Սև ծովում Թուրքիայի հյուսիսային ափերի մոտ դրոնները հարձակվել են երեք լցանավերի վրա։ Այս մասին հայտնում է «Reuters» գործակալությունը։
Երկու լցանավ նավարկում էին Սիերա Լեոնեի դրոշի ներքո, երրորդը՝ ԱՄՆ–ի հետ առնչվող Պալաու կղզային պետության:
Նշվում է նաև, որ անձնակազմերը չեն տուժել: Վնասվածքների մասին ևս տեղեկություն չի հաղորդվում։
Լիբանանին Իսրայելի զինված ուժերի հարվածների դադարեցումը շարունակում է մնալ Իրանի և ԱՄՆ-ի միջև խաղաղության համաձայնագրի ձեռքբերման առանցքային պայմանը։
Այս մասին հայտարարել է Իրանի Ազգային անվտանգության գերագույն խորհրդի քարտուղարի տեղակալ Ալի Բաղերին, հաղորդում է ՏԱՍՍ-ը:
«Այս բանակցությունների հենց սկզբից Լիբանանի վրա բոլոր հարձակումների անհապաղ դադարեցումը հանդիսանում է բանակցությունների հիմնարար պայմանը»,- ասել է նա լրագրողներին՝ ՌԴ Անվտանգության խորհրդի հովանու ներքո անցկացվող Անվտանգության I միջազգային համաժողովի շրջանակներում։
Մայիսի 23-ին ԱՄՆ նախագահ Դոնալդ Թրամփը հայտարարել էր, որ Իրանի հետ ապագա համաձայնագրի նախագիծն ընդհանուր առմամբ համաձայնեցված է։ Նա հայտնել էր, որ հեռախոսազրույց է ունեցել Բահրեյնի, Եգիպտոսի, Հորդանանի, Կատարի, ԱՄԷ-ի, Պակիստանի, Սաուդյան Արաբիայի ու Թուրքիայի առաջնորդների հետ և նրանց հետ քննարկել Իրանի հետ խաղաղության գործարքի շրջանակներում փոխըմբռնման հուշագրի նախագիծը։ Ավելի ուշ Ամերիկայի նախագահը հստակեցրել էր, որ Վաշինգտոնն ու Թեհրանը մի շարք հարցերի շուրջ դեռևս վերջնական պայմանավորվածությունների չեն հասել։
Ապրիլի 17-ից լիբանանյան «Հեզբոլլահ» շարժման և Իսրայելի միջև ֆորմալ առումով գործում է հրադադարի ռեժիմ, սակայն կողմերն այս ողջ ընթացքում շարունակում են կանոնավոր կերպով առանձին հարվածներ փոխանակել լիբանանա-իսրայելական սահմանի երկայնքով գտնվող սահմանամերձ շրջաններում։
Մայիսի 25-ին Իսրայելի վարչապետ Բենիամին Նեթանյահուն հայտարարել էր, որ կարգադրել է ուժեղացնել հարվածները «Հեզբոլլահի» օբյեկտներին՝ ի պատասխան իսրայելական տարածքի ուղղությամբ անօդաչու թռչող սարքերի կիրառմամբ հաճախակիացած հարձակումների։
«Հրապարակ» թերթը գրում է. «Մարտի 6-ին ԱԱԾ շենքի դարպասների ուղղությամբ «Մոլոտովի կոկտեյլ» էր նետել 31-ամյա Րաֆֆի Մանդալյանը։ Դատարանը բավարարել էր նրա նկատմամբ երկու ամսով կալանավորումը որպես խափանման միջոց կիրառելու մասին միջնորդությունը։
Իրավապահները նրա գործողությունները որակել էին որպես ահաբեկչություն։ Տղամարդու նկատմամբ հարուցվել էր հանրային քրեական հետապնդում՝ Քրեական օրենսգրքի 308-րդ հոդվածի 1-ին մասով (ահաբեկչություն)։
