Պետությունը կոչված է բոլոր հնարավոր միջոցներով մեծարել նահատակների անունն ու պատիվը․ Բագրատ Սրբազան
Պետությունը կոչված է բոլոր հնարավոր միջոցներով մեծարել նահատակների անունն ու պատիվը․ Բագրատ Սրբազան
«Ի՞նչ է նշանակում պաշտպանին ասել՝ «հուպ տուր», դա սազական չի». Ազատի կացարանի հրդեհի գործով մեղադրյալը՝ դատախազին
Գեղարքունիքի մարզի առաջին ատյանի ընդհանուր իրավասության դատարանում, այսօր՝ օգոստոսի 14–ին, շարունակվում է Ազատի կացարանում հրդեհի գործով դատաքննությունը։ Այսօր հարցաքննվել է գործով մեղադրյալ Եղիշե Հակոբյանը։
Նախքան իր խոսքն սկսելը, Եղիշե Հակոբյանը դիմեց դատարանին՝ նշելով. «Պատվարժան դատարան, կներեք էլի, մինչև հարցերին անցնելը, ես պարոն փոխգնդապետին եմ դիմում, ես հասկանում եմ, որ ինքը որպես հանրային մեղադրող կամ պաշտոնատար անձ, ես բոլորին եմ հարգում այստեղ ուսադիրներով, ես էլ եմ ուսադիր կրել, բայց ի՞նչ նշանակում ֆռալ, պարոն Նորիկյանի (տուժողների պաշտպան–խմբ) կողմն և ասել՝ «հուպ տուր», դա մի քիչ սազական չի էլի։ Հատկապես հանրային մեղադրող եք դուք, դատախազություն ներկայացուցիչ եք»։
Երբ դատավորն ասաց, որ նման արտահայտություն չի լսել, Եղիշե Հակոբյանը հստակեցրեց, որ ոչ թե ասել է, այլ ժեստով ցույց է տվել. «Ես նկատել եմ, Նորիկյանն էլ ժպիտով ընդունեց դա։ Դե լավ, հուպ տվեք, ի՞նչ ասեմ։ Ես երեխեքին չեմ ուզեցել վնասել»։
Այս խոսքից հետո մի փոքր լարվեց իրավիճակը, դատավորը հանդարտության կոչ արեց ներկաներին։
Նշենք, որ հունվարի 19-ին, ժամը 01:30-ի սահմաններում Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետեւանքով զոհվել է 15 ժամկետային զինծառայող, 7 զինծառայող տեղափոխվել է Վարդենիսի հոսպիտալ, նրանից չորսը բուժօգնություն ստանալուց հետո դուրս է գրվել, 3–ը՝ ծանր վնասվածքներով տեղափոխվել Երեւան՝ Այրվածքաբանության ազգային կենտրոն:
Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարը եւ եւս 7 բարձրաստիճան զինվորականներ։
Ողբերգությունից ժամեր անց վարչապետ Նիկոլ Փաշինյանը կառավարության նիստում ներկայացրեց պաշտոնական վարկածը, ըստ որի սպան բենզին է լցրել վառարանի վրա, ինչից հետո, երբ կրակն իրեն է անցել, «ինքնապաշտպանական բնազդով» բենզինի 5 լիտրանոց տարան նետել է կացարանի ուղղությամբ, ինչն էլ հրդեհի պատճառ է դարձել։
Նախաձեռնվել է քրեական վարույթ՝ ՀՀ ՔՕ 532-րդ հոդվածի 4-րդ մասով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու եւ ավելի անձի մահ) եւ վարույթ՝ ՔՕ 550-րդ հոդվածի 3-րդ մասով (զինվորական պաշտոնեական անփութության հատկանիշներով, որն անզգուշությամբ առաջացրել է մարդու մահ), որը կցվել է մայր վարույթին։
Հավելենք, որ զոհերի ծնողները չեն հավատում պաշտոնական վարկածին: Նրանք կարծում են, որ կատարվածը դիտավորություն է եղել, եւ որ տղաները մահացած են եղել նախքան հրդեհը։ Նրանցից շատերը պատմում են տղաների եւ սպաների միջեւ եղած լարված հարաբերությունների մասին։
