Վեհափառ Հայրապետի ու վեց Սրբազանների գործով դատավոր Սերժ Ռուշանյանը որոշեց գործն ուղարկել Երևանի քրեական առաջին ատյանի դատարան, որպեսզի այնտեղ քննվի ու պարզվ…
Ստամբուլում կարեւոր բանակցություններ կանցկացվեն
Իրանական օրակարգով ԱԳ նախարարների մակարդակով կարեւոր բանակցություններ կանցկացվեն Ստամբուլում։ Կմասնակցեն եվրա-եռյակն ի դեմս Ֆրանսիայի, Գերմանիայի եւ Մեծ Բրիտ…
Անվտանգությունը ամեն ինչից վեր է. Նեթանյահու
Իսրայելի վարչապետ Բենիամին Նեթանյահուն վստահեցրել է, որ Իսրայելը դուրս չի գա Գազայի հատվածից.
«Մենք չենք հեռանալու Գազայի հատվածից։
Գազայի հատվածի վերականգնում չի լինի, քանի դեռ ՀԱՄԱՍ-ը չի կազմալուծվել, իսկ ամբողջ Գազայի հատվածը չի ապառազմականացվել։ Մենք պահպանելու ենք գործողությունների ազատությունը՝ անհրաժեշտության դեպքում հարվածելու նրանց, ում անհրաժեշտ կհամարենք։ Սա է մեր անվտանգությունը։ Սա է մեր գոյությունը։ Անվտանգությունը ամեն ինչից վեր է»։
Նա խոսել է Գազայի պատերազմի մասին, նշելով. «Պատերազմի ընթացքում մեզ ասում էին․ «Դուրս եկեք Գազայի հատվածից, և դուք կստանաք պատանդներին»։ Ես նրանց ասացի․ «Ես բոլոր պատանդներին կվերադարձնեմ հակառակ ճանապարհով՝ ուժի կիրառմամբ»»։
Դիտարկեցի ԱԹՍ ստորաբաժանումների պարապմունքը. Պապիկյան (վիդեո)
ՀՀ պաշտպանության նախարար Սուրեն Պապիկյանը հայտնել է, որ դիտարկել է անօդաչու թռչող սարքերի (ԱԹՍ) ստորաբաժանումների պարապմունքը։
Նա այդ մասին հայտնել է սոցիալական ցանցերում՝ հրապարակելով նաև պարապմունքից տեսանյութ։
Դեսպանների գործունեությունը պետք է գնահատվի նաև այդ երկրի հետ առևտրատնտեսական հարաբերությունների ծավալով և աճով. ՀՀ նախագահ
Ամբողջությամբ կիսում եմ ՀՀ վարչապետի տեսակետն առ այն, որ դեսպանների գործունեությունը պետք է գնահատվի նաև տվյալ երկրի հետ մեր առևտրատնտեսական հարաբերությունների ծավալով և աճով: Այդ մասին ՀՀ դիվանագիտական ներկայացուցչությունների ղեկավարների տարեկան աշխատաժողովին ասաց ՀՀ նախագահ Վահագն Խաչատուրյանը:
«Կարևոր է դիվանագիտական առաքելության աշխատանքը չափել նաև գործնական արդյունքով, տնտեսական կապերի խորացմամբ, հայաստանյան գործարարների համար միջազգային շուկաներ մուտք գործելու հնարավորությունների ապահովմամբ:
Կարծում եմ՝ պետք է հստակ խնդիր դրվի՝ խթանելու երկկողմ առևտրաշրջանառությունը, առավել ևս ներկայացնելու Հայաստանի ներդրումային գրավչությունը: Այս կոնտեքստում կառաջարկեի առավել ակտիվ օգտագործել գործարար համաժողովների՝ B2B և կլոր սեղանների ձևաչափերը՝ ներառելով այն յուրաքանչյուր բարձրաստիճան այցի ծրագրում:
Հայտնի է, որ բիզնեսն ինքնուրույն է հարթում իր ճանապարհը, բայց պետությունն անելիք չունի այս հարցում, սակայն կարծում եմ, որ համապատասխան ձևաչափի յուրօրինակ հարթակի տրամադրումը՝ երկրների ղեկավարության մասնակցությունը կամ ներկայությունն այդ միջոցառումներին հավելյալ երաշխիք կդառնա փոխվստահության մթնոլորտի ձևավորման գործում»,- ասաց նա:
ԵԱՏՄ-ն աշխարհում սկսել է ընկալվել բոլորովին նոր կերպ. ՌԴ փոխվարչապետ
