Մոսկվայում մտադիր չեն ֆինանսավորել Հայաստանի անդամակցությունը Եվրամիությանը․ Լավրով

Ռուսաստանը չէր ցանկանա «վճարել» Հայաստանի եվրաինտեգրման համար այն արտոնությունների հաշվին, որոնք հանրապետությունն ստանում է ԵԱՏՄ-ին անդամակցության շնորհիվ։ Այս…

ՔՊ-ական պատգամավորը սխալ է հանում իրեն, մնացած ՔՊ-ականներին ու ՔՊ առաջնորդին


ԱԺ ՔՊ-ական պատգամավոր, արաբագիտության գծով պատմական գիտությունների թեկնածու Հարությունյան Արայիկը մարդկանց ստիպել է, որ կրկին խոսեն իր մասին: Նա հայտարարել է…

Բելառուսը կազատի 25 բանտարկյալի՝ «որպես բարի կամքի դրսևորում»


Աշխարհ


ԱՄՆ-ն կվերացնի երկու բելառուսական ձեռնարկության՝ «Լակոկրասկա» ընկերության և «Բելեսբումպրոմ» կոնցեռնի նկատմամբ սահմանված պատժամիջոցները։ Այս մասին հայտարարել է Բելառուսի հարցերով Դոնալդ Թրամփի հատուկ ներկայացուցիչ Ջոն Քոուլը՝ Մինսկում կայացած բանակցություններից հետո։ Նրա խոսքը մեջբերել է Ալեքսանդր Լուկաշենկոյին մոտ կանգնած Пул Первого Telegram ալիքը։

Բելառուսը կազատի 25 բանտարկյալի՝ «որպես բարի կամքի դրսևորում»,- ասել է Քոուլը, բայց չի նշել, թե կոնկրետ ովքե՛ր ազատ կարձակվեն։

Քոուլի խոսքով՝ Մինսկը և Վաշինգտոնը քննարկել են «ինչպես միջազգային, այնպես էլ երկկողմ և փոխադարձ հետաքրքրություն ներկայացնող այլ հարցեր», համաձայնության են եկել «միջանկյալ համաձայնագրի» շուրջ։

«Երբ կողմերը կգան փոխհամաձայնության, և բոլոր հարցերը կլուծվեն, կլինեն լրացուցիչ ազատումներ և բելառուսական ընկերությունների նկատմամբ պատժամիջոցների վերացում»,- ասել է Թրամփի հատուկ ներկայացուցիչը։



Մաhացել է ՀՀ նախկին վարչապետ Կարեն Կարապետյանի հայրը

90 տարեկան հասակում, կյանքից հեռացել է ՀՀ նախկին վարչապետ Կարեն Կարապետյանի հայրը՝ Վիլհելմ Վլադիմիրի Կարապետյանը։

Հոգեհանգիստը տեղի կունենա 2026 թվականի սեպտեմբերի 17-ին՝ ժամը 17։00-ից, Նոր Նորքի 5-րդ զանգվածի Սուրբ Սարգիս եկեղեցում։ Վերջին հրաժեշտի արարողությունը կկայանա սեպտեմբերի 18-ին՝ ժամը 13։00-ին՝ նույն վայրից։

Վիլհելմ Վլադիմիրի Կարապետյանը հայտնի գործարար, բարերար և մտավորական էր, ով երկար տարիներ մասնագիտական ակտիվ գործունեություն է ծավալել ինչպես Հայաստանում, այնպես էլ նախկին ԽՍՀՄ տարածքում և արտերկրում։

Որպես էներգետիկայի ոլորտի բարձրակարգ մասնագետ՝ նա երկար տարիներ գործուղվել ու աշխատել է արտասահմանյան երկրներում, մասնավորապես՝ Կուբայում և Գերմանիայում։

Վաստակավոր էներգետիկ Վիլհելմ Կարապետյանի աշխատանքային կենսագրությունը տասնամյակների պատմություն ունի՝ փոքր էլեկտրակայանից մինչև «Էներգանորոգում» գործարան։

Նա երկարամյա և արդյունավետ գործունեություն է ծավալել Հայաստանի Հանրապետության էներգետիկայի ոլորտում՝ իր մասնագիտական գիտելիքներով, փորձով և ներդրած նշանակալի ավանդով նպաստելով ոլորտի զարգացմանն ու առաջընթացին։