Գեղարքունիքի մարզի առաջին ատյանի ընդհանուր իրավասության դատարանը 2025 թվականի օգոստոսի 21-ին կայացրել է մեղադրական դատավճիռ. մեղադրյալ կրտսեր սերժանտ Ռ.Մ.-ն դատապարտվել է 3 տարի ժամկետով ազատազրկման:
Ժամկետային զինծառայող, կրտսեր սերժանտ Ռ․Մ․-ն, ով 2023 թվականի հունվարի 18-ից 19-ն ընկած ժամանակահատվածում ընդգրկված է եղել վաշտի վերակարգում և որպես վաշտի հերթապահ ծառայություն է իրականացրել Գեղարքունիքի մարզի Ազատ գյուղում գտնվող ՀՀ ՊՆ N զորամասի ինժեներասակրավորային վաշտի անձնակազմի տեղակայման վայրում, մեղավոր է ճանաչվել Քրեական օրենսգրքի 543-րդ հոդվածի 3-րդ կետով (ներքին ծառայության կանոնագրքային կանոնները խախտելը, որն անզգուշությամբ առաջացրել է մարդու (մարդկանց) մահ) նախատեսված հանցագործության կատարման մեջ:
Telegraph․ Թուրքիան կանգնած է աղետալի երկրաշարժի շեմին
Կոլումբիացի փրկարարների տեսարանը, որոնք փլուզված շենքերի փլատակներն են քանդում՝ երկրաշարժից հետո ողջ մնացածներին որոնելու համար, խիստ ու ողբերգական հիշեցում է այն սարսափելի աղետի մասին, որն սպասում է իր ժամին Եվրոպայի շեմին։ Շատ քաղաքներ՝ Սան Ֆրանցիսկոյից մինչև Տոկիո և Թեհրան, գտնվում են երկրակեղևի խոշոր խզվածքների վրա կամ դրանց մերձակայքում, գրել է Telegraph-ը։
Սակայն հենց Ստամբուլը՝ իր խիտ բնակեցված 15 միլիոնանոց բնակչությամբ, ներկայացնում է երկրաշարժի հետ կապված լայնածավալ աղետի ամենալուրջ ռիսկն աշխարհում։
Պատճառն ակնհայտ է դառնում՝ հենց որ ծովից նայում եք այս հիասքանչ քաղաքին։ Գեղատեսիլ բլրաշղթան՝ ոլորուն լանջերով, որոնք կտրուկ իջնում են դեպի ջուրը, ամբողջությամբ կառուցապատված է շենքերով, որոնք քաոսային կերպով կպել են զառիթափերին։ Շատ թաղամասերում մայթերը փաստորեն վերածվում են կտրուկ աստիճանաշարերի։
Վեց և յոթ հարկանի տների շարքերով ամբողջ թաղամասեր շտապ կառուցվել են XIX դարի վերջին, և դրանցից շատերը կրկնում են փողոցների քաոսային միջնադարյան հատակագիծը։ Այս ամենը Ստամբուլը դարձնում է աշխարհի ամենահմայիչ զբոսաշրջային քաղաքներից մեկը։ Բայց հենց սա էլ այն վերածում է սեյսմիկ թակարդի։
Գեղեցկությունն ու վտանգը նաև Բոսֆորի նեղուցի այցեքարտն են, որը քաղաքը բաժանում է եվրոպական և ասիական մասերի։ Այս տեկտոնական խզվածքի մուտքը գտնվում է ընդամենը մի քանի մղոն դեպի հյուսիս՝ Հյուսիսային Անատոլիական խզվածքից, որը հատում է Թուրքիայի հյուսիսը Սև ծովին զուգահեռ, անցնում է Մարմարա ծովի տակ, իսկ հետո ձգվում է Հալիպոլիսի թերակղզու միջով դեպի Էգեյան ծով։
Ուժեղ երկրաշարժերը Ստամբուլում տեղի են ունենում մոտավորապես յուրաքանչյուր 250 տարին մեկ։ Վերջին խոշոր տեղաշարժը տեղի է ունեցել 1766 թվականին, այնպես որ կրկնությունը վաղուց էր սպասվում։ 1999 թվականին՝ 60 մղոն դեպի արևելք գտնվող Իզմիրում, ստորգետնյա ցնցումը խլել է ավելի քան 17 000 մարդու կյանք։ 2025 թվականի ապրիլին Մարմարա ծովի տակ Ռիխտերի սանդղակով 6,2 մագնիտուդով փոքր երկրաշարժը միայն Ստամբուլում ավելի քան 230 մարդու վիրավորվելու պատճառ դարձավ։
Այդ ժամանակ սեյսմոլոգները զգուշացնում էին, որ Մարմարայի խզվածքն արթնանում է՝ աստիճանաբար ազատելով հատված առ հատված և անշեղորեն առաջ շարժվելով դեպի արևելք՝ քաղաքի ուղղությամբ։
Շինարարական նորմեր և կոռուպցիա
Սեյսմավտանգ գոտիներում գտնվող մյուս խոշոր մեգապոլիսներում գործում են խիստ շինարարական նորմեր, որոնք կոչված են նվազագույնի հասցնելու զոհերի թիվը։ Օրինակ՝ Տոկիոյում երկնաքերները կառուցվում են հսկայական ստորգետնյա հենահարթակների վրա, որպեսզի կանխվի դրանց փլուզումը ցնցումներից։ Թուրքիան 1999 թվականի Իզմիրի երկրաշարժից հետո ներդրեց իր սեփական շինարարական ստանդարտները։
Սակայն, ինչպես ցույց տվեց 2023 թվականի փետրվարին Թուրքիայի հարավում գտնվող Քահրամանմարաշում տեղի ունեցած երկրաշարժի զոհերի ցնցող թիվը, անբարեխիղճ կառուցապատողները կանոնավոր կերպով անտեսում են շինարարական նորմերը՝ խնայողության համար։ Այն ժամանակ զոհվեց ավելի քան 62 000 մարդ, ավելի քան 100 000-ը վիրավորվեց, մոտ 280 000 շենք ամբողջությամբ ավերվեց, ևս 700 000-ը վնասվեց։
Սակայն նոր շինարարական նորմերը չեն լուծում Ստամբուլի կենտրոնի մաշված բնակֆոնդի խնդիրը։ Ինչպես Լոնդոնը, այն լի է բարձր, նեղ աղյուսե տերասային տներով, միայն թե Ստամբուլում բոլոր տները կառուցված են տարբեր նախագծերով և վտանգավոր կերպով կախված են միմյանց վրա՝ զառիթափ համակենտրոն փողոցների վրա։
Բացի այդ, իր ազդեցությունն ունի Հյուսիսային Անատոլիական խզվածքի եզակի բնույթը, որը պատմականորեն տեղաշարժվել է ոչ թե մեկ աղետալի ցնցման, այլ ավելի փոքր մասշտաբի հարվածների մի ամբողջ շարքի ընթացքում։
2025 թվականին Մարմարա ծովում տեղի ունեցած ամենավերջին երկրաշարժը մեկ օրվա ընթացքում առնվազն 272 հետցնցում է առաջացրել, որոնցից ամենահզորը հասել է 5,9 մագնիտուդի։ Սա պոտենցիալ առումով ավելի վտանգավոր է, քան մեկ ուժեղ ցնցումը, քանի որ փրկարարական աշխատանքներն անխուսափելիորեն կապված են փլատակների ապամոնտաժման հետ, ինչը մնացած կառույցներն ավելի անկայուն և կրկնակի ցնցումների նկատմամբ խոցելի է դարձնում։
Կուտակված լարվածություն
Զարմանալի չէ, որ աղետների հետևանքների վերացման մասնագետներն ու ապահովագրողները Ստամբուլը համարում են երկրաշարժի համաշխարհային ամենավատ սցենարը, որին հաջորդում են Թեհրանն ու Մանիլան։ Ստամբուլը Եվրոպայի ամենամեծ քաղաքն է՝ մեծ առավելությամբ, որտեղ բնակվում է Թուրքիայի բնակչության գրեթե 20 տոկոսը։ GFZ Helmholtz երկրաֆիզիկական հետազոտությունների կենտրոնի՝ 2025 թվականին անցկացված ուսումնասիրությունը 30 տարվա ընթացքում խոշոր երկրաշարժի հավանականությունը գնահատում է 35-47 տոկոսի միջակայքում։
12 առաջատար սեյսմոլոգներից բաղկացած խումբը վերջերս հաշվարկել է, որ 1766 թվականից ի վեր Մարմարա ծովի տակ կուտակված «տեղաշարժի դեֆիցիտը» (տարբերությունն այն բանի միջև, թե որտեղ պետք է գտնվեր հողը խզվածքի գծի վրա և որտեղ է այն իրականում գտնվում ազատ տեղաշարժի անհնարինության պատճառով) հասել է գրեթե 6 մետրի։ Եվ թեև երկրաշարժերի առաջացումը կրում է անկանոն և ծայրաստիճան անկանխատեսելի բնույթ, այս դեֆիցիտը ցույց է տալիս, որ քաղաքի տակ ավելի քան երկուսուկես դար կուտակվել է հսկայական ճնշում։
Հայաստանում բացահայտվել է արտասովոր բանկային խարդախություն․ հափշտակել են 802 մլն դրամ
ԵՐԵՎԱՆ, 14 օգոստոսի․/ԱՌԿԱ/․ Բանկից 802 մլն դրամի հափշտակություն և փողերի լվացում կատարած անձը կալանավորվել է, նախաքննությունն ավարտվել, հաղորդում է ՀՀ ՔԿ–ն։
ՀՀ քննչական կոմիտեի կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչությունում նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ Ս․Ղ․-ն տեղեկանալով համակարգչային համակարգ հանդիսացող ընկերության էլեկտրոնային հավելվածի ծրագրային ապահովման մոդուլի՝ հաշվից քարտ և քարտից քարտ փոխանցումներ կատարելիս ծրագրում հաշվի մնացորդի ստուգման գործառույթ իրականացնելու տեխնիկական խոտանի մասին, 2024 թվականի դեկտեմբերի 30-ից մինչև 2025 թվականի հունվարի 5-ն ընկած ժամանակահատվածում, նույն բանկում իր հաշվին ունենալով ընդամենը 92 հզր ՀՀ դրամ, վերը նշված հավելվածի միջոցով ապօրինի՝ առանց օրենքով, պայմանագրով կամ իրավաչափ այլ հիմքով նախատեսված թույլտվության, համակարգչային համակարգում 2709 անգամ մուտքագրել է համակարգչային տվյալ հանդիսացող փոխանցման թվային տարբեր արժեքներ, ինչի արդյունքում նշված խոտանով պայմանավորված իր քարտային հաշվին գեներացրել է 802 մլն 568 հզր ՀՀ դրամ, որը նույն խոտանով պայմանավորված՝ համակարգի կողմից դիտարկվել է որպես բարեհաջող կատարված գործարք:
Նշված եղանակով Ս․Ղ․-ն հափշտակել է ընկերությանը պատկանող առանձնապես խոշոր չափերով՝ 802 մլն 568 հզր ՀՀ դրամը և հնարավորություն ունեցել տնօրինել այն։
Բացի այդ, 2025 թվականի հունվարի 1-ից մինչև հունվարի 5-ն ընկած ժամանակահատվածում Ս.Ղ.-ն նպատակ ունենալով խեղաթյուրել ակնհայտ հանցավոր ծագում ունեցող՝ ընկերությունից հափշտակված առանձնապես խոշոր չափերով՝ 711 մլն 511 հզր ՀՀ դրամի ձեռքբերման աղբյուրը, հափշտակված գումարին օրինական տեսք հաղորդելու և հափշտակության համար քրեական պատասխանատվությունից խուսափելու դիտավորությամբ, օգտվելով կրիպտոակտիվների անանունության և նույնականացման բարդությունից, հափշտակված գումարները փոխանցել է ՀՀ-ում կրիպտոակտիվների առուվաճառք իրականացնող տնտեսվարողների հաշիվներին՝ փոխակերպելով հափշտակված միջոցները կրիպտոակտիվների, իսկ մնացած մասը փոխանցել է ավելի քան 100 ֆիզիկական անձանց քարտային հաշիվներին:
Նրա նկատմամբ հսկող դատախազի որոշմամբ հարուցվել է հանրային քրեական հետապնդում՝ առանձնապես խոշոր չափերով համակարգչային հափշտակություն և առանձնապես խոշոր չափերով փողերի լվացում կատարելու համար:
Ս.Ղ.-ն կալանավորվել է:
Նախաքննության ընթացքում բանկին պատճառված վնասից 44 մլն 701 հզր ՀՀ դրամը վերականգնվել է:
Նրա վերաբերյալ քրեական վարույթը մեղադրական եզրակացությամբ ուղարկվել է հսկող դատախազին:
Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
«Գերօրինական» ընտրություններ, «գերլեգիտիմ» իշխանություն – Հրապարակ
Վարչապետի պաշտոնը զբաղեցնող անձը փորձում է 2018-ի իշխանափոխությունից հետո անցկացված ընտրությունները համարել լեգիտիմ: Ու դա հիմնավորելու համար հերթական անգամ հղում է անում հետընտրական զարգացումների բացակայությանը, ինչը կրկին կեղծիք է, քանի որ, բացառությամբ 2018-ի ԱԺ-ի էյֆորիկ ընտրության, 2020-ից այս կողմ անընդհատ շարժումներ են ծավալվել Հայաստանում: Ուղղակի այդ շարժումները (Հայրենիքի փրկության, Դիմադրությա», «Տավուշը՝ հանուն հայրենիքի») զուտ հետընտրական չէին:
Եվ, բնականաբար, չէին կարող լինել: Հաշվի առնենք 44-օրյա պատերազմում «չշշկռվելիքի» հրամանատարությամբ մեր խայտառակ պարտությունը: Որովհետեւ առաջին պլան էր մղվում ոչ թե Ազգային ժողովի ընտրության վիճարկման, այլ վարչապետի պաշտոնին սոսնձված անձի հեռացման հանգամանքը: Այնպես որ, հայտարարել, թե գործող իշխանությունը լեգիտիմ է, քանի որ հետընտրական շարժումներ չեն եղել, այնքան էլ չի համապատասխանում իրականությանը: Որպես մեծ կեղծիք՝ այն միտված է կիսագրագետ զանգվածին մանիպուլացնելուն, ինչպես նաեւ՝ եվրոպացիներին հիմարի տեղ դնելուն, քանի որ նրանք դեմ չեն այդ դերակատարմանը:
Երկրորդ․ նախկինում հանգիստ կարող էինք փողոց դուրս գալ ու ծեծվել ոստիկանների կամ օլիգարխների թիկնապահների կողմից: 2020-ից այս կողմ օլիգարխների թիկնապահները դուրս մղվեցին պատմական թատերաբեմից: Բայց մի շտապեք դա համարել ժողովրդավարության ցուցիչ: Քանի որ, նախ, ոստիկանների բռնությունները բավարար են, որպեսզի մի քանի փորձից հետո մարդիկ այլեւս բողոքի դուրս չգան կամ գոնե երկար մտածեն այդ քայլին դիմելուց առաջ: Երրորդ․ «սիրելի ժողովրդի» մասին հոգ տանելով՝ գործող իշխանությունը ներքաղաքական ապօրինի խաղի մեջ է մտցրել քննչական մարմիններին՝ որ պետական կառույցներում էլ դրանք լինեն:
Ո՞րն է հոգ տանելու պահն այդ դասավորության (տվյալ համատեքստում ճշգրիտ բառը ռուսերեն «расклад»-ն է) մեջ՝ կհարցնի ընթերցողը: Պատասխանեմ. Քննչական կոմիտեն այդ մարդկանց կազատի ծեծվելուց՝ նախօրոք մեկուսացնելով նրանց: Ճիշտ է, դա տեղի կունենա ԱԱԾ-ական կամ ոստիկանական նվաստացման շոուով համեմված: Բայց կտեւի ընդամենը մի քանի րոպե՝ իրավապահների կամերաների օբյեկտիվի ներքո, եւ վերջ՝ առանց ցավի ու մարմնային վերքերի կամ ներքին օրգանների վնասների: Իսկ քննչականում արդեն անձանց շատ ավելի քաղաքակիրթ վերաբերմունք կցուցաբերվի, քանի որ կլինեն օբյեկտիվի աչքից դուրս: Դե հիմա մտածեք, թե որն է ավելի ընդունելին՝ առաջի՞նը, թե՞ երկրորդը…
Վերադառնալով հետընտրական զարգացումների բացակայության թեմային՝ արձանագրենք, որ 2026-ի հունիսի 7-ի ընտրությունն իսկապես աննախադեպ ու բացառիկ էր, քանի որ, նախ, Հայաստանում երբեք չէր պատահել, որ գրչի մեկ շարժումով մի ողջ խմբակցություն զրկվեր Ազգային ժողովում ներկայացված լինելու սահմանադրական իրավունքից: Այդ պատճառով այդ իրողությունը ե՛ւ բացառիկ էր, ե՛ւ աննախադեպ: Երբեմն թվում է, թե մարդիկ կարկամեցին՝ շշմած նման կարգի ապօրինությունից, ու այդ պատճառով էլ դուրս չեկան փողոց՝ բողոքելու, ինչը հիմք տվեց վարչապետի պաշտոնը զբաղեցնող անձին հայտարարելու, թե ձեւավորվել է օրինական եւ լեգիտիմ իշխանություն:
Բայց հաշվի առնելով Կենտրոնական ընտրական հանձնաժողովի նախագահի՝ օրենքի վրա թքած ունենալու հանգամանքը (թեկուզ վարչական դատարանի որոշումը չկատարելու առումով), մի կողմից… Եվ քննչական կոմիտեի կողմից ընտրակաշառք բաժանելու եւ ստանալու անվան ներքո ընդդիմադիր ակտիվիստների ու շարքային ընտրողների ձերբակալություններն ու «գերանկախ» դատարանների կողմից կալանավորումները՝ մյուս կողմից… Հաշվի առնելով դա՝ հունիսի 7-ի ընտրություններն իրավացիորեն կարելի է համարել «գերօրինական», իսկ դրանց միջոցով ձեւավորված իշխանությունը՝ «գերլեգիտիմ»:
Կոլումբիայում երկրաշարժի զոհերի թիվը հասել է 284-ի
Կոլումբիայում երկրաշարժի զոհերի թիվը հասել է 284-ի։ Այս մասին հաղորդել է Blu Radio-ն։
Ընդհանուր առմամբ 3 977 մարդ ստացել է վնասվածքներ։
Եվս 379 մարդ համարվում է անհետ կորած։
«Քաշվավ էդ տղեն». Ղազինյան – NEWS.am
Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։
Կենտրոնական Ասիայի 4 երկրում էլեկտրաէներգիայի միաժամանակյա անջատում է տեղի ունեցել
Օգոստոսի 14-ի ցերեկն էլեկտրաէներգիայի միաժամանակյա անջատումներ են տեղի ունեցել Կենտրոնական Ասիայի 4 երկրում՝ Ղրղզստանում, Ղազախստանում, Տաջիկստանում և Ուզբեկստանում. գրում է meduza.io-ն։
Բիշքեկի որոշ շրջանների բնակիչներ սկսել են բողոքել էլեկտրաէներգիայի անջատումներից տեղական ժամանակով ժամը մոտ 15:00-ին: Երկրի էներգետիկայի նախարարությունը հայտնել է, որ տեղյակ է խնդիրների մասին, բայց դեռևս չի կարող հայտնել պատճառը։
Tengrinews-ը հաղորդում է, որ կարճ ժամանակ անց էլեկտրաէներգիայի անջատումներ են տեղի ունեցել Ալմաթիի 4 շրջանում և Ալմաթիի մարզի տասը շրջանում: Պաշտոնյաների խոսքով՝ անջատումը պայմանավորված է եղել էլեկտրահաղորդման գծերի խափանմամբ։
Ականատեսների համաձայն՝ Ալմաթիի մետրոն կանգնել է, լուսացույցերը դադարել են աշխատել, իսկ բջջային կապը խափանվել է: Հաղորդվել է նաև ջրի անջատումների մասին:
ԱԽՔ-ում պաշտոնանկությունները շարունակվում են
Արմեն Գրիգորյանի ազատումից հետո Անվտանգության խորհրդում նոր պաշտոնանկություն է եղել։ Նիկոլ Փաշինյանի այսօրվա որոշմամբ Անվտանգության խորհրդի գրասենյակի ղեկավա…
Իրանը խոցել է ամերիկյան MQ-9 Reaper ԱԹՍ
Իրանը խոցել է ամերիկյան MQ-9 Reaper անօդաչու թռչող սարք, որը թռչելիս է եղել Հորմոզգան նահանգի վրայով․ հայտնում են իրանական լրատվամիջոցները։
The Washington Post-ը նախկինում հայտնել էր, որ ԱՄՆ բանակն Իրանի հետ պատերազմում կորցրել է 45 հատ MQ-9 Reaper, ինչը կազմում է այս դրոնների զինանոցի մեկ քառորդը։