ Իսկ եթե այդ կապիտալը մի օր պաշտոնից ազատվում է, մի անհանգստացեք․ դա ոչ թե կորուստ է, այլ վերադասավորում։

Հիմա էլ չասեք՝ Արմեն Գրիգորյանը «քաշվեց»։ Չէ՛։ Նրան պարզապես ծովում խեղդվելուց փրկեց։ Այնքան բան էր արել, այնքան երկար էր մնացել այդ աթոռին, որ, երևի, անհրաժեշտ էր, որ ժողովուրդը մի փոքր հանգստանա նրա արածի հետևանքներից։ Իսկ քաղաքական կապիտալը, ինչպես գիտենք, պետք է ժամանակ առ ժամանակ դարակից հանել, փոշին մաքրել ու նոր պաշտոն հագցնել։
Ալենն էլ արդեն ոչ թե մեկ, այլ երկու հարսանիք կանի։ Երկրորդ հարսանիքին, կարծում եմ՝ Փաշինյանին կասի.
-Հենց որ կանչես, մոտդ կգամ․․․
Իսկ Փաշինյանը հանգիստ կժպտա։
Քաղաքական կապիտալը կապիտալ է․
պաշտոնը փոխվում է, կապիտալը՝ ոչ։

Ռուսաստանը և Ուկրաինան փոխանակել են զոհված զինվորների մարմիններ, РБК-ին ասել է Պետդումայի պատգամավոր և հատուկ ռազմական գործողությունների խորհրդարանական համակարգող խմբի ներկայացուցիչ Շամսաիլ Սարալիևը։

Ռուսական կողմը հանձնել է 261 մարմին, իսկ ուկրաինական կողմը՝ 24։

Վերջին անգամ Մոսկվան և Կիևը զոհված զինվորների մարմիններ են փոխանակել հուլիսի 16-ին։ Այդ ժամանակ ռուսական կողմին հանձնվել է 31 մարմին, իսկ ուկրաինական կողմին՝ 501, հայտարարել է Սարալիևը։

ՀՀ, ք․ Երևան Մաշտոց 4, բն 41

“HRAPARAK DAILY”
Limited Liability Company (LLC)

apt. 41, 4 Mesrop Mashtots Ave 0010 Yerevan, Armenia

Director: Armine
Ohanyan