Եվրասիական տնտեսական միությունը մեծ հետաքրքրություն է առաջացնում աշխարհի բազմաթիվ երկրների շրջանում. հայտարարել է Ռուսաստանի փոխվարչապետ Ալեքսեյ Օվերչուկը։ Նրա խոսքով՝ ԵԱՏՄ-ն աշխարհում սկսել է ընկալվել բոլորովին նոր կերպ, և միության նկատմամբ հետաքրքրությունն աճում է տարբեր միջազգային կառույցների ու պետությունների կողմից։
«Մենք տեսնում ենք նաև ՄԱԿ-ի հետաքրքրությունը։ Հետաքրքրված են Հարավարևելյան Ասիայի պետությունների ասոցիացիայի անդամ երկրները, հետաքրքրություն կա Չինաստանի կողմից։ Հնդկաստանի հետ մենք բանակցություններ ենք վարում։ Իսկ Հարավարևելյան Ասիայի խոշորագույն տնտեսության՝ Ինդոնեզիայի հետ մենք արդեն համաձայնագիր ենք ստորագրել»,– ասել է Օվերչուկը «Ռոսիա» ազգային կենտրոնում անցկացված միջոցառման ժամանակ։
Ռուսաստանի փոխվարչապետի խոսքով՝ այս զարգացումները վկայում են ԵԱՏՄ-ի՝ Եվրասիայի խաղաղ և փոխշահավետ զարգացմանը նպաստելու ձգտման մասին. «Այս ամենը ցույց է տալիս, որ մենք իսկապես ձգտում ենք նրան, որպեսզի Եվրասիայի ժողովուրդների կյանքը դառնա ավելի որակյալ և ավելի լավ։ Եվ, իհարկե, դա վերաբերում է նաև Ռուսաստանին»,– եզրափակել է Օվերչուկը։
Ադրբեջանն Իրանը ներառել է դիվանագետների համար ռազմական ռիսկեր ունեցող երկրների ցանկում
Իրանը ներառվել է այն երկրների ցանկում, որտեղ Ադրբեջանի դիվանագիտական ներկայացուցչությունները և հյուպատոսությունները գործում են պատերազմի և զինված հակամարտության պայմաններում։
Ինչպես հայտնել են ադրբեջանական լրատվամիջոցները, համապատասխան որոշումը ստորագրել է Ադրբեջանի վարչապետ Ալի Ասադովը։
Որոշման համաձայն՝ Իրանի Իսլամական Հանրապետությունն ավելացվել է այն երկրների ցանկում, որտեղ Ադրբեջանի դիվանագիտական ներկայացուցչությունների և հյուպատոսությունների համար գործում են աշխատանքի հատուկ պայմաններ։
Իրանը դարձել է այս ցանկի ութերորդ երկիրը։ Որոշումը տարածվում է 2026 թվականի մարտի 1-ից մինչև դեկտեմբերի 31-ն ընկած ժամանակահատվածի վրա։
Արդեն երկրորդ դատավորն է հրաժարվել Ամենայն Հայոց կաթողիկոսի և 6 արքեպիսկոպոսների գործից
Դատավոր Սերժ Ռուշանյանը որոշում է կայացրել Ամենայն Հայոց կաթողիկոսի և 6 եպիսկոպոսների վերաբերյալ գործը փոխանցել Երևան քաղաքի ընդհանուր իրավասության առաջին ատյանի քրեական դատարան՝ այն քննելու և Արմավիրի դատարանում գործի քննության նպատակահարմարությունը որոշելու համար։ Կողմերը առարկություններ են հայտնել, սակայն դատավորը պնդել է իր որոշումը։
Ավելի վաղ ինքնաբացարկ էր հայտնել դատավոր Հակոբ Մանուկյանը։
Դատավորը Կաթողիկոսի գործն ուղարկեց Առաջին ատյանի ընդհանուր իրավասության քրեական դատարան
Դատավոր Սերժ Ռուշանյանը Կաթողիկոսի և վեց եպիսկոպոսների գործն ուղարկեց Երևան քաղաքաի Առաջին ատյանի ընդհանուր իրավասության քրեական դատարան։ «Եթե վեճի…
Լենա Նանուշյանը 111 տարի առաջ նվեր ստացած գույք է հայտարարագրել
Առողջապահության նախարարի արդեն նախկին տեղակալ Լենա Նանուշյանը, ով այս պաշտոնին նշանակվել էր 2021թ-ի հունվարին, այսօր հրաժեշտ տվեց պաշտոնին։ Կոռուպցիայի Կանխա…