Մայիսի 28-ին Հանրապետության հրապարակում նախատեսված է զորահանդես, որի ժամանակ ցուցադրվելու է վերջին տարիներին Հայաստանի ձեռք բերած սպառազինությունը։ Մարտի 26-ին լրագրողների հետ ճեպազրույցի ժամանակ Նիկոլ Փաշինյանը հայտարարել էր, որ Մայիսի 28-ին տեղի կունենա ոչ այնքան զորահանդես, որքան հաշվետվություն ՀՀ քաղաքացիներին։
Նիկոլ Փաշինյանը տեսանյութեր է հրապարակել Հանրապետության օրը՝ մայիսի 28-ին կայանալիք զորահանդեսի փորձից։ Տեսանյութերից մեկում ցուցադրվում է հայկական արտադրության հետախուզահարվածային անօդաչու թռչող սարք։Տեսանյութերից մյուսով, հավանաբար, ցուցադրվել է Ֆրանսիայից ձեռք բերված CAESAR հրետանային համակարգերը։
Oragir.News-ը շրջել է մայրաքաղաքի փողոցներում և անցորդներին հարց ուղղել․ «Մայիսի 28-ի զորահանդեսին մասնակցելո՞ւ եք։ Ի՞նչ եք կարծում, եթե ընտրություններ չլինեին` Փաշինյանը զորահանդես կկազմակերպե՞ր»։
Հարցվածների մի մասը նշեց, որ չի մասնակցելու զորահանդեսին, որոշներ էլ ասացին, որ ընտրությունների պատճառով է Նիկոլ Փաշինյանը զորահանդես կազմակերպել։
«Իհարկե չէր կազմակերպի»,- պատասխանեց քաղաքացիներից մեկը։
Մեկ այլ անցորդ էլ ասաց, որ Նիկոլ Փաշինյանը մինչ այժմ ոչ մի անգամ չի կազմակերպել զորահանդես «Պարտադիր մասնակցելու եմ։ Չեմ կարծում, որ եթե ընտրություններ չլիներ Փաշինյանը չէր կազմակերպի զորահանդես, ոչ մի անգամ չի կազմակերպել »,- նշեց նա։
Քաղաքացիներից մեկի կարծիքով էլ՝ դա ցուցադրական է արվում։ «Մայիսի 9-ին ոչ մի բան չարեցին, հիմա ուզում են մայիսի 28-ին անե՞ն։ Ինքը ոչ մի բան չի անում էս երկրի համար, էս հիմա ցուցադրական ցույց ա տալիս, բայց որ մտածում ես մի քիչ խորը ինքն ամբողջ օրը սահմանազատումից ա խոսում, բայց էն հողերը որ վեկալել են մեզնից, խի էդ մասին չեն խոսում»,- ասաց նա։
«Ոչ»,-պատասխանեց մեկ այլ հարցված։
Մանրամասները՝ տեսանյութում․
Արփինե Նավասարդյան