Տեղեկացանք, որ դատարանը 2 ամսով կրկին երկարաձգել է Մանդալյանի խափանման միջոցը, նա շարունակում է կալանքը կրել «Նուբարաշեն» քրեակատարողական հիմնարկում։ Վաղն էլ նախաքննական մարմինը պատրաստվում է նախաքննության ավարտ հայտարարել, գործը մեղադրական եզրակացությամբ ուղարկել դատախազին, որպեսզի վերջինս հաստատի եւ ուղարկի դատարան՝ դատաքննության։ Մանդալյանը գործով միակ մեղադրյալն է, ըստ լուրերի, գործի ընթացքում հարցաքննվել է նաեւ նրա հայրը, որի հետ էլ նա ապրելիս է եղել։ Հայրն ասել է, որ որդին ունի հոգեկան առողջության խնդիրներ, ինչը դրսեւորվել է նրա վարքագծում՝ համատեղ կենցաղ կիսելու ընթացքում։
Րաֆֆիի պաշտպան Հրաչ Առաքելյանը «Հրապարակ»-ին ասաց, որ քննիչին միջնորդել են դատահոգեբանական փորձաքննություն նշանակել, սակայն մերժվել է, քանի որ հարցում են արել եւ տեսել, որ հոգեկան խնդիրներ ունենալու հետ կապված փաստաթղթեր առկա չեն, որեւէ կենտրոնում հաշվառված չէ։ Փաստաբանի խոսքով՝ իր պաշտպանյալը մեղադրանքը չի ընդունում, ասել է, որ այդկերպ փորձել է ուշադրություն գրավել, իր դժգոհությունն է արտահայտել․ «Նա պահանջ չի ներկայացրել, նույնկերպ կարող էր, օրինակ, կառավարության շենքի մոտ ինքնահրկիզում անել»։
«Հրապարակ» թերթը գրում է. «Մարտի 6-ին ԱԱԾ շենքի դարպասների ուղղությամբ «Մոլոտովի կոկտեյլ» էր նետել 31-ամյա Րաֆֆի Մանդալյանը։ Դատարանը բավարարել էր նրա նկատմամբ երկու ամսով կալանավորումը որպես խափանման միջոց կիրառելու մասին միջնորդությունը։
Իրավապահները նրա գործողությունները որակել էին որպես ահաբեկչություն։ Տղամարդու նկատմամբ հարուցվել էր հանրային քրեական հետապնդում՝ Քրեական օրենսգրքի 308-րդ հոդվածի 1-ին մասով (ահաբեկչություն)։
Տեղեկացանք, որ դատարանը 2 ամսով կրկին երկարաձգել է Մանդալյանի խափանման միջոցը, նա շարունակում է կալանքը կրել «Նուբարաշեն» քրեակատարողական հիմնարկում։ Վաղն էլ նախաքննական մարմինը պատրաստվում է նախաքննության ավարտ հայտարարել, գործը մեղադրական եզրակացությամբ ուղարկել դատախազին, որպեսզի վերջինս հաստատի եւ ուղարկի դատարան՝ դատաքննության։ Մանդալյանը գործով միակ մեղադրյալն է, ըստ լուրերի, գործի ընթացքում հարցաքննվել է նաեւ նրա հայրը, որի հետ էլ նա ապրելիս է եղել։ Հայրն ասել է, որ որդին ունի հոգեկան առողջության խնդիրներ, ինչը դրսեւորվել է նրա վարքագծում՝ համատեղ կենցաղ կիսելու ընթացքում։
Րաֆֆիի պաշտպան Հրաչ Առաքելյանը «Հրապարակ»-ին ասաց, որ քննիչին միջնորդել են դատահոգեբանական փորձաքննություն նշանակել, սակայն մերժվել է, քանի որ հարցում են արել եւ տեսել, որ հոգեկան խնդիրներ ունենալու հետ կապված փաստաթղթեր առկա չեն, որեւէ կենտրոնում հաշվառված չէ։ Փաստաբանի խոսքով՝ իր պաշտպանյալը մեղադրանքը չի ընդունում, ասել է, որ այդկերպ փորձել է ուշադրություն գրավել, իր դժգոհությունն է արտահայտել․ «Նա պահանջ չի ներկայացրել, նույնկերպ կարող էր, օրինակ, կառավարության շենքի մոտ ինքնահրկիզում անել»։
«Հրապարակ» թերթը գրում է. «Նիկոլ Փաշինյանն ու իր խմբակը մի կողմից շարունակում են պոռոտախոսել, թե իրենք թիվ մեկն են, անմրցելի են եւ ունեն ժողովրդի վստահությունը, մյուս կողմից՝ շարունակում են ճնշումներն ու հետապնդումները քաղաքական մրցակիցների եւ հատկապես Սամվել Կարապետյանի գլխավորած «Ուժեղ Հայաստան» կուսակցության ներկայացուցիչների նկատմամբ։ Մենք տեղեկացանք, որ մայիսի 25-ին՝ «ուժեղ»-ների՝ Տաշիր այցելության օրը, մի քանի ժամում քաղաքում ավելի քան հարյուր հասցեներում խուզարկություններ են արվել, մարդկանց բերման ենթարկել։
Ուշագրավն այն է, որ իրավապահներն անգամ հաղորդագրություն չեն տարածել այդ մասսայական խուզարկումների մասին, ինչը եւս վկայում է, որ իրականում դրանք եղել են անհիմն եւ բացառապես մարդկանց աչքը վախեցնելու, ընդդիմադիր ուժի հավաքից հետ պահելու նկրտումներով։
«Ժողովուրդ» օրաթերթը գրում է. «Կոռուպցիայի կանխարգելման հանձնաժողովը (ԿԿՀ) հրապարակել է ԱԺ ընտրություններին մասնակցող կուսակցությունների և դաշինքների բանկային հաշիվների ֆինանսական միջոցների շարժերի վերաբերյալ տեղեկանքը՝ 20/05/2026–22/05/2026 ժամանակահատվածի համար։ Տվյալները ներառում են կուսակցությունների մուտքերը, ելքերը, նվիրատվությունները, վարձակալական ծախսերը, հարկերը և հաշվային մնացորդները։
Հրապարակված տվյալների համաձայն՝ ամենախոշոր ֆինանսական շարժը արձանագրվել է «Քաղաքացիական պայմանագիր» կուսակցության մոտ։ Կուսակցությունը ստացել է 85,476,600 դրամ նվիրատվություն՝ 191 անձից, ինչպես նաև 144,300 դրամ անդամավճար և 18,977,600 դրամ պետական ֆինանսավորում։ Ելքերը կազմել են 120,337,160 դրամ, որի հիմնական մասը՝ 120 մլն դրամ, փոխանցվել է նախընտրական հիմնադրամ (70 մլն՝ 2026 թվականի մայիսի 21-ին և 50 մլն՝ մայիսի 22-ին), ինչպես նաև ներառել է 5,586,000 դրամ հարկային վճարներ։ Կուսակցության բանկային մնացորդը կազմել է 78,336,889 դրամ։
Երկրորդ խոշոր ֆինանսական շրջանառություն ունեցող ուժը «Ուժեղ Հայաստան» դաշինքն է, որը ստացել է 168,870,000 դրամ նվիրատվություն՝ 43 անձից։ Այլ ելքերը կազմել են 223,934,026 դրամ, որոնց թվում են ծառայությունների վճարներ, կրեդիտորական պարտքեր, հաշիվ-ապրանքագրերով վճարումներ, Facebook-ի գովազդ, ապահովագրավճար և 160 մլն դրամի փոխանցում նախընտրական հիմնադրամ։ Դաշինքի բանկային մնացորդը կազմել է 89,583,741 դրամ։
«Բարգավաճ Հայաստան» կուսակցությունը ստացել է 18,000,000 դրամ նվիրատվություն՝ 2 անձից և 18,977,600 դրամ պետական ֆինանսավորում։ Ելքերը կազմել են 20,285,000 դրամ, որոնցից 18 մլն դրամը փոխանցվել է նախընտրական հիմնադրամ, իսկ 2,285,000 դրամը ծախսվել է տպագրության վրա։ Կուսակցության հաշվին արձանագրվել է նաև 390,000 դրամ վարձակալական վճար։ Բանկային մնացորդը կազմել է 18,880,896 դրամ։
«Լուսավոր Հայաստան»-ը ստացել է 3,000,000 դրամ նվիրատվություն՝ 2 անձից, իսկ ընդհանուր ելքերը կազմել են 11,008,934 դրամ, ներառյալ Google-ի և Facebook-ի գովազդային ծախսերը և 7,500,000 դրամի փոխանցում նախընտրական հիմնադրամ։ Բանկային մնացորդը կազմել է 7,953,687 դրամ։Միջին ֆինանսական ակտիվությամբ առանձնանում են նաև մի շարք այլ քաղաքական ուժեր։ «Միասնության թևեր» դաշինքը ստացել է 4,500,000 դրամ նվիրատվություն և կատարել 4,703,500 դրամի ելքեր, որոնց մեծ մասը՝ 4,700,000 դրամ, փոխանցվել է նախընտրական հիմնադրամ։ Բանկային մնացորդը կազմել է 297,006 դրամ։
«Նոր ուժ ռեֆորմիստական»-ը ստացել է 1,700,000 դրամ, կատարել 2,941,520 դրամի ելքեր՝ ներառյալ TikTok-ի և Facebook-ի գովազդը, մնացորդը կազմել է 1,162,533 դրամ։
«Ազգային ժողովրդավարական բևեռ»-ը ստացել է 1,850,000 դրամ և կատարել 1,301,504 դրամի ելքեր, այդ թվում՝ Facebook-ի գովազդ, մնացորդը կազմել է 1,279,396 դրամ։
«Ժողովրդավարական համախմբում»-ը ստացել է 600,000 դրամ և կատարել 32,752 դրամի ելքեր՝ Facebook-ի գովազդի համար, մնացորդը կազմել է 663,248 դրամ։
«Հայ հեղափոխական դաշնակցություն»-ը ստացել է 4,000,000 դրամ նվիրատվություն և ունեցել 107,467 դրամ այլ ելքեր, ինչպես նաև վարձակալական ծախսեր՝ 280,000 դրամ։ Բանկային մնացորդը կազմել է 3,227,627 դրամ։
«Առաջ աջակենտրոն»-ը ստացել է 5,000,000 դրամ նվիրատվություն, կատարել 12,775,000 դրամ վարձակալական ծախս և 2,675,936 դրամ այլ ելքեր, մնացորդը կազմել է 12,553,628 դրամ։
«Դեմոկրատիա, օրենք, կարգապահություն»-ը ստացել է 10,000 դրամ անանուն նվիրատվություն, որը վերադարձվել է, կատարել 331,000 դրամի ելքեր, որոնցից 320,000 դրամը փոխանցվել է նախընտրական հիմնադրամ։ Մնացորդը կազմել է 258,100 դրամ։
«Հայ ազգային կոնգրես»-ը ստացել է 200,000 դրամ, կատարել 900,000 դրամի ելքեր, այդ թվում՝ 55,000 դրամ վարձակալական վճար։ Մնացորդը կազմել է 283,197 դրամ։
Առանձին դեպքերով նշվում է, որ մի շարք կուսակցություններ գրեթե չեն ունեցել ֆինանսական շարժ։ «Միավորված հայեր»-ը տվյալ ժամանակահատվածում բանկային հաշիվ չի ունեցել, «Քոչարի ազգային վերածնունդ և ազգի զարթոնք»-ի մոտ շարժ չի արձանագրվել, իսկ «Քրիստոնեա-ժողովրդավարական»-ը, «Ալյանս առաջադիմական ցենտրիստական»-ը և մի շարք այլ ուժեր ունեցել են նվազ բանկային մնացորդներ։
Ընդհանուր առմամբ, հրապարակված տվյալները ցույց են տալիս, որ ընտրություններից առաջ ֆինանսական ամենամեծ հոսքերը կենտրոնացած են եղել երեք հիմնական քաղաքական ուժերի շուրջ՝ «Քաղաքացիական պայմանագիր», «Ուժեղ Հայաստան» և մասամբ «Բարգավաճ Հայաստան», մինչդեռ մյուս կուսակցությունների մեծ մասի մոտ արձանագրվել է սահմանափակ կամ միջին ֆինանսական ակտիվություն»։
Այսօր՝ մայիսի 28-ին, ավտովթար-հրդեհ է տեղի ունեցել Կոտայքի մարզում։ Ժամը 01:40-ի սահմաններում Արագածոտնի մարզի բնակիչ 26-ամյա Արման Բ.-ն իր վարած «Opel» մակնիշի ավտոմեքենայով Երևան-Աշտարակ ավտոճանապարհի Պռոշյան բնակավայրի վարչական տարածքում «CPS» բենզալցակայանի մոտ, դուրս է եկել երթևեկելի գոտուց, բախվել եզրաքարին և բռնկվել։
Ինչպես հայտնում է ֆոտոլրագրող Գագիկ Շամշյանը, վթար-հրդեհի հետևանքով ըստ նախնական տեղեկությունների բարեբախտաբար տուժածներ չկան։
Մինչ հրշեջների ժամանումը ավտոմեքենայում առաջացած կրակի դեմ պայքարել են «CPS» բենզալցակայանի աշխատակիցմերը, ապա ժամանած հրշեջները մարել են այն։
Վարորդը, ով զրկված է եղել ավտոմեքենա վարելու իրավունքից, ենթարկվել է սթափության փորձաքննության, եղել է ոչ սթափ (խմած)։
Մանրամասները՝ սկզբնաղբյուր կայքում
Եվրոպական դիվանագիտական ծառայության ղեկավար Կայա Կալասը հայտնել է, որ ամերիկյան դեսպանատունը լքում է Կիևը, մինչդեռ ԵՄ բոլոր երկրների դիվանագիտական ներկայացուցչությունները մնում են ուկրաինական մայրաքաղաքում:
«Այն ամենից, ինչ մենք երեկ լսել ենք Ուկրաինայից, բոլոր դեսպանատները մնում են՝ բացի մեկից:
Բոլոր եվրոպացիները մնացել են, ԱՄՆ-ն հեռացել է», – հայտնել է նա՝ Կիպրոսում ԵՄ արտգործնախարարների ոչ պաշտոնական հանդիպմանը ժամանելուն պես:
Երևանում մայիսի 28-ի երեկոյան, մայիսի 29-30-ին օրվա ընթացքում, մայիսի 31-ի գիշերը, հունիսի 1-ին և 2-ին կեսօրից հետո սպասվում է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում՝ 17-20մ/վ արագությամբ։
Մայիսի 31-ի ցերեկը, հունիսի 1-ի և 2-ի գիշերը սպասվում է առանց տեղումների եղանակ։
Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:
Հանրապետության տարածքում մայիսի 28-ի ցերեկը, մայիսի 31-ին, հունիսի 1-ի և 2-ի ցերեկն առանձին շրջաններում, 29-30-ին շրջանների մեծ մասում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։ Մայիսի 29-30-ին տեղումներն առանձին վայրերում կլինեն առատ։ Հունիսի 1-ի և 2- ի գիշերը սպասվում է առանց տեղումների եղանակ։
Քամին`հարավարևմտյան`2-5 մ/վ, ամպրոպի ժամանակ սպասվում է նաև քամու ուժգնացում՝ 21-25 մ/վ արագությամբ։
Օդի ջերմաստիճանը մայիսի 28-ին կբարձրանա ևս 2-3 աստիճանով, 29-30-ին աստիճանաբար կնվազի 8-10 աստիճանով։
Երևանում մայիսի 28-ի երեկոյան, մայիսի 29-30-ին օրվա ընթացքում, մայիսի 31-ի գիշերը, հունիսի 1-ին և 2-ին կեսօրից հետո սպասվում է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում՝ 17-20մ/վ արագությամբ։
Մայիսի 31-ի ցերեկը, հունիսի 1-ի և 2-ի գիշերը սպասվում է առանց տեղումների եղանակ։
Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:
Հանրապետության տարածքում մայիսի 28-ի ցերեկը, մայիսի 31-ին, հունիսի 1-ի և 2-ի ցերեկն առանձին շրջաններում, 29-30-ին շրջանների մեծ մասում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։ Մայիսի 29-30-ին տեղումներն առանձին վայրերում կլինեն առատ։ Հունիսի 1-ի և 2- ի գիշերը սպասվում է առանց տեղումների եղանակ։
Քամին`հարավարևմտյան`2-5 մ/վ, ամպրոպի ժամանակ սպասվում է նաև քամու ուժգնացում՝ 21-25 մ/վ արագությամբ։
Օդի ջերմաստիճանը մայիսի 28-ին կբարձրանա ևս 2-3 աստիճանով, 29-30-ին աստիճանաբար կնվազի 8-10 աստիճանով։