Category: TopNews.am

Անվանի ֆրանսիացի նախկին մարզիչ Արսեն Վենգերը, որը ժամանակին գլխավորում էր Լոնդոնի «Արսենալը», խոսել է Անգլիայի Պրեմիեր լիգայի չեմպիոնական մրցավազքի ելքի մասին։

Նշենք, որ այսօր՝ ապրիլի 22-ին «Մանչեսթեր Սիթին» սեփական հարկի տակ կընդունի «Բարնլիին», իսկ «Արսենալն» առաջիկա շաբաթ օրը կմրցի «Նյուքասլի» հետ։

Եթե ​​Հայաստանը միանա Եվրամիությանը, հանրապետությունը կարող է կորցնել իր համախառն ներքին արդյունքի (ՀՆԱ) առնվազն 23%-ը, ապրիլի 22-ին հայտարարել է Ռուսաստանի Անվտանգության խորհրդի փոխքարտուղար Ալեքսեյ Շևցովը։ «Ընդհանուր առմամբ, ԵՄ-ին միանալը, ամենահամեստ և պահպանողական գնահատականներով, Հայաստանին կարժենա ՀՆԱ-ի մոտավորապես 23%-ը», – ասել է նա։

Շևցովը նաև նշել է, որ ԵՄ-ին միանալը կհանգեցնի աշխատաշուկայի զգալի կրճատման՝ 10.50 տոկոսային կետով և գնաճի՝ 22.60 տոկոսային կետով աճի: Այս փոփոխությունները, ըստ նրա, կհանգեցնեն երկրում կենսամակարդակի զգալի անկման։ Մասնավորապես, Հայաստանում ներքին սպառումը կարող է նվազել ավելի քան 20%-ով՝ ներկայիս մակարդակից: Միևնույն ժամանակ, սպասվում է էներգակիրների, այդ թվում՝ բնական գազի գների հետագա աճ:

Թրամփի վարչակազմը կտրուկ քայլերի է դիմել Բաղդադի նկատմամբ՝ դադարեցնելով կանխիկ դոլարի մատակարարումները և սառեցնելով անվտանգության ոլորտում իրականացվող համագործակցության ծրագրերը։

Ինչպես հաղորդում է «Wall Street Journal»-ը՝ հղում անելով ամերիկյան և իրաքյան պաշտոնական աղբյուրներին, ԱՄՆ ֆինանսների նախարարությունը վերջերս արգելափակել է Նյու Յորքի Դաշնային պահուստային բանկից շուրջ 500 միլիոն դոլար կանխիկ թղթադրամների տեղափոխումը Իրաք։ Այս միջոցները գոյացել էին իրաքյան նավթի վաճառքից և պետք է ուղղվեին երկրի ներքին կարիքներին։

Այս տնտեսական ճնշումն ուղղակիորեն կապված է Վաշինգտոնի պահանջի հետ, ըստ որի՝ Բաղդադը պետք է քայլեր ձեռնարկի երկրում գործող իրանամետ զինված խմբավորումների և միլիցիաների լուծարման ուղղությամբ։ Բացի ֆինանսական սահմանափակումներից, ԱՄՆ-ն իրաքյան կողմին տեղեկացրել է նաև հակաահաբեկչական և ռազմական վերապատրաստման մի շարք ծրագրերի ֆինանսավորման կասեցման մասին։

Այս որոշումը ուժի մեջ կմնա այնքան ժամանակ, քանի դեռ չեն դադարել հարձակումները ամերիկյան օբյեկտների վրա և Իրաքի իշխանությունները գործնական քայլեր չեն ձեռնարկել զինված խմբերի դեմ։

Թրամփի վարչակազմը կտրուկ քայլերի է դիմել Բաղդադի նկատմամբ՝ դադարեցնելով կանխիկ դոլարի մատակարարումները և սառեցնելով անվտանգության ոլորտում իրականացվող համագործակցության ծրագրերը։

Ինչպես հաղորդում է «Wall Street Journal»-ը՝ հղում անելով ամերիկյան և իրաքյան պաշտոնական աղբյուրներին, ԱՄՆ ֆինանսների նախարարությունը վերջերս արգելափակել է Նյու Յորքի Դաշնային պահուստային բանկից շուրջ 500 միլիոն դոլար կանխիկ թղթադրամների տեղափոխումը Իրաք։ Այս միջոցները գոյացել էին իրաքյան նավթի վաճառքից և պետք է ուղղվեին երկրի ներքին կարիքներին։

Այս տնտեսական ճնշումն ուղղակիորեն կապված է Վաշինգտոնի պահանջի հետ, ըստ որի՝ Բաղդադը պետք է քայլեր ձեռնարկի երկրում գործող իրանամետ զինված խմբավորումների և միլիցիաների լուծարման ուղղությամբ։ Բացի ֆինանսական սահմանափակումներից, ԱՄՆ-ն իրաքյան կողմին տեղեկացրել է նաև հակաահաբեկչական և ռազմական վերապատրաստման մի շարք ծրագրերի ֆինանսավորման կասեցման մասին։

Այս որոշումը ուժի մեջ կմնա այնքան ժամանակ, քանի դեռ չեն դադարել հարձակումները ամերիկյան օբյեկտների վրա և Իրաքի իշխանությունները գործնական քայլեր չեն ձեռնարկել զինված խմբերի դեմ։

ՀՀ դպրոցականները ոսկե, արծաթե և բրոնզե մեդալներ են նվաճել IATI ինֆորմատիկայի միջազգային 17-րդ օլիմպիադայում, որն անցկացվել է Բուլղարիայի կրթության և գիտության նախարարության աջակցությամբ:

Ընթացիկ ուսումնական տարում օլիմպիադան անցկացվել է առցանց ձևաչափով երկու տարիքային խմբերի համար՝ ավագ (10-12-րդ դասարաններ) և կրտսեր (7-9-րդ դասարաններ)։ Հայաստանից օլիմպիադային մասնակցել է 6 ուսումնական հաստատության (Ա․ Շահինյանի անվան ֆիզմաթ դպրոց, «Քվանտ» վարժարան, Այբ դպրոց, Գյումրու Ֆոտոն վարժարան, Գյումրու թիվ 7 և թիվ 41 հիմնական դպրոցներ) 20 աշակերտ։ Հայաստանի մասնակիցներից 11-ն ավագ, իսկ 9-ը՝ կրտսեր տարիքային խմբի 9 աշակերտներ են։

Ավագ տարիքային խմբում Հայաստանի թիմն արժանացել է 1 արծաթե (Գրիգորյան Ալեքս՝ «Քվանտ» վարժարան, 12-րդ դասարան) և 5 բրոնզե (Մացակյան Տիգրան, Գյոզալյան Վահագն՝ Ա․ Շահինյանի անվան ֆիզմաթ դպրոց, 11-րդ դասարան, Գրիգորյան Արեն, Մանուկյան Հայկ՝ «Քվանտ» վարժարան, 10-րդ դասարան, Համբարյան Մամիկոն՝ Գյումրու թիվ 41 հիմնական դպրոց, 9-րդ դասարան) մեդալների։ Վերջին մասնակիցը ցանկություն էր հայտնել մասնակցելու ավագ տարիքային խմբում։

Կրտսեր տարիքային խմբում մեր թիմն արժանացել է 1 ոսկե (Քոչարյան Վաչե՝ «Քվանտ» վարժարան, 8-րդ դասարան) և 2 բրոնզե (Խոնդկարյան Հերբերտ՝ Ա․ Շահինյանի անվան ֆիզմաթ դպրոց, 9-րդ դասարան, Ադամյան Հայկ՝ «Քվանտ» վարժարան, 7-րդ դասարան) մեդալների։

Հայաստանի դպրոցականների օլիմպիական թիմերը ղեկավարել են Արմեն Անդրեասյանը (ԵՊՀ դասախոս), Սամվել Անդրեասյանը և Ռոբերտ Քոչարյանը (ԵՊՀ մագիստրանտներ)։ Աշակերտների առցանց մասնակցությունն իրականացվել է ԵՊՀ Ինֆորմատիկայի և կիրառական մաթեմատիկայի ֆակուլտետի աջակցությամբ։

Օլիմպիադային մասնակցել է 16 երկրի 440 աշակերտ (ավագ տարիքային խումբ՝ 285 աշակերտ, կրտսեր տարիքային խումբ՝ 155 աշակերտ):

Բնապահպանական մարտահրավերներին ներդաշնակ դիմակայելու, էկոլոգիական մշակույթի շարունակական զարգացման նպատակով Շրջակա միջավայրի նախարարության «Հայանտառ» ՊՈԱԿ-ի նախաձեռնությամբ #Երկրի_օրվա շրջանակում հանրապետության մարզերում մեկնարկում է գարնանային ծառատնկման գործընթաց։ Այս մասին տեղեկացնում են ՀՀ շրջակա միջավայրի նախարարությունից:

ՊՈԱԿ-ի կողմից տնկիներ կտրամադրվեն այն համայնքներին, որոնք ունեն կանաչ տարածքներն ընդլայնելու անհրաժեշտություն, ոռոգման հնարավորություն և պատրաստակամություն՝ տնկիների խնամքն ու պահպանումն ապահովելու համար։

Այս տարի տնկումները կիրականացվեն հիմնականում հացենու, սոճու, ուռենու տեսականիով։ Մարզերից ստացված տվյալների հիման վրա շուրջ 25000 տնկիներ կբաշխվեն ՊՈԱԿ-ի Վանաձորի, Տաշիրի, Հրազդանի «Անտառտնտեսություն» մասնաճյուղերից։

Ծառատկման աշխատանքները և հետագա խնամքը ՊՈԱԿ-ի մասնագետների ուշադրության կենտրոնում կլինեն։

Արձանագրված արդյունքի հիման վրա, ըստ անհրաժեշտության, աշնանը կկատարվեն լրացման աշխատանքներ։

Յուրաքանչյուր տնկված և խնամված ծառ փոքր թվացող, բայց կարևոր ներդրում է երկրում՝ որ փոխադարձվում է մաքուր օդի, առողջ միջավայրի և կայուն բնության տեսքով։

Եվրոպական հանձնաժողովը փորձում է արդարացնել իր նախագահ Ուրսուլա ֆոն դեր Լայենի կողմից Թուրքիայի մասին արված վիճահարույց արտահայտությունը։ «Արմենպրես»-ի փոխանցմամբ՝ այս մասին հաղորդում է Bloomberg-ը։

Ապրիլի 19-ին Համբուրգում Die Zeit թերթի 80-ամյակին նվիրված միջոցառման ժամանակ ելույթում ֆոն դեր Լայենն ընդգծել էր իր աջակցությունը Եվրամիության ընդլայնմանը և ասել. «Մենք պետք է հաջողության հասնենք Եվրոպական մայրցամաքի ամբողջականացման գործում, որպեսզի այն ազդեցության չենթարկվի Ռուսաստանի, Թուրքիայի կամ Չինաստանի կողմից»։

Ըստ Bloomberg-ի աղբյուրի՝ Թուրքիան այս մեկնաբանությունից հետո դիմել է Եվրահանձնաժողով՝ պարզաբանում ստանալու, թե որքան հստակ է ֆոն դեր Լայենի հայտարարությունը փոխանցվել ԶԼՄ-ների կողմից։ Եվրահանձնաժողովից էլ հայտնել են, թե նրա խոսքերը կտրված են եղել համատեքստից։

«Թուրքիայի հիշատակումը նրա աշխարհաքաղաքական ազդեցության, չափերի և հավակնությունների ճանաչում էր, մասնավորապես՝ Արևմտյան Բալկաններում, և չէր ենթադրում համեմատություն որևէ այլ երկրի հետ», – Bloomberg-ին ասել է Եվրահանձնաժողովի խոսնակ Պաուլա Պինյուն։

Ֆոն դեր Լայենի վերջին դիտարկումներն ապրիլի 21-ին քննադատել է նաև ԵՄ խորհրդարանում Թուրքիայի հարցերով զեկուցող Նաչո Սանչես Ամորը։ Նա նշել է, որ Եվրոպայի վրա ազդեցություն գործելու առումով Թուրքիան Ռուսաստանի և Չինաստանի հետ միասին ներկայացնելն «աշխարհաքաղաքական առումով սխալ» է։

«Իր վերջին ելույթներից մեկում Եվրահանձնաժողովի նախագահ ֆոն դեր Լայենը ներկայացրել է Թուրքիան որպես Ռուսաստանի և Չինաստանի հետ միասին Եվրոպայի վրա ազդեցություն գործող երկիր։ Սա բացարձակապես անհամատեղելի է անվտանգության և պաշտպանության ոլորտներում ավելի ուժեղ համագործակցության վերաբերյալ կրկնվող ազդանշանների հետ և աշխարհաքաղաքական առումով սխալ վերլուծություն է», – գրել է նա X սոցիալական հարթակում։

Ոստիկանության տարածքային ստորաբաժանումների ծառայողների բացատրական աշխատանքի արդյունքում շարունակվում են ապօրինի պահվող զենք-զինամթերքի կամավոր հանձնման դեպքերը:

Քրեական ոստիկանության Տավուշի մարզային վարչության ծառայողների բացատրական աշխատանքի արդյունքում ապրիլի 17-ին Ոստիկանություն զանգած քաղաքացին հայտնել էր, որ Ազատամուտ գյուղի հարակից դաշտում գտնվող կիսաքանդ շինության մոտ զենք-զինամթերք է թողել։

Քրեական ոստիկանները նշված վայրում հայտնաբերել են «ԱԿ» տեսակի ինքնաձիգ, «ՏՕԶ» տեսակի ակոսափող հրացան, նռնականետի 8 արկ, նռնականետի արկի 17 լիցքավորիչ և տարբեր տրամաչափի 1655 փամփուշտ։ 

Ոստիկանությունը հորդորում է ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։