Category: TopNews.am

Սեպտեմբերի 19-20-ը Երևանի «Երազ» այգում տեղի կունենա «Մեղրատոն 2026» մեղրի և մեղվամթերքի ցուցահանդես-վաճառքը, որը կհամախմբի Հայաստանի բոլոր մարզերի մեղվաբույծներին, արտադրողներին և մեղրասերներին։

Արդեն չորրորդ տարին անցկացվող «Մեղրատոն»-ի նպատակն է խթանել տեղական մեղրի և մեղվամթերքի վաճառքը՝ ստեղծելով անմիջական շփման և համագործակցության հնարավորություն սպառողների, արտադրողների և ոլորտային կազմակերպությունների միջև։

«Մեղրատոն»-ը նպաստում է նաև ոլորտում նորարարական մոտեցումների ներդրմանը, մեղվաբուծական տնտեսությունների արտադրողականության բարձրացմանը և ոլորտի կայուն զարգացմանը:  Մասնակիցներն ու այցելուները հնարավորություն ունեն ծանոթանալու  արհեստական բանականության միջոցով «խելացի» փեթակների կառավարման մոտեցումներին։

Միջոցառմանը կանցկացվեն մասնագիտական քննարկումներ մեղվաբուծության ոլորտում առկա մարտահրավերների ու հնարավորությունների վերաբերյալ, ինչպես նաև վարպետաց դասեր մեղուների հիվանդությունների կանխարգելման և հաղթահարման, մեղվամթերքի ստացման տեխնոլոգիաների և դրանց առաջխաղացման ուղիների վերաբերյալ:

Կներկայացվեն նաև Լոռու մարզի Մարգահովիտ բնակավայրում գործող «Մեղվաբուծության Դարբնոց» գիտաարտադրական հետազոտական կենտրոնի ծառայությունները։

«Ես պարոն Ալեքսանյանին, իհարկե, դիտողություն արեցի, բայց ինքս զարմացա՝ ինչու նա պետք է գար այստեղ և «տգետ» բառն օգտագործեր։ Բարեբախտաբար, պարոն Վարդևանյանն ինձ պատմեց կոնտեքստը։ Պարո՛ն Սևակ Խաչատրյան, ի՞նչ է նշանակում՝ «երեխաները թող լավ սովորեն, որ «նիկոլական» չդառնան»»,- ասել է ԱԺ նախագահ Ռուբեն Ռուբինյանը՝ արձագանքելով իշխող և ընդդիմադիր խմբակցությունների պատգամավորների բանավեճին։

«Ուզում եք ասել, որ 700 հազարից ավել քաղաքացի, որոնք ընտրել են «Քաղաքացիական պայմանագրին», լավ չե՞ն սովորել, հա՞։ Լավ սովորեն, որ Տարոն Մարգարյանի նման դառնան, հետո գան, թեկնածուական պաշտպանեն ու ձեր նմաններին ուղարկեն, որ լրագրողներին խոչընդոտեն, չնկարեն՝ խայտառակ չլինելու համար»,- շեշտել է ԱԺ նախագահը և ընդգծել, որ թույլ չի տալու, որ ԱԺ դահլիճում որևէ մեկը ժողովրդին վիրավորի։

Նրա խոսքով՝ ով ում ցանկանում է, ընտրի, բայց բոլորը մեր հայրենակիցներն են․ «Բոլորը կիրթ են և մեր եղբայրներն ու քույրերն են»,- շեշտել է Ռուբինյանը։

Կոսովոյի հարցերով հատուկ դատարանը Կոսովոյի նախկին նախագահ Հաշիմ Թաչիին ու եւս երեք ամբաստանյալների մեղավոր է ճանաչել 1998-1999 թվականների պատերազմի ժամանակ կամայական ձերբակալությունների, դաժան վերաբերմունքի, խոշտանգումների եւ սպանությունների համար։

58-ամյա Թաչին դատապարտվել է 25 տարվա, իսկ նրա համախոհները՝ 13-ից 25 տարվա ազատազրկման։

Միեւնույն ժամանակ, դատարանը բավարար չի համարել Թաչիի՝ մարդկության դեմ հանցագործություններում մեղավորության վերաբերյալ ապացույցները եւ նրան այդ մեղադրանքով  անմեղ է ճանաչել։

Թաչին իրեն մեղավոր չի ճանաչում։

Նա Կոսովոյի ազատագրության բանակի հիմնադիրներից եւ ղեկավարներից մեկն էր։ Երբ Կոսովոն հայտարարեց Սերբիայից անկախանալու մասին, Թաչին մասամբ ճանաչված երկրի կառավարությունում զբաղեցրել է վարչապետի, փոխվարչապետի առաջին տեղակալի եւ արտաքին գործերի նախարարի պաշտոնները։

2016-2020 թվականներին Թաչին եղել է Կոսովոյի Հանրապետության նախագահը։ Նա հրաժարական է տվել, երբ Կոսովոյի հարցերով հատուկ դատախազությունը նրան մեղադրանքներ է ներկայացրել։ Այդ ժամանակից ի վեր նա գտնվում էր Հաագայի կալանավայրում։

Սեպտեմբերի 2-ի ուշ երեկոյան ՆԳՆ օպերատիվ կառավարման կենտրոն էր զանգահարել Տիգրան Մեծի պողոտայում գործող դեղատան աշխատակիցը և հայտնել, որ մի երիտասարդ դանակի սպառնալիքով դեղատան դրամարկղից հափշտակել էր 63 հազար դրամ և դիմել փախուստի։

Ահազանգով դեպքի վայր էր մեկնել Քրեական ոստիկանության Երևան քաղաքի վարչության սեփականության դեմ ուղղված հանցագործությունների դեմ պայքարի բաժնի օպերատիվ խումբը:

Կազմված փաստաթղթերն ուղարկվել էին նախաքննական մարմին։ Նախաձեռնվել էր քրեական վարույթ ավազակության հատկանիշներով:

Քրեական ոստիկանության տեխնիկական աջակցման բաժնի ծառայողների հետ համատեղ ձեռնարկված համալիր օպերատիվ-հետախուզական միջոցառումների արդյունքում պարզվել էր, որ հանցագործություն կատարած անձը Արմավիրի մարզի 16-ամյա մի բնակիչ է, որը թմրամիջոց իրացնելու համար գտնվում էր հետախուզման մեջ։ 

Հանցագործություն կատարած անձին հայտնաբերելու նպատակով միջոցառումներին ներգրավվեցին նաև անձի հետախուզման բաժնի ծառայողները և  համատեղ միջոցառումների, ինչպես նաև քննչական գործողությունների արդյունքում սեպտեմբերի 8-ին 16-ամյա պատանին մայրաքաղաքի Զորավար Անդրանիկի փողոցում հայտնաբերվել, ձերբակալվել և տեղափոխվել է Քրեական ոստիկանության Երևան քաղաքի վարչություն։

Վերջինիս նկատմամբ ավազակության հատկանիշներով հարուցվել է հանրային քրեական հետապնդում և դատարանի որոշմամբ կալանավորվել է:

https://www.youtube.com/watch?v=K80Q4-UTW50

Սեպտեմբերի 15-ին ՀՖՖ գրասենյակում կայացավ Հայաստանի Գավաթի խաղարկության 1/8 եզրափակիչի վիճակահանությանը։ Ձևավորվեցին հետևյալ զույգերը։

«Օլիմպիա» – «Արարատ-Արմենիա»
«Միկա» – «Ավշար-Արարատ»
«Ալաշկերտ» – ԲԿՄԱ
«Նոա» – «Սյունիք»
«Փյունիկ – «Արարատ»
«Լեռնային Արցախ» – «Շիրակ»
«Ուրարտու» – «Անդրանիկ»
«Վան» – «Գանձասար» 

ԱՄՆ նախագահ Դոնալդ Թրամփը խոստացել է յուրաքանչյուր չափահաս ԱՄՆ քաղաքացու 5 հազար դոլար վճարել, եթե հանրապետականները նոյեմբերին կայանալիք միջանկյալ ընտրությունների արդյունքներով պահպանեն վերահսկողությունը Ներկայացուցիչների պալատի եւ Սենատի նկատմամբ։

Թրամփն այս հայտարարությունն արել է Տեխաս նահանգի Դալաս քաղաքում Հանրապետական կուսակցության համագումարում ունեցած ելույթի ժամանակ։

«Եթե հանրապետականները պահպանեն վերահսկողությունը Ներկայացուցիչների պալատում եւ ԱՄՆ Սենատում, ապա մեր անհավանական տնտեսական հաջողության շնորհիվ… ես Ամերիկայի Միացյալ Նահանգների յուրաքանչյուր չափահաս քաղաքացու կվճարեմ 5 հազար դոլարի չափով դիվիդենդներ»,- նրա խոսքն է մեջբերել BBC- ին։

Նույն համագումարում սկսել են քննարկել նաեւ Թրամփի իրավահաջորդի հարցը։

Reuters- ի տեղեկություններով՝ Կոնգրեսի նոյեմբերի 3-ի միջանկյալ ընտրություններում թույլ արդյունքների դեպքում Դոնալդ Թրամփի իրավահաջորդի վերաբերյալ քննարկումները կարող են դառնալ հրապարակային։

Գլխավոր հավակնորդների թվում նշվում են փոխնախագահ Ջեյ Դի Վենսը, որը ներկայացնում է ազգայնական-պոպուլիստական թեւը, ինչպես նաեւ պետքարտուղար Մարկո Ռուբիոն, որը արտաքին եւ տնտեսական քաղաքականության հարցերում հանդես է գալիս ավելի ավանդական պահպանողական դիրքերից։

«Խոսրովի անտառ» պետական արգելոցի տեսախցիկները ֆիքսել են գայլերի:
 
«Գայլերը մոնոգամ կենդանիներ են: Գայլի էգը կոչվում է ճույռ։ Գայլերը կարևոր դեր ունեն բնության էկոհամակարգերի հավասարակշռության պահպանման գործում»,- գրված է հրապարակված տեսանյութին կից։

Երեքշաբթի հազարավոր ֆրանսիացի ոստիկաններ դուրս էին եկել Փարիզի փողոցներ՝ իրենց աշխատանքային պայմանների դեմ բողոքելու։ Ակցիան, որը գլխավորում էր «Ազգային ոստիկանության դաշինք» արհմիությունը, սկսվել է Շանզ Էլիզեում և գագաթնակետին հասել Ազգային ժողովում։

Երթից հետո արհմիության ներկայացուցիչներն ուղղվել են ՆԳՆ՝ ներկայացնելու իրենց պահանջներն ու մտահոգությունները. ավելի ուշ նրանք լրագրողներին հայտնել են, որ հանդիպումը դրական է եղել, իշխանությունները հաշվի են առնում իրենց բողոքները։

Ոստիկանների շրջանում աճող դժգոհությունը պայմանավորված է մի շարք խնդիրներով, այդ թվում՝ ոստիկանական հատուկ ծառայության հավելավճարի՝ այսպես կոչված «ռիսկի հավելավճարի» շուրջ առկա դժգոհությամբ, որի չափը չի փոխվել 2019 թվականից ի վեր։

«Ազգային ոստիկանության դաշինք» արհմիությունը պահանջում է նաև ավելացնել վարչական, տեխնիկական և գիտական ​​անձնակազմի ռեսուրսները, ինչպես նաև քայլեր ձեռնարկել կարիերայի առաջխաղացման և անձնակազմի համալրման ուղղությամբ։ Արհմիության գնահատմամբ՝ իրենց պահանջները բավարարելու համար տարեկան անհրաժեշտ է լրացուցիչ 300-500 միլիոն եվրո։

Անգլիայի լիգայի գավաթի խաղարկության 1/16 եզրափակիչի (3-րդ տուր) շրջանակում կայացան մի շարք հանդիպումներ։ «Լիվերպուլն» ու «Արսենալը» գոլառատ խաղերում հաղթանակներ տոնեցին՝ նվաճելով հաջորդ փուլի ուղեգիր։

Զուգահեռաբար ընթացող խաղում Լոնդոնի «Արսենալը» հյուրընկալվելիս գերվստահ հաղթանակ տարավ «Իպսվիչի» նկատմամբ՝ 4-2 հաշվով: «Զինագործների» կազմում փայլեց 16-ամյա Մաքս Դումանը՝ դառնալով դուբլի հեղինակ (7, 47): Լոնդոնցիների կազմում մեկական անգամ աչքի ընկան նաև Նոնի Մադուեկեն (16) և Միկել Մերինոն (58): Տանտերերի կազմում գոլերը հեղինակեցին Անիս Մեհմեթին (62) և Չուբա Ակպոմը (90+1):

Այս հաղթանակների շնորհիվ «Լիվերպուլն» ու «Արսենալը» դուրս եկան Անգլիայի լիգայի գավաթի 1/8 եզրափակիչ՝ շարունակելով պայքարը տիտղոսի համար: