julbaz.mediamonitoring.am

Հանձնաժողովի նախագահ Վանիկ Օհանյանն իր խոսքում կարևորել է համակարգի ներդրումը՝ նշելով, որ այն պատմական է և անհրաժեշտ, ինչն էապես բարելավել է բնակչության կյանքի որակը:

ՀՀ առողջապահության նախարար Անահիտ Ավանեսյանը պատգամավորներին ներկայացրել է առողջության համընդհանուր ապահովագրության համակարգը ներդնելուց հետո 3 ամսվա տվյալները: Հիշեցնենք, որ 2025 թվականի դեկտեմբերի 25-ից ուժի մեջ է մտել «Առողջության համընդհանուր ապահովագրության մասին» օրենքը, որի արդյունքում 2026 թվականի հունվարի 1-ից Հայաստանում իրականացվում է առողջության համընդհանուր ապահովագրության փուլային ներդրում:

Անահիտ Ավանեսյանի խոսքով՝ հունվարի 1-ից սկսած քաղաքացիներն այս համակարգում սպասարկվել են: Եռամսյակի տվյալներով առողջության համընդհանուր ապահովագրության համակարգի շահառու է 1 մլն 700 հազար քաղաքացի:

«Մեր կանխատեսումներով՝ մոտ 1 մլն 600 հազար քաղաքացի պետք է ունենայինք: Ըստ էության, ավելի շատ են, և սա մի քանի հանգամանքի հետ է կապված: Ուրախությամբ պետք է նշեմ, որ ունենք տեղաշարժ մինչև 200 հազար դրամ աշխատավարձ ստացող անձանցից դեպի 200 հազարից ավելի աշխատավարձ ստացող անձինք: Եվ այս թիվը տասնյակ հազարների մասին է»,- պարզաբանել է Անահիտ Ավանեսյանը:

Ըստ նախարարի՝ 614.226 հազար շահառու համակարգի շրջանակում արդեն ստացել է տարբեր ծառայություններ: Նրանց մեծ մասը 65+ տարիքի անձինք են: Բժշկական այդ ծառայություններից օգտված քաղաքացիներից 67.979-ն առաջին անգամ է սպասարկվել պետպատվերի շրջանակում: Նախարարը պարզաբանել է, որ այս թիվը վերաբերում է միայն մարտ ամսին: Փետրվարին այն կազմել է 42 հազար, հունվարին՝ 16 հազար:

Վիրահատվել է 68.000 քաղաքացի, իսկ ամբուլատոր հետազոտությունների թիվը կազմել է 1 մլն 386 հազար: Դեղերի դուրսգրման թիվը եղել է 458 հազար:

Առողջության համընդհանուր ապահովագրության համակարգում ընդգրկված է 2400 ծառայություն, որը լրամշակվելու է՝ ելնելով ստացված տվյալներից: Նախատեսվում է, որ շեշտակի փոփոխություններ չեն լինի: Համակարգի շրջանակում սպասարկվողների 58 տոկոսը եղել են կանայք, 42 տոկոսը՝ տղամարդիկ: 646 հազար շահառու երեխաներից (0-18 տարեկան) համակարգի ծառայություններից օգտվել է 28 տոկոսը:

«Ուզում եմ հատուկ ընդգծել, որ մեր ակտուարական հաշվարկներն այս երեք ամիսների մասով ցույց են տալիս, որ դրանք ճիշտ են եղել, և եռամսյակի արդյունքներով մենք մեր ծախսերի և մուտքագրումների առումով բալանսի մեջ ենք: Սա ևս ամենակարևոր նորություններից և փաստերից է»,- շեշտել է Անահիտ Ավանեսյանը:

Նախարարը ներկայացրել է նաև այլ տվյալներ, խոսել անելիքներից և առաջիկա ծրագրերից, պատասխանել պատգամավորների հարցերին:

Այս համատեքստում նա նշել է, որ հիվանդանոցային օղակում այսօր արդեն հերթեր չկան, և քաղաքացիներն իրենց անհրաժեշտ ծառայությունը կարող են ստանալ 2-3 շաբաթվա ընթացքում:

Նախարարը նաև կարևորել է բժշկական հաստատություններում  անհարկի ծառայությունները բացառելու անհրաժեշտությունը:

Աշխարհում կան քաղաքներ, որտեղ կյանքի արժեքը զգալիորեն բարձր է՝ պայմանավորված բնակարանի վարձավճարներով, ծառայությունների գներով, հարկերով և ընդհանուր կենսամակարդակով։ Միջազգային վարկանիշների (Numbeo, Mercer, Economist Intelligence Unit) համաձայն՝ ամենաթանկ քաղաքները հիմնականում ֆինանսական և բիզնես կենտրոններ են։  Ստորև ներկայացնում են առաջատար ամենաթանկ քաղաքներից մի քանիսը.

Սինգապուր

• Համարվում է աշխարհի ամենաթանկ քաղաքներից մեկը
• Բարձր գներ՝ բնակարանների, ավտոմեքենաների և կրթության ոլորտներում
• Զարգացած ֆինանսական և առևտրային կենտրոն

Ցյուրիխ

• Շվեյցարիայի ֆինանսական կենտրոն
• Բարձր աշխատավարձեր, բայց նաև բարձր ծախսեր
• Կյանքի բարձր որակ և կայուն տնտեսություն

Ժնև

• Միջազգային կազմակերպությունների կենտրոն
• Բնակարանների և ծառայությունների բարձր գներ
• Դիվանագիտական և բանկային կարևոր հաբ

Հոնկոնգ

• Անշարժ գույքի գներն աշխարհի ամենաբարձրերից են
• Սահմանափակ տարածք՝ բարձր պահանջարկով
• Ասիայի ֆինանսական կենտրոններից մեկը

Նյու Յորք

• ԱՄՆ-ի ամենաթանկ քաղաքներից մեկը
• Բարձր վարձավճարներ և ծառայությունների արժեք
• Համաշխարհային ֆինանսական և մշակութային կենտրոն

Տոկիո

• Մեծ մեգապոլիս՝ բարձր կենսամակարդակով
• Տրանսպորտի և սննդի ծախսերը բարձր են
• Տեխնոլոգիական և ֆինանսական կենտրոն

Լոնդոն

• Եվրոպայի ամենաթանկ քաղաքներից մեկը
• Բնակարանի բարձր գներ և հարկային բեռ
• Գլոբալ ֆինանսական կենտրոն

Ապրելու բարձր արժեքը պայմանավորված է՝

• բնակարանների սահմանափակ առաջարկով և բարձր պահանջարկով,
• բարձր աշխատավարձերով և կենսամակարդակով,
• զարգացած ենթակառուցվածքներով,
• միջազգային բիզնեսի և ներդրումների կենտրոնացվածությամբ։

Վերլուծաբանների կարծիքով՝ առաջիկա տարիներին կյանքի արժեքը կշարունակի աճել հատկապես այն քաղաքներում, որտեղ կենտրոնացած են ֆինանսական շուկաները և տեխնոլոգիական ընկերությունները։

Բաժանորդագրվեք մեր ալիքին Telegram-ում