Հայաստանի էներգահամակարգի 100-ամյակի կապակցությամբ ՀՀ նախագահի հրամանագրով պարգևատրվել է «Անանիա Շիրակացի» մեդալով։

Վ. Կարապետյանը ակտիվորեն զբաղվել է բարեգործությամբ, հատկապես Արցախի Ասկերանի շրջանի Աստղաշեն գյուղում, ինչի համար 2011 թվականին Արցախի նախագահի հրամանագրով պարգևատրվել է «Երախտագիտություն» մեդալով։

Զբաղվել է նաև գրական գործունեությամբ․ հիշարժան է 2009 թվականին լույս տեսած «Զրույց թոռների հետ» գիրքը։

Նույնիսկ ապօրինի ձեռք բերված կոշիկը պետք է հետ վերադարձվի. Նիկոլ Փաշինյանը՝ ընդդիմադիր պատգամավորին

Այսօր Ազգային ժողովում Կառավարության հետ հարցուպատասխանի ժամանակ պատգամավոր Մեսրոպ Մանուկյանը հարց ուղղեց վարչապետ Նիկոլ Փաշինյանին:

«Ապօրինի ծագում ունեցող գույքի բռնագանձման մասին օրենքի 33-րդ հոդվածի համաձայն՝ իրավասու մարմինը պարտավոր է տարեկան հաշվետվություն ներկայացնել վարույթների և դրանց արդյունքների վերաբերյալ: Դատախազության թվերը թերի էին, ես դիմեցի դատախազությանը, թե քանի անձի նկատմամբ են սկսել ուսումնասիրությունը և հասկացել, որ պետք չէ վարույթ ընդունել և ուսումնասիրություն չի եղել: Այսինքն՝ գործը փակվել է: Ասեմ, որ հրապարակած թվերի և այն թվերի միջև, որ ինձ տվել են, ահռելի տարբերություն կար: Բայց 411 անձի վերաբերյալ վարույթ չի նախաձեռնվել, սակայն այն պահանջը, որ ասել ենք անուններ հրապարակեք, հրաժարվել է: Գաղտնի պահելոց անունները, հարց է առաջանում, թե ի՞նչն է նրանց դրդում գաղտնի պահել անունները: Իմ հարցը հետևյալն է՝ ինչպե՞ս եք նայում այն հարցին, որ դատախազությունը գաղտնի է պահում անունները և պատրա՞ստ եք տալ հանձնարարական, որ կառույցը հասարակության առջև աշխատի թափանցիկ», – հետաքրքրվեց պատգամավորը:

Ի պատասխան վարչապետ Նիկոլ Փաշինյանը նշեց, որ, եթե դատախազությունը որևէ բան չի հրապարակել կամ տրամադրել, ապա թերևս ունեցել է իրավական հիմքեր: Մյուս կողմից, նրա խոսքով, վարչապետը չի կարող դատախազությանը հանձնարարական տալ:

«Ինչ վերաբերում է հարուցել չհարուցելուն, տեղյակ եք, որ Սահմանադրական դատարանն այս ընթացքում որոշում է կայացրել ապօրինի գույքի բռնագանձման հետ կապված գործընթացներով: Նկատի ունեմ, որ Ձեր հարցն այնքան իրավական նրբությունների է վերաբերում, որ իմ իրավասություններից դուրս է», – նշեց նա:

Պատգամավորը շարունակեց՝ պնդելով, թե պետք է երկակի ստանդարներ չլինեն և այս գործիքը մահակ չլինի:

«Որպեսզի բոլորն օրենքի առջև հավասար լինեն, պետք է բոլորը հավասար չափով թալանած լինեն: Ես չեմ կարծում, թե Ձեր և հարևան խմբակցության հետ հնարավոր է այս հարցում մրցակցել և հավասարվել կամ ընդհանրապես հնարավոր է այդպիսի իրավիճակի կրկնում Հայաստանի Հանրապետությունում: Այն իրադրությունները, սկսած աղիողորմ մռնչյուններից՝ դաս են նրանց համար, որ ժողովրից և պետությունից թալանված ոչ մի լումա որևէ մեկը չի մարսելու: Ով ուզում է լինի և որտեղից ուզում է լինի: Օրենքում պետք է փոփոխություն կատարվի և 25:75 հնարավորությունը վերացվի և ապօրինի գույքը պետք է ամբողջովին բռնագանձվի: Ասել եմ՝ նույնիսկ ապօրինի ձեռք բերված կոշիկը պետք է հետ վերադարձվի», – հավելեց վարչաետը:

Գյուղատնտեսության աճ չունենք, հակառակը՝ ունենք նվազում. Նիկոլ Փաշինյան․ ՏԵՍԱՆՅՈՒԹ

Գյուղատնտեսության աճ չունենք, հակառակը՝ ունենք նվազում. Նիկոլ Փաշինյան․ ՏԵՍԱՆՅՈՒԹ

Վառելիքի համաշխարհային պաշարները կրճատվում են

Վառելիքի համաշխարհային պաշարները կրճատվում են արդեն ավելի քան կես տարի, իսկ դեֆիցիտը ռազմավարական պահուստների հաշվին փոխհատուցելու հնարավորությունները գործնականում սպառվել են, գրում է WSJ-ն:

ԱՄՆ-ում դիզվառելիքն արդեն թանկացել է՝ հասնելով ռեկորդային 6,23 դոլարի՝ մեկ գալոնի դիմաց, իսկ նավթը մոտեցել է 101 դոլարի՝ մեկ բարելի դիմաց:

Chevron-ում նախազգուշացնում են, որ իրավիճակի արագ բարելավման որևէ պատճառ դեռևս չի երևում։
Հոդվածում նշվում է, որ աշխարհում վառելիքի առևտրային պաշարները կրճատվում են արդեն ավելի քան կես տարի, իսկ նավթի ռազմավարական պաշարների հետագա օգտագործման հնարավորությունները սահմանափակ են։

Բացի այդ, իրավիճակը սրվել է Հորմուզի նեղուցը շրջանցող՝ Սաուդյան Արաբիայի նավթամուղի վրա կատարված հարձակման հետևանքով: Վերլուծաբանների գնահատմամբ՝ դրա պատճառով համաշխարհային շուկայից օրական դուրս է մնացել առնվազն 2,5 միլիոն բարել նավթ։

«Այս բոլոր մեխանիզմներն օգնում էին մեղմել գների և մատակարարումների հետ կապված ռիսկերը: Այժմ դրանք մեծ մասամբ սպառվել են, և մեր համակարգում առկա պաշարները մոտ չեն անգամ սկզբնականների մասշտաբին»,-հայտարարել է Chevron-ի գործադիր տնօրեն Մայք Վիրտը Օսթինում կայացած էներգետիկ համաժողովի ժամանակ։

Նրա խոսքով՝ նավթի գների արագ անկումն անհավանական է, և իրեն համար դժվար է գտնել որևէ պատճառ, «որով իրավիճակը կարող էր բարելավվել»։
ԱՄՆ-ում դիզվառելիքի գինը հասել է ռեկորդային 6,23 դոլարի՝ մեկ գալոնի դիմաց, իսկ բենզինը թանկացել է մինչև 4,32 դոլար:

«Բանակցությունների մեծ մասում առավելությունը սովորաբար ստանում է այն կողմը, որն ունի ժամանակ և պատրաստ է համբերություն դրսևորել»,-նշել է Quantum Capital Group-ի հիմնադիր Ուիլ ՎանԼոն։
Նրա խոսքով՝ Իրանը «պատրաստ է տառապել», քանի որ նրա բնակչությունն «արդեն տասնյակ տարիներ շատ է տառապում»։

Էներգետիկայի ոլորտի փորձագետները զգուշացնում են, որ Մերձավոր Արևելքում հակամարտության կարգավորման հեռանկարների բացակայության պատճառով իրավիճակը վտանգում է դուրս գալ վերահսկողությունից, հավելում է թերթը:

Աշխարհում ամենահայտնի նավթային ճգնաժամը գրանցվել է 1973 թվականին: Այն ժամանակ ՕՊԵԿ-ի երկրները էմբարգո սահմանեցին նավթի մատակարարումների վրա մի շարք արևմտյան երկրների, այդ թվում՝ ԱՄՆ-ի նկատմամբ, որոնք աջակցել էին Իսրայելին արաբա-իսրայելական պատերազմի ժամանակ:

Նավթի գներն աճեցին չորս անգամ՝ մեկ բարելի դիմաց 3 դոլարից հասնելով 12 դոլարի, իսկ մինչև 1974 թվականի փետրվարը կրկնապատկվեցին՝ հասնելով 24 դոլարի: