Category: TopNews.am

Շիրակի մարզի Արթիկ համայնքում մարտի 27-ից մեկնարկել են թափառող կենդանիների՝ մասնավորապես շների ստերջացման աշխատանքները։ Ինչպես տեղեկանում ենք Արթիկի համայնաքապետարանից, ապրիլի 9-ի դրությամբ արդեն ստերջացվել է 103 թափառող կենդանի։

Ծրագիրն ունի ընդգրկուն աշխարհագրություն և իրականացվելու է համայնքի ողջ տարածքում՝ ներառելով թե՛ Արթիկ քաղաքը, թե՛ համայնքի կազմում գտնվող բոլոր 23 գյուղական բնակավայրերը։

Ընդհանուր առմամբ, նախատեսվում է ստերջացնել 455 թափառող կենդանի, ինչը նպատակ ունի կանոնակարգել կենդանիների թիվը և բարձրացնել համայնքի անվտանգության մակարդակը։

Աշխատանքների արդյունավետությունն ապահովելու և թյուրիմացություններից խուսափելու նպատակով համայնքապետարանը հորդորում է բնակչությանը լինել հետևողական և իրենց շներին պահել բակային հատվածներում։  

Հայաստան-Ադրբեջան սահմանի՝ 12 կիլոմետրանոց հատվածի սահմանազատումն էլ է շատ կարևոր գործոն Հայաստան-Ադրբեջան թշնամանքի հաղթահարման առումով: Իմ համոզմամբ՝ դրանով մեկնարկ է տրվել այդ թշնամանքի հաղթահարմանը: Այդ մասին Ազգային ժողովի՝ ապրիլի 15-ի նիստին ասաց վարչապետ Նիկոլ Փաշինյանը Կառավարության ծրագրի կատարման ընթացքի և արդյունքների մասին տարեկան զեկույցը ներկայացնելիս:

«Այն, որ Կիրանցի դպրոցն Ադրբեջանի հետ սահմանից 50 մետր հեռավորության վրա է գտնվում, այլևս սարսափելի չի հնչում Կիրանցի դպրոցի աշակերտների համար: Սա իմ ասածի ամենավառ վկայությունն է: Այսօր Կիրանցի դպրոցի աշակերտներն Ադրբեջանից 50 մետր հեռավորության վրա դասի են գնում, 30 մետր հեռավորության վրա ֆուտբոլ են խաղում. սա խաղաղություն է, խաղաղությունը սա է:

Խաղաղությունը նաև այն է, որ արդեն ավելի քան 2 տարի Հայաստան-Ադրբեջան փոխհրաձգության հետևանքով ո՛չ զոհ ունենք, ո՛չ վիրավոր: ՀՀ սահմանամերձ գյուղերում կրակոցի ձայներ չեն լսվում:

Ոչ միայն կրակոցի ձայներ չեն լսվում, այլև ՀՀ սահմանամերձ գյուղերում ավելի քան 3600 նոր առանձնատներ են կառուցվում Կառավարության նախաձեռնած տնաշինական ծրագրով, որ հանրության շրջանում հայտնի է որպես 16 միլիոնի ծրագիր, ավելի քան 3600 նոր տուն սահմանամերձ այնպիսի բնակավայրերում, որոնց ճնշող մեծամասնությունում անկախությունից ի վեր գործնականում ոչ մի տուն չէր կառուցվել: Հասկանո՞ւմ եք՝ 3600 տուն: Դրանց զգալի մասը այնպիսի բնակավայրերում է, որտեղ ավելի քան 33 տարվա պետության գոյության ընթացքում ոչ մի տուն չի կառուցվել»,- ասաց նա՝ հավելելով, որ սահմանամերձ բնակավայրերում նաև դպրոցների ու մանկապարտեզների շինարարության նախագծեր են իրականացվում:

Լեհաստանի Կատովիցե քաղաքում շարունակվում է 2026 թվականի շախմատի Եվրոպայի անհատական առաջնությունը:

Հայ գրոսմայստերներ Շանթ Սարգսյանը և Հայկ Մարտիրոսյանը 7 հնարավորից ունեն 5.5 միավոր և կիսում են 5-րդ հորիզոնականը:

Մրցաշարի առաջատարներն են Այդին Սուլեյմանլին, Նիկոլոզի Կաչարավան, Յան Մալեկը և Դավիդ Անտոն Գիխարոն, ովքեր ունեն 6 միավոր:

Հայ շախմատիստներից 5 միավորով առաջատարների շարքում են նաև գրոսմայստերներ Ռոբերտ Հովհաննիսյանը և Էմին Օհանյանը:

