Category: Mamul.am

Չենք պատրաստվում շանտաժի գործիքներ կիրառել Եվրոպական միության նկատմամբ։ Այս մասին հայտարարել է ՀՀ վարչապետ Նիկոլ Փաշինյանը՝ ելույթ ունենալով Հայաստան-ԵՄ քաղհասարակության պլատֆորմի 8-րդ երկկողմ հանդիպմանը։

«Պետք է ամենի ինչը ստուգվի, վերստուգվի, նայվի, վերանայվի, որովհետև շատ կարևոր է նաև պետության ինքնությունը, պետության ինքնիշխանությունը, պետության անվտանգությունը ապահովել, միևնույն ժամանակ խորացնելով այն ռազմավարությունները, որը մենք ընդունել ենք, այդ թվում Եվրոմիության հետ համագործակցության տրամաբանության մեջ և համապարփակ ու ընդլայնված գործընկերության համաձայնագիրը մեզ համար աշխատանքային օրակարգ է, բայց պետք է նաև ընդունել, որ այդ օրակարգը ընդլայնվել է ՀՀ-ի և ԵՄ-ի միջև վերջին տարիներին հարաբերությունների աննախադեպ զարգացումով։ Եվ մենք շարունակելու ենք այս ճանապարհը, վստահ շարունակելու ենք այս ճանապարհը։ Այո, մենք ընդունել ենք օրենք ՀՀ-ն ԵՄ-ին անդամագրվելու գործընթաց սկսելու մասին, բայց մեր ռազմավարությունը նաև այն է, որ այս պրոցեսի մեջ մենք չենք պատրաստվում շանտաժի գործիքներ կիրառել, այդ թվում Եվրոպական միության նկատմամբ, որ մենք օրենքն ընդունել ենք, դե հիմա մյուս ամսից մեզ ընդունեք ԵՄ»։

«Սամվել Կարապետյանին ճանաչում եմ դեռևս 90-ական թվականներից․ բարերար, հայ մեծացած մարդ։ Ճանաչում եմ նաև պարոն Փաշինյանին, դաս էլ եմ տվել։ Նա սովետի ժամանակվա 3-ի աշակերտ էր, սկի հայերեն նախադասություններ չէր կարողանում կազմել, ուր մնաց՝ ռուսերեն»,- հաջակցություն Սամվել Կարապետյանի Հակակոռուպցիոն դատարանի բակում հավաքի ժամանակ ասաց մասնակիցներից մեկը։ «Փակագծեր կբացեմ․ ես աշխատում էի «Литературная Армения»-ի խմբագրությունում՝ որպես խմբագրի տեղակալ, մեզ առաջարկեցին հոդված գրել և անմեղ մարդուն դարձնել մեղավոր, ինչպես Սամվել Կարապետյանի դեպքն է, մենք բոլորս հրաժարվեցինք՝ մի քանի խմբագրություններով։ Նիկոլը սկսնակ լրագրող էր, գտան նրան, մարդը 800 դոլար վերցրեց, այդ օրվանից ինքը ծախվեց մինչև օրս»,- հավելեց նա։

«Էսքան ժամանակ տեսե՞լ եք՝ իշխանության որևէ ներկայացուցիչ ազատվի աշխատանքից՝ այս ընթացքում ընտրողների նկատմամբ ճնշում գործադրելու համար»,- ԱԺ-ում հայտարարեց ընդդիմադիր պատգամավոր Արծվիկ Մինասյանը՝ հավելելով․ «Էնքան հայտնի դեպքեր կան, համացանցն էլ է լցված․ գոնե օրինակի համար հելեք՝ ասեք, այս մեկը սխալ է արել, պատժել ենք»։

«ՀՀ քաղաքացիություն Սամվել Կարապետյանն ունեցել է ի սկզբանե, եկեք այդ քաղաքացիության հարցերը շատ չշահարկենք․ մարդ կա՝ ունի միայն ՀՀ քաղաքացիություն, բայց հոգով հայ չի, չգիտեմ՝ ինչու են մարդիկ այդքան ծանր ընդունում տարբեր երկրների քաղաքացիությունը»,- այսօր Հակակոռուպցիոն դատարանի բակում՝ հաջակցություն Սամվել Կարապետյանի հավաքի ժամանակ, լրագրողների հետ զրույցում ասել է «Ուժեղ Հայաստան» կուսակցության անդամ Արթուր Միքայելյանը։ «Իշխանության ներկայացուցիչները, որ ՀՀ քաղաքացիություն ունեն, իրենք հա՞յ են։ Իրենց անձնագիր ունենալը չի նշանակում, որ իրենք ավելի շատ հայ են, քան Սփյուռքում ապրող մեր հայրենակիցները։ Էդ ո՞նց ա լինում, որ օգնության կարիք ա լինում Սփյուռքից, այդ ժամանակ չեն հարցնում անձնագիր, բայց հենց պահը գալիս է, որ մարդն ուզում է իր կարծիքը հայտնել, պետք է ունենա միայն ՀՀ քաղաքացիություն»,- հավելել է Միքայելյանը։

Սամվել Կարապետյանի գործով դատախազը միջնորդել է տնային կալանքի ժամկետը երկարաձգել ևս երեք ամսով։

Կան անձինք, որոնց վրա Կարապետյանը կարող է ազդեցություն ունենալու, ասել է դատախազ Արգամ Դալլաքյանը, փոխանցում է «Ազատություն»-ը։

Դատական նիստը չի հեռարձակվում՝ պաշտպանության կողմի միջնորդության հիման վրա։

«Սամվել Ալեքսանյանը ոչ մի բանի համար պատասխան չտվեց, բացի թաքցված հարկերը վերադարձնելը, ո՛չ ընտրակեղծարարության համար, ո՛չ հեղափոխության օրերին քաղաքացիներին քացով հարվածելու համար»,- դիմելով ՔՊ-ական պատգամավոր Վահագն Ալեքսանյանին՝ հարցրեց լրագրողը։ «Դեպքերի համար պետք է լինի անհատական բողոք․ ձեր հարցերը իրավապահների տիրույթում են․․․ Ինչ վերաբերում է կառավարության գործունեությանը, մենք չենք կարող գնալ, Լուսնից նոր տնտեսություն բերել ՀՀ-ի համար։ ՀՀ-ում կա գործարարների կոնկրետ շերտ»,- նշեց պատգամավորը։

Օրեր առաջ վարչապետը հանդիպում էր ունեցել խոշոր գործարարների հետ, այդ թվում՝ Սամվել Ալեքսանյանի, Արտակ Սարգսյանի։

Հայաստանը, փոխարտգործնախարար Մնացական Սաֆարյանի մակարդակով, կմասնակցի Մոսկվայում կայանալիք ԱՊՀ արտաքին գործերի նախարարների խորհրդի նիստին։ Այս մասին ТАСС-ին հայտնել է ՀՀ ԱԳՆ խոսնակ Անի Բադալյանը՝ պատասխանելով հարցին, թե արդյոք Հայաստանը մասնակցելու է նիստին և եթե այո, ապա ինչ մակարդակով։

Նշենք, որ ապրիլի 17-ին Մոսկվայում կկայանա ԱՊՀ անդամ երկրների արտաքին գործերի նախարարների խորհրդի 2026 թվականի առաջին նիստը։

«Տեսե՞լ եք՝ Քոչարյանի խմբակցության ներկայիս, գործող պատգամավոր Էլինար Վարդանյանը հայտնվել է Ծառուկյանի ցուցակում ու Ծառուկյանն էլ հայտարարում է, որ ձայն չեն տալու Քոչարյանին»,- ԱԺ-ում լրագրողների հետ զրույցում ասել է ՔՊ-ական պատգամավոր Վահագն Ալեքսանյանը։ «Ստեղ քաղաքական դիսոնանս տեսնո՞ւմ եք, թե չէ․․․ Սա քաղաքական աբսուրդ է»,- շարունակել է նա։

ԱՄՆ նախագահ Դոնալդ Թրամփը ցանկանում է խոշոր գործարք կնքել Իրանի հետ, որի դեպքում երկիրը «կբարգավաճի»: Այս մասին հայտարարել է ԱՄՆ փոխնախագահ Ջեյ Դի Վենսը:

«Թրամփը չի ուզում փոքր գործարք կնքել։ Նա ուզում է խոշոր գործարք կնքել»,- ասել է Վենսը՝ Ջորջիայի համալսարանում Turning Point USA (TPUSA) միջոցառման ժամանակ։ «Պատճառը, որ դեռևս գործարք չի կնքվել, այն է, որ նախագահն իսկապես ցանկանում է այնպիսի գործարք, որի դեպքում Իրանը չի ունենա միջուկային զենք, Իրանը չի լինի ահաբեկչությունը հովանավորող պետություն, իսկ Իրանի ժողովուրդը կկարողանա բարգավաճել, բարօրության մեջ ապրել և միանալ համաշխարհային տնտեսությանը։ Եվ սա այն գործարքն է, որը նա առաջարկում է»,- ավելացրել է Վենսը։

Երեկ՝ զինվորական հոսպիտալ տեղափոխելու ճանապարհին մահացած զինվորը նամակ էր գրել, այս մասին հայտնում է «ԱրմԼուր»-ը։ Ըստ լրատվականի՝ նամակում ներողություն է խնդրել ընկերներից, հարազատներից։ Իսկ խնդիր ունեցել է նա զորամասում, հասցրել են ինքնասպանության, թե սպանել են, իրավապահ համակարգը քննում է։

Ինչպես հայտնել էինք՝ երեկ ժամը 16։00-ի սահմաններում զինվորական հոսպիտալ («Մուրացան») տեղափոխվելու ճանապարհին զինվոր է մահացել։ Մահացածը հոսպիտալ է տեղափոխվել Նուբարաշենի կրակարաններից (պոլիգոնից)՝ հրազենային վնասվածքով։