«Չի գանգատվել՝ իշեմիկ խնդրի հետ կապված, գործ ունենք դժբախտ պատահարի հետ»․ Սրբուհի Գալյան (տեսանյութ)

«Չի գանգատվել՝ իշեմիկ խնդրի հետ կապված, գործ ունենք դժբախտ պատահարի հետ»․ Սրբուհի Գալյան

Կառավարության նիստից հետո լրագրողների հետ ճեպազրույցում Արդարադատության նախարար Սրբուհի Գալյանը նշել է, որ ՔԿՀ-ի տեսախցիկները ֆիքսել են, որ կալանավայրում մահացած «Ուժեղ Հայաստան» կուսակցության Ստեփանավանի համայնքապետի թեկնածու Արսեն Գևորգյանի համար շտապօգնություն է կանչվել ՔԿՀ բուժաշխատողի՝ նրա խուց մտնելուց անմիջապես հետո, իսկ շտապօգնության մեքենան քրեակատարողական հիմնարկ է հասել կանչից 16 րոպե հետո։

«Խոսել եմ Առողջապահության նախարարի հետ, փորձել եմ հասկանալ՝ անձի ամբուլատոր քարտում որևէ հիվանդության վերաբերյալ նշումներ եղե՞լ են։ Ինձ ասվել է, որ իշեմիկ խնդրի հետ կապված անձը չի գանգատվել, բժշկական քարտերում համապատասխան արձանագրումներ առկա չեն եղել․․․ Նրա ինքնազգացողությունը վատացել է հենց այդ օրը, հենց այդ ժամին»,- հավելել է նախարարը՝ ընդգծելով՝ գործ ունենք դժբախտ պատահարի հետ։

Նաիրիի համայնքային ոստիկանները ավտոմեքենայից գողության դեպքեր են բացահայտել (տեսանյութ)


Տեսանյութեր


Համայնքային ոստիկանության Նաիրիի բաժնում գողության վերաբերյալ հաղորդումը ստացվեց նոյեմբերի 1-ին։ Կոտայքի մարզի Քասախ գյուղի մոտ Աշտարակի խճուղում կոտրել էին կայանված «Ման» մակնիշի մեքենայի ծածկոցի փականը և գողացել երկու մարտկոց, երկու մարտկոց էլ հանել-տարել էին նույն խճուղում կայանված «Կամազից»։
 
Եվս մեկ հաղորդում ստացվեց նոյեմբերի 7-ին։ Սահմանափակ պատասխանատվությամբ մի ընկերության տնօրեն հայտնեց, որ Եղվարդում կայանված իրենց թրթուրավոր էքսկավատորից գողացել են երկու մարտկոց։
 
Համադրելով փաստերը և ձեռնարկելով օպերատիվ-հետախուզական միջոցառումներ՝ Նաիրիի համայնքային ոստիկանները ստացան օպերատիվ հավաստի տեղեկություն, որ այս գողությունները կատարել է մայրաքաղաքի Ուլնեցու փողոցի բնակիչ 28-ամյա մի տղամարդ։
Նա ձերբակալվեց, տեղափոխվեց Նաիրիի բաժին, ապա ներկայացվեց նախաքննական մարմին։
 
Նա ընդունեց, որ այդ օրերին ինքն է գողացել նաև Երևանի Միկոյան փողոցում կայանված մեքենայի մարտկոցներն ու տարաներով դիզվառելիքը, Վանաձորի Մոսկովյան փողոցում կայանված ավտոկռունկի և «Վոլվո» մակնիշի մանիպուլյատորի երկուական մարտկոցները։
 
Հիշյալ գողոնների մի մասը հայտնաբերվել է։
 
Նախաքննությունը շարունակվում է։



Ինչպես Հայկ Մարտիրոսյանը առավելության հասավ ադրբեջանցու հետ խաղում


Հունգարիայի մայրաքաղաք Բուդապեշտում ընթացող «Total Chess World Championship Tour Pilot 2026» մրցաշարի խմբային փուլի առաջին խաղափուլում Հայաստանի առաջատար գրո…

Ասեցին` վնաս կտան, կասես` զենքն այստեղ է. Գևորգ Հարությունյանի սկանդալային հայտարարությունը


Ասեցին` վնաս կտան, կասես` զենքն այստեղ է. Գևորգ Հարությունյանի սկանդալային հայտարարությունը

Արսեն Գևորգյանի մահվան դեպքով շտապօգնությունը կալանավայր է հասել 16 րոպեում. Գալյան

«Ուժեղ Հայաստանի» Ստեփանավանի համայնքապետի թեկնածու Արսեն Գևորգյանի ինքնազգացողության վատացումից հետո շտապօգնությունը քրեակատարողական հիմնարկ է հասել 16 րոպեում։ Այս մասին…

Կանադան կարգելի ռուս և բելառուս մարզիկների մուտքը երկիր


Սպորտ


Կանադան կարգելի ռուս և բելառուս մարզիկների մուտքը երկիր՝ 2027 թվականի պատանեկան հոկեյի աշխարհի առաջնությանը մասնակցելու համար, նույնիսկ վավեր վիզաների առկայության դեպքում, հայտարարել է Կանադայի սպորտի նախարար Ադամ վան Կյովերդենը՝ նշելով, որ համապատասխան որոշման մասին տեղեկացվել են Հոկեյի միջազգային ֆեդերացիան (IIHF) և Hockey Canada-ն։

«Այս միջոցառումները ուղղված չեն ռուսների կամ բելառուսների դեմ: Դրանք նախատեսված են Ռուսաստանի և Բելառուսի կառավարություններին կանխելու համար, որ նրանք օգտագործեն Կանադայում անցկացվող միջազգային մարզական միջոցառումները որպես պետական ​​ներկայացուցչության, քաղաքական լեգիտիմացման և քարոզչության հարթակ: Կանադայի հետևողական դիրքորոշումը նաև սահմանում է, որ միայն չեզոք կարգավիճակով մրցող անհատ մարզիկներին թույլատրվի շարունակել մասնակցել Կանադայում անցկացվող միջազգային մարզական միջոցառումներին», — հավելել է նախարարը։

«Կանադայի դիրքորոշումը մնում է անփոփոխ. քանի դեռ Ռուսաստանը շարունակում է իր ագրեսիվ պատերազմը Ուկրաինայի դեմ, չի կարող լինել սովորականի պես վերադառնալ: Կանադան կշարունակի աջակցել Ուկրաինային», — ընդգծել է Ադամ վան Կյովերդենը։

Ավելի վաղ՝ նոյեմբերի 4-ին, Կանադայի վարչապետ Մարկ Քարնին հայտարարել էր, որ ռուս հոկեյիստներին վիզաներ չեն տրամադրվի 2027 թվականի պատանեկան հոկեյի աշխարհի առաջնությանը մասնակցելու համար։




Շտապօգնությունը հասել է կանչից 16 րոպե անց․ Սրբուհի Գալյանը նոր մանրամասներ է ներկայացրել Արսեն Գևորգյանի մահվան վերաբերյալ

Արդարադատության նախարար Սրբուհի Գալյանը լրագրողների հետ զրույցում անդրադարձավ կալանավայրում «Ուժեղ Հայաստան» կուսակցության ներկայացուցիչ Արսեն Գևորգյանի մահվան դեպքին՝ ներկայացնելով դեպքի հանգամանքներն ու բուժօգնության տրամադրման ժամանակագրությունը։

Նրա խոսքով՝ քրեակատարողական հիմնարկի միջանցքում տեղադրված տեսախցիկի արձանագրությունների համաձայն՝ կալանավորի ինքնազգացողության վատանալու վերաբերյալ տեղեկությունից հետո ծառայողը մոտեցել է խցին, այնուհետև կանչել բուժսպասարկում իրականացնող աշխատակցին։ Վերջինիս՝ խուց մտնելուց անմիջապես հետո շտապօգնություն է կանչվել, որը քրեակատարողական հիմնարկ է հասել 16 րոպե անց։

Նախարարը հայտնել է, որ առողջապահության նախարարի հետ քննարկել է նաև Գևորգյանի առողջական վիճակին վերաբերող տվյալները։ Ըստ իրեն փոխանցված տեղեկությունների՝ Արսեն Գևորգյանի բժշկական փաստաթղթերում սրտի իշեմիկ խնդրի վերաբերյալ գրանցումներ չեն եղել։ Նրա խոսքով՝ Գևորգյանը նման առողջական խնդիրների մասին չի հայտնել նաև դատական նիստի ընթացքում կամ քրեակատարողական հիմնարկում գտնվելու ժամանակ։

«Ընթացիկ տարում սա քրեակատարողական հիմնարկներում արձանագրված մահվան 4-րդ դեպքն է»,- հայտարարեց Սրբուհի Գալյանը։

Անդրադառնալով կալանավորումների վերաբերյալ քննադատություններին՝ նախարարը շեշտեց, որ կալանքը պետք է կիրառվի բացառիկ դեպքերում, և նախարարությունը կողմ չէ կալանավորված անձանց թվի ավելացմանը։ Նա հիշեցրեց, որ օրենսդրությամբ նախատեսված են նաև այլընտրանքային խափանման միջոցներ, այդ թվում՝ տնային կալանքն ու վարչական հսկողությունը։

«Կալանավորումը նախարարությունը չի իրականացնում, միջնորդությունը նախարարությունը չի ներկայացնում, որոշումը նախարարությունը չի կայացնում։ Նախարարությունն ուղղակի ապահովում է խափանման միջոցի կիրառումը»,– ասաց նա։

Նախարարի խոսքով՝ պետությունը պարտավոր է քրեակատարողական հիմնարկներում գտնվող անձանց ապահովել պատշաճ պայմաններով և բժշկական սպասարկմամբ։ Նա նաև նշեց, որ Արսեն Գևորգյանի մահվան հանգամանքները դեռ պետք է ստանան իրավական գնահատական՝ համապատասխան վարույթի շրջանակում։

 

Գառնի Մութաֆյան

Իսպանիայում 14 տարվա ընթացքում առաջին համընդհանուր գործադուլը հանգեցրել է ոստիկանության հետ բախումների և ճանապարհների փակման (տեսանյութ)

Իսպանիայում 14 տարվա ընթացքում առաջին համընդհանուր գործադուլը հանգեցրել է ոստիկանության հետ բախումների և ճանապարհների փակման

Իսպանիայում 14 տարվա ընթացքում առաջին համընդհանուր գործադուլը հանգեցրել է ոստիկանության հետ բախումների և ճանապարհների փակման, հաղորդում է RTVE-ն։

Մասնակիցների ազգային թիվը ո՛չ իշխանությունները, ո՛չ էլ կազմակերպիչները չեն հրապարակել։ Սակայն, Մադրիդում, ըստ տարածաշրջանային կառավարության խոսնակ Միգել Անխել Գարսիայի, գործադուլին մասնակցել է պետական ​​ծառայողների մոտավորապես 9.57%-ը և դպրոցական աշխատակազմի մինչև 30%-ը։

Գործադուլը կազմակերպվել էր Վարձակալների միության կողմից, իսկ ավելի ուշ այն աջակցվեց Իսպանիայի խոշորագույն արհմիությունների՝ Աշխատավորների ընդհանուր միության (UGT, Unión General de Trabajadores) և Աշխատավորների հանձնաժողովների (CC. OO, Comisiones Obreras) կողմից, որոնք կոչ արեցին քաղաքացիներին դադարեցնել աշխատանքը «Աշխատավարձ, բնակարան, գներ» կարգախոսի ներքո՝ գնողունակության անկման և բնակարանային սուր ճգնաժամի պատճառով։

ի՞նչ գնային փոխոխություն կա Հայաստանի սպառողական զամբյուղում


Հայաստանում 2026 թվականի հոկտեմբերին սննդամթերքի և ոչ ալկոհոլային խմիչքների գները նախորդ տարվա նույն ամսվա համեմատ աճել են 5.6 տոկոսով։ Սակայն թանկացումները բոլոր ապրանքատեսակներին հավասարապես չեն վերաբերել․ որոշ մթերքների գներն աճել են երկնիշ ցուցանիշներով, իսկ որոշների դեպքում արձանագրվել է գնանկում։ Առավել նկատելի թանկացումներից մեկը գրանցվել է տավարի մսի և ձվի շուկայում։

ՀՀ վիճակագրական կոմիտեի տվյալներով՝ 2026 թվականի հոկտեմբերին սպառողական գների ընդհանուր մակարդակը նախորդ տարվա նույն ամսվա համեմատ աճել է 4.3 տոկոսով։ Սննդամթերքի և ոչ ալկոհոլային խմիչքների գների աճը գերազանցել է ընդհանուր գնաճը՝ կազմելով 5.6 տոկոս։ Միայն հոկտեմբերին՝ սեպտեմբերի համեմատ, սննդամթերքի գներն աճել են 0.2 տոկոսով։

Մսամթերքի և ձվի գները ամենաշատն են թանկացած ապրանքների շարքում

2026 թվականի հոկտեմբերին մսի գները նախորդ տարվա նույն ամսվա համեմատ աճել են 10.8 տոկոսով։ Առավել մեծ թանկացում է արձանագրվել տավարի մսի դեպքում՝ 22.2 տոկոս։ Գառան և ոչխարի միսը թանկացել է 11.1 տոկոսով, հավի միսը՝ 5.3 տոկոսով։ Միաժամանակ, խոզի մսի գինը նվազել է 1.5 տոկոսով։

Կաթնամթերքի, պանրի և ձվի խմբում գների տարեկան աճը կազմել է 8 տոկոս։ Առանձին ապրանքատեսակներից ձուն թանկացել է 19.4 տոկոսով, պանիրը՝ 6.2 տոկոսով, թթվասերը՝ 3.6 տոկոսով, պաստերիզացված կաթը՝ 2.9 տոկոսով։

Հացամթերքի և ձավարեղենի գները և՞ս փոփոխվել են

Հացաբուլկեղենի և ձավարեղենի խմբում գների տարեկան աճը կազմել է 2.6 տոկոս։ Սակայն առանձին ապրանքատեսակների դեպքում տարբերություններ կան։ Ցորենի ձավարը թանկացել է 13.5 տոկոսով, հնդկացորենը՝ 8.9 տոկոսով, մակարոնեղենը՝ 5.4 տոկոսով, իսկ հացը՝ 2.3 տոկոսով։ Բրնձի գինը, հակառակը, նվազել է 3.4 տոկոսով։

Մրգի գները 2026 թվականի հոկտեմբերին նախորդ տարվա նույն ամսվա համեմատ աճել են 6.8 տոկոսով, իսկ բանջարեղենինը՝ 5 տոկոսով։

Սակայն սեպտեմբերի համեմատ հոկտեմբերին մրգերը էժանացել են 5.4 տոկոսով, մինչդեռ բանջարեղենի գներն աճել են 4.6 տոկոսով։ Սա ցույց է տալիս, որ տարեկան և ամսական համեմատությունները կարող են էապես տարբեր պատկեր ներկայացնել։

Ո՞ր ապրանքներն են էժանացել

Գների նվազում է արձանագրվել մի շարք ապրանքների դեպքում։ Ձկնամթերքի և ծովամթերքի գները նախորդ տարվա հոկտեմբերի համեմատ նվազել են 17.8 տոկոսով։ Մասնավորապես՝ թարմ իշխանը էժանացել է 22.2 տոկոսով։

Յուղերի և ճարպերի խմբում գները նվազել են 0.9 տոկոսով, իսկ կարագի գինը՝ 5.3 տոկոսով։ Բացի այդ, բրինձը էժանացել է 3.4 տոկոսով, իսկ խոզի միսը՝ 1.5 տոկոսով։

Այսպիսով, 2026 թվականի հոկտեմբերի տվյալներով՝ սննդամթերքի գների ընդհանուր աճի պայմաններում առանձին ապրանքատեսակների շուկայում տարբեր միտումներ են արձանագրվել։ Առավել նկատելի տարեկան թանկացումները գրանցվել են տավարի մսի և ձվի դեպքում, մինչդեռ ձկնամթերքի, կարագի և որոշ այլ ապրանքների գները նվազել են։

Top news