Գրոսմայստերներ Մամիկոն Ղարիբյանը, Մանուէլ Պետրոսյանը, միջազգային վարպետներ Արսեն Դավթյանը, Վահե Սուքիասյանը, Արթուր Դավթյանը, Ռոբերտ Փիլիպոսյանը, ինչպես նաև ՖԻԴԵ-ի վարպետ Տիգրան Համբարձումյանը ունեն 4.5 միավոր։

Գաբրիել Սարգսյանը ունի 4 միավոր:

8-րդ խաղափուլը կմեկնարկի ապրիլի 15-ին՝ Հայաստանի ժամանակով 17:00-ին:

Բուքինգհեմյան պալատից հայտնել են, որ ապրիլի 27-ից 30-ը Մեծ Բրիտանիայի թագավոր Չարլզ III-ը և թագուհի Կամիլան կայցելեն Վաշինգտոն, Նյու Յորք և Վիրջինիա՝ մասնակցելով մի շարք հանրային միջոցառումների, որոնք նվիրված են ԱՄՆ անկախության 250-ամյակին։

Չարլզը և Թրամփը առանձին հանդիպում կունենան, ինչպես նաև Կամիլան և Մելանիան։ Ավելի ուշ Չարլզը ելույթ կունենա ԱՄՆ Կոնգրեսի համատեղ նիստում՝ դառնալով երկրորդ բրիտանական միապետը, ով նման ելույթ է ունենում․ նրանից առաջ դա արել էր նրա մայրը՝ թագուհի Էլիզաբեթ II-ը, որը 1991 թվականին ելույթ էր ունեցել Կապիտոլիումում։

Կկազմակերպվի նաև պետական ընթրիք և զոհված զինվորների հիշատակի արարողություն՝ «նշելու Մեծ Բրիտանիայի և ԱՄՆ-ի միջև ռազմական գործընկերությունը», որը վերջին շաբաթներին որոշ լարվածություն է ապրել, քանի որ Մեծ Բրիտանիան հրաժարվել է ավելի խորը ներգրավվածություն ունենալ Իրանի դեմ պատերազմում։

Բուքինգհեմյան պալատից հայտնել են, որ ապրիլի 27-ից 30-ը Մեծ Բրիտանիայի թագավոր Չարլզ III-ը և թագուհի Կամիլան կայցելեն Վաշինգտոն, Նյու Յորք և Վիրջինիա՝ մասնակցելով մի շարք հանրային միջոցառումների, որոնք նվիրված են ԱՄՆ անկախության 250-ամյակին։

Չարլզը և Թրամփը առանձին հանդիպում կունենան, ինչպես նաև Կամիլան և Մելանիան։ Ավելի ուշ Չարլզը ելույթ կունենա ԱՄՆ Կոնգրեսի համատեղ նիստում՝ դառնալով երկրորդ բրիտանական միապետը, ով նման ելույթ է ունենում․ նրանից առաջ դա արել էր նրա մայրը՝ թագուհի Էլիզաբեթ II-ը, որը 1991 թվականին ելույթ էր ունեցել Կապիտոլիումում։

Կկազմակերպվի նաև պետական ընթրիք և զոհված զինվորների հիշատակի արարողություն՝ «նշելու Մեծ Բրիտանիայի և ԱՄՆ-ի միջև ռազմական գործընկերությունը», որը վերջին շաբաթներին որոշ լարվածություն է ապրել, քանի որ Մեծ Բրիտանիան հրաժարվել է ավելի խորը ներգրավվածություն ունենալ Իրանի դեմ պատերազմում։

ՀՀ կրթության, գիտության, մշակույթի և սպորտի նախարարության ֆինանսավորմամբ և աջակցությամբ Կարեն Դեմիրճյանի անվան մարզահամերգային համալիրի մեծ դահլիճում տեղի է ունեցել Հայաստանի պետական սիմֆոնիկ նվագախմբի 20-ամյակին նվիրված գալա համերգը, որի հատուկ հյուրն էր աշխարհահռչակ դաշնակահար Լանգ Լանգը։

Համերգին հետևել են ԿԳՄՍ նախարար Ժաննա Անդրեասյանը, նախարարի տեղակալ Դանիել Դանիելյանը, պաշտոնատար այլ անձինք, արվեստասերներ:

Լանգ Լանգը Հայաստան է այցելել առաջին անգամ: Անվանի երաժիշտը Հայաստանի պետական սիմֆոնիկ նվագախմբի հետ կատարել է Սերգեյ Ռախմանինովի Դաշնամուրի թիվ 2 կոնցերտը։ Համերգը ղեկավարել է Սերգեյ Սմբատյանը։ Հոբելյանական համերգի երկրորդ հատվածում Հայաստանի պետական սիմֆոնիկ նվագախումբը ներկայացրել է հանրության կողմից սիրված նախագծերից կատարումներ՝ անվանի հայ արտիստների մասնակցությամբ։

Միջոցառումը ևս մեկ կարևոր քայլ էր ԿԳՄՍ նախարարության մշակութային քաղաքականության իրականացման և միջազգային բարձրակարգ արվեստագետների մասնակցությամբ համերգային կյանքի ակտիվացման ուղղությամբ: Համերգի կազմակերպման նպատակով Կառավարությունը 106 մլն ՀՀ դրամ գումար էր հատկացրել:

ԿԳՄՍՆ-ից նշում են, որ 2009 թվականին Time ամսագիրը Լանգ Լանգին ընդգրկել է աշխարհի 100 ամենաազդեցիկ մարդկանց ցանկում։ Նա նաև Lang Lang International Music Foundation-ի հիմնադիրն է, որն ուղղված է երիտասարդ տաղանդների բացահայտմանն ու երաժշտական կրթության զարգացմանը։

Նվագախմբի 20-րդ հոբելյանական համերգաշրջանը մեկնարկել է դեռևս սեպտեմբերից և ներառում է մի շարք հետաքրքիր նախագծեր, մեծամասշտաբ համերգներ Երևանում, մարզերում և արտերկրում:

«Բարսելոնայի» կիսապաշտպան Ֆերմին Լոպեսը կոտրել է քիթը՝ դեմքով ընկնելով «Ատլետիկոյի» դարպասապահ Խուան Մուսոյի խաղակոշիկի շիպերի վրա։ Միջադեպը գրանցվել է Չեմպիոնների լիգայի 2025/2026 մրցաշրջանի քառորդ եզրափակչի պատասխան խաղում։

Մրցաշարի 1/8 եզրափակչում «կապտանռնագույնները» երկու խաղերի արդյունքում 8:3 հաշվով առավելության էին հասել «Նյուքասլի» նկատմամբ, իսկ մադրիդցիները նույն փուլում պայքարից դուրս էին թողել «Տոտենհեմին» (7:5):

Հայաստանի պետական սիմֆոնիկ նվագախմբի հիմնադրման 20-ամյակի կապակցությամբ կայացել է աշխարհահռչակ դաշնակահար Լանգ Լանգի համերգը, որի մեկնարկից առաջ ՀՀ ԿԳՄՍ նախարար Ժաննա Անդրեասյանը պարգևատրել է ոլորտի միջազգային անվանի ներկայացուցիչների:

Երաժշտարվեստի ոլորտում ունեցած նշանակալի ավանդի, միջազգային գործընկերային կապերն ու ձեռքբերումներն ամրապնդելու համար, ինչպես նաև Հայաստանի պետական սիմֆոնիկ նվագախմբի հիմնադրման 20-ամյա հոբելյանի կապակցությամբ ՀՀ կրթության, գիտության, մշակույթի և սպորտի նախարարության մեդալով են պարգևատրվել՝

• Մերձավոր Արևելքի առաջատար կատարողական արվեստի կենտրոնի՝ Dubai Opera-ի ղեկավար, մշակութային հեղինակավոր գործիչ, գիտնական Պաոլո Պետրոչելլին,
• Royal Opera House Muscat օպերային թատրոնի գլխավոր տնօրեն և գեղարվեստական ղեկավար Ումբերտո Ֆաննին,
• Բազմակի Գրեմմի մրցանակակիր, դասական երաժշտության ձայնային ռեժիսոր և պրոդյուսեր Քրիստոֆեր Ալդերը,
• Ջութակահար, Jingse International Culture and Education կազմակերպության նախագահ Յուան Յուանը,
• Միջազգային երաժշտական փառատոնների և մրցույթների նախագահ, մշակութային գործիչ և բարերար Կոնստանտին Իշխանովը:

Անվանի արվեստագետներն իրենց գործունեությամբ մեծ ներդրում են ունեցել հայ կատարողական արվեստի և հայ դասական երաժշտարվեստի տարածման գործում։ Նրանց աջակցությամբ իրականացվել են նաև Հայաստանի պետական սիմֆոնիկ նվագախմբի մի շարք կարևոր նախագծեր, որոնք նպաստել են հայկական երաժշտարվեստի ներկայացմանը միջազգային բեմերում և Հայաստանի ու արտերկրի միջև մշակութային կապերի ամրապնդմանը։