Category: Oragir.news

Oragir.News-ը շաբաթներ առաջ այցելել էր Աբովյան փողոց և անդրադարձել Alexander Hotel-ի դիմաց տեղադրված գորգանման նկարազարդմանը։

Այս նկարազարդումը քաղաքացիների շրջանում բուռն քննարկումների և դժգոհությունների պատճառ էր դարձել, որոնք արտահայտվում էին սոցիալական ցանցերում:

Բազմաթիվ քաղաքացիներ և վարորդներ նշում էին, որ հեռվից այն հիշեցնում է հետիոտնային անցում, ինչի հետևանքով վարորդները հաճախ դանդաղեցնում էին ընթացքը կամ կտրուկ արգելակում՝ կարծելով, թե հետիոտն է անցնում ճանապարհը։

Որոշ դեպքերում, քաղաքացիների խոսքով, ստեղծվել էին նաև վթարային իրավիճակներ։ Մեր հրապարակումից հետո տեղանքում արդեն տեղադրվել են լուսացույցներ՝ երթևեկության և հետիոտների անվտանգությունն ապահովելու նպատակով, և գորգն, ըստ էության, անցումի է վերածվել։

Թեև լուսացույցների տեղադրումը որոշ չափով կարգավորել է երթևեկությունը, տեղում արձանագրվել է մեկ այլ խնդիր․ տարածքում բացակայում են հաշմանդամություն ունեցող անձանց, ինչպես նաև մանկասայլակներով ծնողների համար նախատեսված թեքահարթակները։

Արդյունքում՝ սահմանափակ շարժունակություն ունեցող անձինք և մանկասայլակով քաղաքացիները շարունակում են բախվել տեղաշարժի դժվարությունների։ Ակնկալում ենք, որ այս խնդիրը ևս առաջիկայում կլուծվի։

Մանրամասները՝ տեսանյութում․

Մերի Հակոբյան

ՌԴ Պետդումայի անվտանգության և կոռուպցիայի դեմ պայքարի հանձնաժողովի նախագահի առաջին տեղակալ Անդրեյ Լուգովոյը առաջարկել է վերանայել այն գազային արտոնությունները, որոնք Ռուսաստանը տրամադրում է Հայաստանին, ինչպես նաև դիտարկել հայկական կոնյակի ներմուծման սահմանափակման հնարավորությունը։

«Կցանկանայի նաև ուշադրություն հրավիրել այն հանգամանքի վրա, որ այս դեպքում էլեկտրաէներգիայի արժեքը մեկ կիլովատտ/ժամի համար 9 ռուբլուց կհասնի 16 ռուբլու։

Փաստացի՝ գրեթե կկրկնապատկվի»,- հավելել է նա։

Բացի այդ, պատգամավորի կարծիքով, անհրաժեշտ է նաև «փակել» այն արտոնյալ մաքսային կանոններն ու ռեժիմները, որոնք Հայաստանին հնարավորություն են տալիս օգտվել ռուսական տնտեսական տարածքից։

«Ուշադրություն դարձրեք՝ հայկական գյուղատնտեսական արտադրանքի արտահանման 98 տոկոսը գնում է Ռուսաստան։ Միևնույն ժամանակ երկիրը կենսականորեն կախված է մեր հացահատիկից, իսկ Հայաստանի առանձին կարևոր ճյուղերից մեկն էլ թունդ ալկոհոլի արտադրությունն է։ Այդ արտադրանքի 78 տոկոսը ևս արտահանվում է Ռուսաստան․ այդ «խանութը» պետք է փակել»,- հայտարարել է նա։

Լուգովոյի խոսքով՝ անհրաժեշտ է սկսել նաև գազային արտոնությունների վերանայումը։
«Տասնամյակներ շարունակ ռուսական գազը Հայաստանի համար պարզապես ապրանք չի եղել, այլ դաշնակցային հարաբերությունների համակարգի կարևոր տարր։ Եթե այդ համակարգը քայքայվում է, ապա արտոնյալ գինը պետք է փոխարինվի շուկայական՝ տնտեսապես հիմնավորված գնով։ Այդ դեպքում առաջարկվում է գինը բարձրացնել մինչև եվրոպական մակարդակ՝ հազար խորանարդ մետրի դիմաց 400-ից 600 դոլար»,- ասել է Լուգովոյը Պետդումայում անցկացված «Հայաստանն առանց Ռուսաստանի և Ռուսաստանը առանց Հայաստանի․ պատճառներ, արդյունքներ և հետևանքներ» թեմայով կլոր սեղանի ընթացքում։

Խորհրդարանականը նաև առաջարկել է անցկացնել Հայաստանի՝ Ռուսաստանի նկատմամբ միջպետական պարտքի ամբողջական աուդիտ։ Նրա խոսքով՝ Ռուսաստանը իրավունք ունի պահանջելու պարտքային պարտավորությունների փուլային և լիարժեք կատարում։

Վերլուծաբան Տիգրան Դումիկյանը ֆեյսբուքյան իր էջում գրում է․

«Մայիսի 28-ին իր փիառի համար Նիկոլը կասի՝ ուժեղ ենք, 29-ին նորից կվախեցնի պատերազմով
Սեփական քաղաքական փիառի համար ամեն ինչի պատրաստ ՀՀ վարչապետ Նիկոլ Փաշինյանը նախընտրական քարոզարշավի ընթացքում բառացիորեն ոչինչ չի խնայում։

Հիբրիդային պատերազմի կեղծ թեզերից մինչև ընդդիմադիր ճամբարում «ռուսական գործակալների» բացահայտման փորձեր, արցախահայության նկատմամբ ներազգային թշնամանքի հրահրում, քաղաքական մրցակիցների հասցեին անընդհատ հնչող սպառնալիքներ և այլն։ Ու թեև այս քայլերի հետևանքով ռուսական տնտեսությունից մեծապես կախված Հայաստանը հայտնվել է լուրջ ճնշումների տակ, իսկ շարքային քաղաքացիների շրջանում նախընտրական ֆոնին աճում են լարվածությունն ու միջադեպերը, իշխանությունը շարունակում է գործել մեկ սկզբունքով՝ հաջողության հասնել ամեն գնով։

Մայիսի 28-ին նախատեսված զորահանդեսով երեք պատերազմ բերած և բոլոր դեպքերում բացարձակ պարտություն կրած իշխանությունը, նոր սպառազինություն ներկայացնելու պատրվակով, փորձում է ցուցադրել «հզոր բանակ» կառուցելու իր ենթադրյալ հաջողությունը։ Եվ այդ ամենը՝ ընդամենը մեկ օրվա համար, մի քանի լրացուցիչ քվե ապահովելու ակնկալիքով։

Մայիսի 28-ին փոքրիկ խմբակի ներկայացուցիչները, մեկը մյուսին հերթ չտալով, կհրապարակեն՝ «Հզոր բանակ ենք ստեղծել», «Կեցցե՜ Նիկոլ Փաշինյանը» և նմանատիպ կարգախոսներ։ Իսկ արդեն մայիսի 29-ից նույն իշխանավորներն արագ «կմոռանան» հզոր լինելու իրենց պաթոսախառը հայտարարություններն ու կվերադառնան պատերազմի սպառնալիքի հռետորաբանությանը՝ շարունակելով վախի մթնոլորտ տարածել ընտրողների շրջանում։
Հետևաբար ո՞ւմ է պետք այս խեղկատակությունը։ Դե, իհարկե, միայն Նիկոլ Փաշինյանին։ Սակայն սոցիոլոգիական հարցումները շարունակում են արձանագրել, որ, չնայած երկրում իրականացվող աննախադեպ ճնշումներին, վախի մթնոլորտի տարածմանը, վարչական ռեսուրսի լայնածավալ կիրառմանը և անընդհատ հնչող հոխորտանքներին, իշխանության վարկանիշը շարունակում է անկում ապրել։

Այս պայմաններում առանցքային նշանակություն ունի, որ քաղաքական օրակարգի փոփոխության համար ընտրական իրավունք ունեցող ՀՀ յուրաքանչյուր քաղաքացի գիտակցաբար կատարի իր քաղաքացիական պարտքը։

Հայաստանն իրապես ուժեղ կարող է լինել միայն ուժեղ առաջնորդ ունենալու դեպքում… »։

Oragir.News-ին ահազանգած քաղաքացին հայտնում է, որ Արթիկում համայնքային ու վարչական ռեսուրսը բացահայտ կերպով ներգրավված է նախընտրական քարոզարշավում, մինչդեռ պաշտոնապես արձակուրդ ձևակերպել է միայն Արթիկի քաղաքապետ Անան Ոսկանյանը։ Ըստ ահազանգի՝ քաղաքապետարանի մի շարք աշխատակիցներ աշխատանքային ժամերին զբաղված են քարոզչական աշխատանքներով։

Oragir.News-ը փորձեց պարզաբանում ստանալ Արթիկի քաղաքապետ Անան Ոսկանյանից, սակայն մեր հեռախոսազանգերը մնացին անպատասխան։ Փաստորեն, քարոզարշավի համար ժամանակ կա, իսկ հանրության հարցերին պատասխանելու՝ ոչ։

Oragir.News-ը վերջին օրերին բազմիցս ահազանգեր է ստացել, որ Արթիկում նախընտրական գործընթացը ընթանում է սկանդալների, ճնշումների և բազմաթիվ խախտումների ֆոնին։ Բնակիչների խոսքով՝ համայնքում ձևավորվել է վախի ու ահաբեկման մթնոլորտ։ Մարդկանց ակնարկում են, թե «պետք է ճիշտ կողմնորոշվել», հակառակ դեպքում կարող են խնդիրներ ունենալ աշխատանքի, սոցիալական կամ համայնքային հարցերի հետ կապված։

Ընդ որում, շատերը հրաժարվում են տեսախցիկի առաջ խոսել՝ ասելով. «Շառից-փորձանքից հեռու»։ Ահազանգող քաղաքացիների փոխանցմամբ՝ վարչական ռեսուրսը ոչ միայն ներգրավված է քարոզարշավում, այլև պետական ու համայնքային լծակները բացահայտ ծառայեցվում են քաղաքական նպատակների։

Ըստ նրանց՝ Արթիկում ստեղծվել է այնպիսի մթնոլորտ, որտեղ մարդիկ պարզապես վախենում են բարձրաձայնել տեղի ունեցողի մասին։ Մինչ իշխանությունները խոսում են «ազատ ու արդար ընտրություններից», Արթիկից ստացվող տեղեկությունները բոլորովին այլ իրականություն են նկարագրում։ Քարոզարշավին ներգրավվածների թվում, ըստ ահազանգերի, անգամ Անան Ոսկանյանի վարորդն է՝ հայտնի «Վինո» մականունով։

Oragir.News-ը ներկայացնում է համայնքապետարանում աշխատող պաշտոնյաներին՝ քարոզարշավ իրականացնելիս։

Նառա Մարուքյան քաղաքապետարանի աշխատակից

Վարդան Մակեյանը` Արթիկի քաղաքապետի տեղակալ և քաղաքապետի վարորդը` «Վինոն»

Գայանե Աղաքարյանը` համայնքային միջոցառումների կազմակերպիչ

Գյուլվարդ Սահակյանը` գյուղատնտեսության և բնապահպանության բաժնի գլխավոր մասնագետ

Ժաննա Ասատրյան ՔՊ-ի թեկնածու, ավագանու անդամ

Սևակ Պետոյանը` համայնքապետի օգնական

Գյուղերի դպրոցների ուսուցիչներ

Անի Գոքորյանը` կրթության, մշակույթի, սպորտի, երիտասարդության բաժնի առաջին կարգի մասնագետ

Անահիտ Չալիկյան

Կառավարությունն ընդունել է որոշում, որով նախատեսվում է «Պաշտպան հայրենյաց» ծրագրով ծառայություն անցնող զինծառայողների կողմից հերթական պայմանագիր կնքելու դեպքում սահմանել պատվովճարի չափեր։

Ինչպես նշել է ՀՀ պաշտպանության նախարարի տեղակալ Արման Սարգսյանը, 2 տարի ժամկետով հերթական պայմանագիր կնքելու դեպքում պատվովճարի չափը սահմանվել է 1,5 մլն դրամ, իսկ 5 տարի ժամկետով հերթական պայմանագիր կնքելու դեպքում՝ 5 մլն դրամ:

«Փոփոխվում է նաև «Պաշտպան հայրենյաց» ծրագրով պայմանագրային ծառայության փոխադրվելու համար սահմանված ժամկետը, որի արդյունքում ծրագրով պայմանագրային զինվորական ծառայության անցնելու դիմում կարող են ներկայացնել պարտադիր զինվորական ծառայության՝ 4 ամիսը լրացած զինծառայողները՝ նախկին 6 ամսվա փոխարեն»,- ասել է փոխնախարարը:

Արման Սարգսյանը նշել է, որ ստացվում է՝ ժամկետային զինծառայողը, որը զորակոչվում է բանակ 18 տարին լրանալուն պես, 4 ամիս հետո կարող է դառնալ պայմանագրային, արդեն օգտվել պայմանագրային զինծառայողի համար նախատեսված աշխատավարձից, ատեստավորվելու հնարավորությունից, ստանալ այդ ժամանակահատվածում աշխատավարձ, ծառայել իր բնակության վայրին մոտ նախորոշված իր համար ցանկալի զորամասում և 5 տարվա պարագայում ստանալ 5 մլն դրամ, իսկ 10 տարվա պարագայում՝ ևս 5 մլն: Այսինքն՝ զինծառայողը կստանա և՛ աշխատավարձ, իսկ 10 տարի ծառայելուց հետո, ընդհանուր վերցրած աշխատավարձից բացի, կստանան նաև 10 մլն դրամ պատվովճար:

Երգիչ և հաղորդավար Գոռ Հակոբյանը սոցիալական հարթակների իր էջերում նոր հրապարակում է արել՝ կիսվելով իր կրտսեր որդու՝ Ֆելիքսի լուսանկարով:

Յուրաքանչյուր լուսանկար, որը կապված է նրա հետ, այսօր առանձնահատուկ նշանակություն ունի դերասանի ընտանիքի և նրանց ցավով ապրող հազարավոր երկրպագուների համար:

Ինչպես հայտնի է, ընտանիքն այս շրջանում անցնում է կյանքի ամենածանր փորձություններից մեկի միջով. ավելի վաղ Գոռ Հակոբյանը հանրությանը հայտնել էր, որ փոքրիկ Ֆելիքսն արդեն ստանում է իր 4-րդ քիմիաթերապիան:

Թեև փոքրիկի առողջական վիճակի վերաբերյալ այս պահին նոր, պաշտոնական մանրամասներ չեն հաղորդվել, ընտանիքը փորձում է ամեն վայրկյանը լցնել սիրով ու ջերմությամբ:

Օրեր առաջ դերասանը նաև ընտանեկան ջերմ կադրեր էր հրապարակել, որոնցից երևում էր, որ նրանք բոլորով միասին զբոսանքի էին դուրս եկել՝ վայելելով միմյանց ներկայությունն ու բնությունը:

Երգիչ և հաղորդավար Գոռ Հակոբյանը սոցիալական հարթակների իր էջերում նոր հրապարակում է արել՝ կիսվելով իր կրտսեր որդու՝ Ֆելիքսի լուսանկարով:

Յուրաքանչյուր լուսանկար, որը կապված է նրա հետ, այսօր առանձնահատուկ նշանակություն ունի դերասանի ընտանիքի և նրանց ցավով ապրող հազարավոր երկրպագուների համար:

Ինչպես հայտնի է, ընտանիքն այս շրջանում անցնում է կյանքի ամենածանր փորձություններից մեկի միջով. ավելի վաղ Գոռ Հակոբյանը հանրությանը հայտնել էր, որ փոքրիկ Ֆելիքսն արդեն ստանում է իր 4-րդ քիմիաթերապիան:

Թեև փոքրիկի առողջական վիճակի վերաբերյալ այս պահին նոր, պաշտոնական մանրամասներ չեն հաղորդվել, ընտանիքը փորձում է ամեն վայրկյանը լցնել սիրով ու ջերմությամբ:

Օրեր առաջ դերասանը նաև ընտանեկան ջերմ կադրեր էր հրապարակել, որոնցից երևում էր, որ նրանք բոլորով միասին զբոսանքի էին դուրս եկել՝ վայելելով միմյանց ներկայությունն ու բնությունը:

Երգիչ և հաղորդավար Գոռ Հակոբյանը սոցիալական հարթակների իր էջերում նոր հրապարակում է արել՝ կիսվելով իր կրտսեր որդու՝ Ֆելիքսի լուսանկարով:

Յուրաքանչյուր լուսանկար, որը կապված է նրա հետ, այսօր առանձնահատուկ նշանակություն ունի դերասանի ընտանիքի և նրանց ցավով ապրող հազարավոր երկրպագուների համար:

Ինչպես հայտնի է, ընտանիքն այս շրջանում անցնում է կյանքի ամենածանր փորձություններից մեկի միջով. ավելի վաղ Գոռ Հակոբյանը հանրությանը հայտնել էր, որ փոքրիկ Ֆելիքսն արդեն ստանում է իր 4-րդ քիմիաթերապիան:

Թեև փոքրիկի առողջական վիճակի վերաբերյալ այս պահին նոր, պաշտոնական մանրամասներ չեն հաղորդվել, ընտանիքը փորձում է ամեն վայրկյանը լցնել սիրով ու ջերմությամբ:

Օրեր առաջ դերասանը նաև ընտանեկան ջերմ կադրեր էր հրապարակել, որոնցից երևում էր, որ նրանք բոլորով միասին զբոսանքի էին դուրս եկել՝ վայելելով միմյանց ներկայությունն ու բնությունը: