Category: TopNews.am

Էլեկտրական ցանցի անվտանգ և հուսալի շահագործումն ապահովելու համար պլանային անջատումներն անհրաժեշտ են։ Դրանք հնարավորություն են տալիս էլեկտրական ցանցերի սպասարկման, վերանորոգման, արդիականացման և նոր ենթակառուցվածքների կառուցման աշխատանքներն իրականացնել անվտանգ և վերահսկելի պայմաններում։

Այս մասին հայտնում է ՀԷՑ-ը։

Պլանային անջատումների հիմնական պատճառներից են՝
Վթարների կանխարգելում – իրականացվում են էլեկտրական ցանցի սարքավորումների և ենթակառուցվածքների տեխնիկական վիճակի ստուգման, սպասարկման և անհրաժեշտության դեպքում՝ վերանորոգման աշխատանքներ՝ հնարավոր վթարային իրավիճակները կանխելու նպատակով։

Նոր ենթակառուցվածքների կառուցում և ցանցի արդիականացում – օդային կամ մալուխային նոր գծերի կառուցման, ինչպես նաև ենթակայաններում և այլ ենթակառուցվածքներում սարքավորումների տեղադրման ընթացքում, անվտանգության պահանջներից ելնելով, որոշ դեպքերում անհրաժեշտ է ժամանակավորապես դադարեցնել էլեկտրակամատակարարումը։

Էլեկտրական ցանցի թողունակության ընդլայնում – նոր բաժանորդների միացման դեպքում իրականացվում են ցանցի վերակառուցման, հզորությունների ավելացման և անհրաժեշտ սարքավորումների տեղադրման աշխատանքներ՝ ցանցի լրացուցիչ ծանրաբեռնվածության հուսալի սպասարկումն ապահովելու համար։

Էլեկտրամատակարարման հուսալիության բարձրացում – փոխարինվում կամ արդիականացվում են շահագործման ժամկետը լրացած կամ տեխնիկապես մաշված գծերը, տրանսֆորմատորները, անջատիչները և այլ սարքավորումներ՝ էլեկտրամատակարարման հուսալիությունն ու անխափանությունը ապահովելու նպատակով։

Հարավային Կարոլինայում ձերբակալել են դերասանուհի Հեյդեն Պանետիերիի սիրեցյալ Բրայան Հիքերսոնին և նրա եղբորը՝ Զաքին։ Վկաների խոսքով՝ Հիքերսոն եղբայրները ծեծկռտուքի են բռնվել այն բանից հետո, երբ լսել են Պանետիերիի մահվան վերաբերյալ մեղադրանքները։ Ականատեսները տեսանկարահանել են, թե ինչպես է Բրայանը նետում բարային աթոռը։

Ոստիկանությունը ձերբակալել է երկու եղբայրներին։ Բրայանին ազատ են արձակել առանց ձերբակալման ձևակերպման, իսկ Զաքին մեղադրանք է առաջադրվել հասարակական կարգը խախտելու համար։

Ձերբակալությունից հետո Զաք Հիքերսոնը կապվել է TMZ-ի հետ և ասել, որ իրեն խիստ վրդովեցնում են եղբոր հասցեին հնչող լուրերն ու մեղադրանքները։

«Այն ամենը, ինչի միջով ստիպված ենք եղել անցնել, և այս լուրերը անհավանականորեն վրդովեցուցիչ են։ Հետո մարդիկ հավատում են դրանց և հարձակվում մեզ վրա այդ ենթադրությունների պատճառով։ Դա ինձ զայրացնում է»,- ասել է Հեյդեն Պանետիերիի սիրեցյալի եղբայրը։

Հիշեցնենք, որ Հեյդեն Պանետիերին մահացել է օգոստոսի 16-ին։ Հենց Բրայան Հիքերսոնն է հայտնաբերել նրա մարմինը և շտապօգնություն կանչել։ Դերասանուհու մահից հետո նրա մայրը՝ Լեսլի Վոգելը, բացասական վերաբերմունք է հայտնել դստեր սիրեցյալի նկատմամբ։

Առողջապահության նախարարությունից տեղեկացնում են, որ Հայաստանի Արագ արձագանքման բժշկական թիմը պատրաստվում է միջազգային որակավորման:

Ձևավորման ավարտական փուլում գտնվող թիմը կարող է ներգրավվել ինչպես Հայաստանում արտակարգ իրավիճակների հետևանքով տուժածներին բուժօգնություն տրամադրելու աշխատանքներին, այնպես էլ, անհրաժեշտության դեպքում, Հայաստանից դուրս միջազգային մարդասիրական առաքելություններին:
 
Թիմն անցել է համապատասխան դասընթացներ, վերապատրաստումներ թե՛ Հայաստանում, թե՛ արտերկրում, ապահովված է դաշտային պայմաններում առնվազն 14 օր ինքնաբավ գործունեություն ծավալելու համար համապատասխան լոգիստիկ և բժշկական գույք-պարագա-սարքավորումներով:
 
Մանրամասները՝ տեսանյութում։

Ազգային ժողովը սեպտեմբերի 15-ի նիստում երկրորդ ընթերցմամբ քննարկված նախագծեր:

Ըստ այդմ՝ երկրորդ ընթերցմամբ և ամբողջությամբ ընդունվեց լիազորությունները ստանձնած Կառավարության անդամի երդման տեքստի վերախմբագրման մասին՝ ««Կառավարության կառուցվածքի և գործունեության մասին» օրենքում փոփոխություն կատարելու մասին» նախագիծը: Ըստ հիմնավորման՝ գործող տեքստն ամբողջապես չի արտացոլում պետության հարատևության, սերունդների առջև պատասխանատվության, պետականության ամրապնդման և զարգացման առանցքային տարրերը:

Կառավարության անդամի երդման տեքստը այսուհետ հետևյալն է. «Հանուն Հայաստանի Հանրապետության հարատևության, անկախության, ինքնիշխանության և զարգացման՝ երդվում եմ բարեխղճորեն կատարել Կառավարության անդամի պարտականություններս, պահպանել Հայաստանի Հանրապետության Սահմանադրությունը և օրենքները, ծառայել հանրային շահին, պաշտպանել պետական շահը, նպաստել Հայաստանի Հանրապետության պետականության և սահմանադրական կարգի ամրապնդմանը և գործել ի շահ ներկա և ապագա սերունդների»:

Երկրորդ ընթերցմամբ և ամբողջությամբ ընդունվեց համայնքները խոշորացնելու մասին նախագիծը, համաձայն որի՝ Վանաձոր և Փամբակ համայնքների միավորման արդյունքում Լոռու մարզում կձևավորվի նոր՝ Վանաձոր համայնք՝ 22 բնակավայրով, իսկ Արարատի մարզի Արարատ և Վեդի համայնքների միավորման արդյունքում կձևավորվի Արարատ խոշորացված համայնք՝ 32 բնակավայրով:

Հաքան Ֆիդանին ընդունել է Ադրբեջանի արտաքին գործերի նախարար Ջեյհուն Բայրամովը: Դիվանագետները քննարկել են տնտեսական, առևտրային հարաբերությունները, ներդրումները, տրանսպորտային և լոգիստիկ հարցեր, անդրադարձել անվտանգության և պաշտպանության ոլորտներին:

Ֆիդանը և Բայրամովը մտքեր են փոխանակել Հայաստան-Ադրբեջան կարգավորման ուղղությամբ վերջին մեկ տարում արձանագրված առաջընթացի, նաև տարածաշրջանային խաղաղության և համագործակցության ապահովմանն ուղղված գործնական քայլերի շուրջ։

ԵՄ հատուկ ներկայացուցիչը Հարավային Կովկասի և Վրաստանի ճգնաժամի հարցերով Մագդալենա Գրոնոն Հայաստանում հերթական հանդիպումների շարքն է անցկացրել։ Նա հանդիպել է փոխվարչապետ Մհեր Գրիգորյանի, Անվտանգության խորհրդի քարտուղար Ալեն Սիմոնյանի, ԱԳ նախարարի տեղակալ Վահան Կոստանյանի և փորձագիտական շրջանակների ներկայացուցիչների հետ։

Գրոնոն Երևանում հանդիպել է նաև տեղահանված Ղարաբաղի հայերի հետ և քաղաքացիական հասարակության ներկայացուցիչների հետ՝ նրանց մտահոգություններին ու իրավիճակին ծանոթանալու համար։ Նա այցելել է նաև Մեսրոպ Մաշտոցի անվան Մատենադարան՝ ծանոթանալով հայկական մշակութային ժառանգությանը։

ԵՄ հատուկ ներկայացուցիչը նշել է, որ Եվրամիությունը շարունակելու է աջակցել Հայաստանի և Ադրբեջանի միջև ընթացող խաղաղության գործընթացին։

Նշենք, որ այս այցը հաջորդում է նրա՝ Ադրբեջան կատարած այցին։

Ֆրանսիան փորձում է հասնել ռուս գործարար Ալիշեր Ուսմանովի՝ Եվրամիության պատժամիջոցների ցուցակից հանելուն՝ Ադրբեջանում ձերբակալված ֆրանսիացի քաղաքացիների ազատ արձակման հարցում առաջընթաց ապահովելու նպատակով։ Այս մասին հայտնում է Euronews-ը՝ վկայակոչելով բանակցություններին ծանոթ եվրոպացի պաշտոնյաների և դիվանագետների։

Փարիզի դիրքորոշումը բարդացրել է Ռուսաստանի դեմ ԵՄ պատժամիջոցների երկարաձգման շուրջ բանակցությունները։ ԵՄ անդամ երկրների դեսպանները որոշել են պատժամիջոցների գործողությունը երկարաձգել ևս մեկ շաբաթով՝ մինչև սեպտեմբերի 22-ը՝ փոխզիջում գտնելու համար։

Ուսմանովը ԵՄ պատժամիջոցների ցուցակում ընդգրկվել էր Ռուսաստանի՝ Ուկրաինայի դեմ լայնածավալ պատերազմի սկսվելուց հետո։ Նա հերքում է մեղադրանքները և շարունակում է պահանջել իր անունը ցուցակից հանել։

Ֆրանսիայի նախաձեռնությանը դեմ են մի շարք եվրոպական երկրներ։ Ուկրաինայի նախագահ Վլադիմիր Զելենսկին ևս քննադատել է հնարավոր որոշումը՝ հայտարարելով, որ ներկայում պատժամիջոցների թուլացման ժամանակը չէ։

Սեպտեմբերի 4-ին Համայնքային ոստիկանության Կենտրոնական բաժնում օպերատիվ տեղեկություններ էին ստացվել, որ Արշակունյաց պողոտայի թաղամասերից մեկում 33-ամյա տղամարդը վիճաբանել է  մեկ այլ անձի հետ։ Միջադեպի վերաբերյալ ՆԳՆ ոստիկանությունում որևէ ահազանգ չէր ստացվել։

Վիճաբանության ընթացքում 33-ամյա տղամարդը, հասարակության նկատմամբ բացահայտ անհարգալից վերաբերմունք դրսևորելով և կոպտորեն խախտելով հասարակական կարգը, բարձրաձայն հայհոյանքներ է հնչեցրել, ապա, իր առավելությունն ընդգծելու նպատակով, «Տոյոտա» մակնիշի ավտոմեքենայի բեռնախցիկից վերցրել է հրազենի նմանվող առարկա և, շարունակելով հայհոյանքներ հնչեցնել հետապնդել է նշված անձին։

Համայնքային ոստիկանության Կենտրոնական բաժնի ծառայողների ձեռնարկած միջոցառումների և բացատրական աշխատանքի արդյունքում տղամարդը ներկայացել է Ոստիկանություն։

Խուլիգանություն կատարելու անմիջականորեն ծագած հիմնավոր կասկածի հիմքով նա ձերբակալվել և կազմված փաստաթղթերով ներկայացվել է քննչական բաժին։

https://www.youtube.com/watch?v=DiB21RkyIBE

Կատարվում է նախաքննություն։